Պռոշեանի Քոնեակի Գործարան

Պռոշեանի քոնեակի գործարան, ալքոլային խմիչքներ արտադրող ձեռնարկութիւն, Երեւանի մէջ: Կը գտնուի Աշտարակի խճուղիին վրայ՝ դէպի Պռոշեան գիւղ տանող հատուածը: Գործարանը յայտնի է իր Մանէ քոնեակ ապրանքանիշով:

Պատմութիւն

1885-էն սկսեալ գործարանը սկսած է գործել Պռոշեան գիւղին մէջ: Այժմ գործող արտադրամասերը հիմնուած են 1980-ականներուն` իբրեւ Հայկական Խորհրդային Սոցիալիստական պետական ձեռնարկութիւն Երեւանի հիւսիս-արեւմտեան ծայրամասը: Խորհրդային Միութեան փլուզումէն ետք գործարանը 1996-ին սեփականաշնորհուած է:

Հայկական քոնեակը գործարանի հիմնական արտադրանքն է, որ կը պատրաստուի Արարատեան դաշտի բերրի խաղողէն: Գործարանը ունի տարբեր արտադրութիւններ, ինչպէս` գինի, մրգային գինի, օղի եւ պահածոյ սնունդ: Ընկերութիւնը կ՛արտադրէ նաեւ յուշանուէր քոնեակներու մեծ հաւաքածոյ: Արտադրութիւնը ամբողջութեամբ հիմնուած է Իտալիաիտալական արուեստագիտութեան հիման վրայ:

Գործարանի արտադրանքը շարունակ կ՛արտահանուի Ռուսաստան, Ուքրանիա, Լիթուանիա, Պելառուս, Լաթվիա, Վրաստան, Գերմանիա, Էսթոնիա, ԱՄՆ, Յունաստան, Լեհաստան, Իսրայէլ, Հարաւային Քորէա, Ղազախիստան եւ Տաճիկիստան:

Բացի Երեւանի մէջ տեղակայուած գլխաւոր գործարանը, ընկերութեան կը պատկանի նաեւ Պռոշեան-Այգեստան գինիի գործարանը Արմաւիրի մարզի Այգեստան եւ Պռոշեան գիւղերուն մէջ: Սակայն ամբողջ շշալցման ընթացքը տեղի կ՛ունենայ Երեւանի մէջ գտնուող գլխաւոր գործարանէն ներս:

Արտադրանքներ եւ ապրանքանիշեր

Մանէ 3 տարեկան հայկական քոնեակ Պռոշեանի քոնեակ գործարանէն

Գործարանը հիմնականին մէջ յայտնի է Հայաստանի քոնեակ արտադրութեան մեծ բազմազանութեամբ: Պռոշեանի քոնեակ արտադրութեան ապրանքանիշերն են՝

• Մանէ, 3, 5, 8 եւ 30 տարեկան հին քոնեակ
• Khent With Cigar, 10, 20 եւ 30 տարեկան բարձրագոյն տեսակ դասական քոնեակ
• Չարենց, 10, 20 եւ 30 տարեկան բարձրագոյն տեսակ դասական քոնեակ
• Վարդան Մամիկոնեան, 3, 5, 8 եւ 20 տարեկան հին քոնեակ
• Խենթ, 10, 20 եւ 30 տարեկան հին քոնեակ
• Պապ թագաւոր, 20, 25 եւ 30 years տարեկան հին քոնեակ
• Պռոշեան, 3, 5, 8 եւ 20 տարեկան հին քոնեակ
• Ամելի, 15 տարեկան հին քոնեակ
• Հայկական օփերա, յատուկ խառնուրդ քոնեակ
• Մարշալ Մուրատ, 3, 5, 8 եւ 10 տարեկան հին քոնեակ
• Յ. Շիրազ, 3, 5 եւ 8 տարեկան հին քոնեակ
• Մուսինեան, 3, 5 եւ 8 տարեկան հին քոնեակ
• Շերամ, 3, 5 եւ 8 տարեկան հին քոնեակ
• Արծրունի, 3, 5 եւ 8 տարեկան հին քոնեակ
• Հր. Քոչար, 8 տարեկան հին քոնեակ
• Հայկական ամրոց, 3 եւ 5 տարեկան հին քոնեակ
• Հայկուհի, 3, 5, 8 եւ 15 տարեկան հին քոնեակ
• Արա ջան, 3 եւ 5 տարեկան հին քոնեակ
• Արտամատ, 5 տարեկան հին քոնեակ
• Շնորհաւորական, 5 տարեկան հին քոնեակ
• Ցարեւնա Աննա, 8 տարեկան հին քոնեակ
• Թամար թագուհի, 8 եւ 10 տարեկան հին քոնեակ նուշի համով
• Արմենուհի, soft blended 10 տարեկան հին քոնեակ սալորի քոնեակ
• Վ. Տերեան, 3, 5 եւ 8 տարեկան հին քոնեակ վանիլի եւ տուրմի համով
• Երեք աստղ, խաղողի քոնեակ վանիլային տուրմի քոնեակ
• Հինգ աստղ, խաղողի քոնեակ վանիլային քոնեակ

Արտաքին յղումներ

• Պաշտօնական կայք