Սոխով Ապուր (ֆրանսական)

Jump to navigation Jump to search
Սոխի ֆրանսական ապուր

Սոխի ապուր (ֆր.՝ soupe à l’oignon սուփ ա լընօ, ֆրանսական խոհանոցի իւրօրինակ ճաշատեսակ, շատ ինքնատիպ համով եւ շատ հագեցնող: Իր խտութեան եւ չափէն դուրս հագեցնող լինելու պատճառաւ անիկա համեմատելի է մեր խաշին հետ: Սովորաբար կը ծառայէ, ճաշէն առաջ, որպէս թեթեւ եւ սննդարար ուտեստ։

Բաղադրութիւն[Խմբագրել | Խմբագրել աղբիւրը]

Պատրաստութեան համար անհրաժեշտ են՝ գլուխ սոխ, պրաս (պուլկարական սոխ, лук порей), սխտոր պճեղ, ձիթապտուղի իւղ , կարագ, ալիւր, սպիտակ գինի, արգանակ (տաւարի, հաւու կամ բանջարեղէնի), հաց, կոշտ պանիր[1]։

Պատրաստութիւն[Խմբագրել | Խմբագրել աղբիւրը]

Սոխը, պրասն ու սխտորը մաքրել, ապա լաւ մը լուալ: Սոխը կտրատել երկայնակի եւ բարակ շերտերով[2]: Պրասը՝ օղակներով: Սխտորը՝ տաշեղներով: Կաթսային մէջ տաքացնել ձիթապտուղի իւղն ու կարագը, ապա լեցնել սոխը եւ պրասը: Շատ ցած կրակի վրայ տապկել երկու ժամ: 1 ժամը լրանալէ ետք աւելացնել նաեւ սխտորը եւ եփել եւս մէկ ժամ:

Այս ապուրին գլխաւոր գաղտնիքն է՝ սոխը պէտք է շատ երկար եւ շատ մարմանդ կրակի վրայ եփի, որ ամբողջովին կարմրի: Ընթացքին պէտք է պարբերաբար խառնել, որպէսզի տակը չկպչի:

Միաժամանակ կարելիէ պատրաստել արգանակը: Այն կրնայ ըլլալ տաւարի, հաւու կամ բանջարեղէնային: Տաւարի կամ հաւու արգանակ պատրաստելու համար կաթսային մէջ լեցուցէ՛ք համապատասխանաբար տաւարի կամ հաւու ոսկորները, մէջտեղէն երկայնակի կիսած մէկ-երկու ստեպղին, մէկ գլուխ սոխ կամ մի քանի պրասի կանաչ հատուածներ, մէկ պճեղ սխտոր: Բանջարեղէնի արգանակի համար լեցուցէ՛ք նոյն բաները՝ առանց ոսկորներու: Աւելացուցէ՛ք ջուր եւ եփեցէ՛ք: Մեկ ժամ ետք աւելացուցէ՛ք աղ:

Երկու ժամ տապկելէ ետք սոխին վրայ աւելացուցէ՛ք ալիւրը, աւելացուցէ՛ք սպիտակ գինին, ապա աւելացուցէ՛ք քամած արգանակը[3][4]: Հինգ-տասը վայրկեան ետք սոխով ապուրը պատրաստ կ՛ըլլայ: Այն բաւական թանձր պէտք է ըլլայ:

Մատուցման Եղանակ[Խմբագրել | Խմբագրել աղբիւրը]

Հրակայուն ապուրի ամաններու էջ լեցուցէ՛ք մէկ-մէկեւկէս շերեփ սոխով ապուր, վրան դրէ՛ք հացի կտորներ, վրան՝ քերած պանիր: Նախընտրելի է հալող տեսակի պանիր[5]։ Դրէ՛ք փուռին ամենավերի յարկը՝ ամենաբարձր ջերմաստիճանով, որպէսզի պանիրը հալի եւ հացը կարմրի: Այդ ընթացքին ապուրն աւելի կը թանձրանայ, քրեմ-ապուրի խտութիւն կը ստանայ: Երեք-չորս վայրկեան բաւական է վերջնական արդիւնքին հասնելու համար։

Ծանօթագրութիւններ[Խմբագրել | Խմբագրել աղբիւրը]

  1. «FAQs: soups & stews»  (անգլ.)
  2. «French Onion Soup»  (անգլ.)
  3. Robert Courtine, Derek Coltman, trans. (1973) The Hundred Glories of French Cooking. Farrar, Straus and Giroux. p. 18. ISBN 0374173575(անգլ.)
  4. Marie Ébrard (1927) La bonne cuisine de Madame E. Saint-Ange, Editions Chaix. p. 186.(անգլ.)
  5. «Classic French Onion Soup – mon petit amour!» 

Կատեգորիա:Ֆրանսական խոհանոց