Նիկոլ Փաշինեան

Jump to navigation Jump to search
Նիկոլ Փաշինեան
Nikol Pashinyan (16.02.2018).jpg
Ծնած է 1 Յունիս 1975
Ծննդավայր Իջևան, Իջևանի շրջան, Հայաստանի Խորհրդային Սոցիալիստական Հանրապետութիւն, ԽՍՀՄ
Քաղաքացիութիւն Flag of Armenia.svg Հայաստան
Ազգութիւն հայ
Մայրենի լեզու հայերէն
Կրօնք քրիստոնէութիւն
Կրթութիւն Երեւանի Պետական Համալսարան
Մասնագիտութիւն Լրագրող, խմբագիր
Աշխատավայր Քաղաքական եւ կուսակցական գործիչ, Հայաստանի հանրապետութեան վարչապետ
Զբաղեցրած պաշտոններ ՀՀ Ազգային ժողովի պատգամավոր, Հայաստանի Հանրապետության վարչապետ[1] եւ ՀՀ Ազգային ժողովի պատգամավոր
Կուսակցութիուն Հայ Ազգային Քոնկրես, Իմպիչմենթ դաշինք, Քաղաքացիական պայմանագիր, «Ելք» դաշինք եւ «Իմ քայլը» դաշինք
Ամուսին Աննա Հակոբյան
Կայքէջ վարչապետ.հայ/hy
primeminister.am/en/pm-pashinyan
Ստորագրութիւն
Nikol Pashinyan signature.png

Նիկոլ Վովայի Փաշինեան (ծնած՝ 1 Յունիս 1975, Իջեւան), հայ լրագրող, քաղաքական, կուսակցական գործիչ, Հայաստանի Հանրապետութեան վարչապետ, Հայաստանի Հանրապետութեան Ազգային ժողովի պատգամաւոր, «Հայկական ժամանակ» օրաթերթի գլխաւոր խմբագիր (1999-2012), «Քաղաքացիական պայմանագիր» կուսակցութեան հիմնադիր եւ վարչութեան անդամ (2015), «Ելք» դաշինք խմբակցութեան ղեկավար (2017), Հայաստանի վարչապետի պաշտոնակատար[2]:

Կենսագրական գիծեր[Խմբագրել | Խմբագրել աղբիւրը]

Ծնած է 1 Յունիս 1975-ին, Իջեւան: 1991-ին աւարտած է Իջեւանի թիւ 1 դպրոցը, նոյն թուականին ընդունուած է ԵՊՀ բանասիրութեան բաժանմունքի լրագրութեան բաժինը։

Կրթութիւն[Խմբագրել | Խմբագրել աղբիւրը]

Ըստ Նիկոլ Փաշինեանի անձնական կայքին՝ ան, հակառակ գերազանց յառաջադէմ ըլլալուն, հինգերորդ տարուան՝ աւարտական քննութիւններու մեկնարկէն քանի մը օր առաջ, վարչական որոշումով հեռացուած է Երեւանի Պետական Համալսարանէն (1995)։

Լրագրողական գործունէութիւն[Խմբագրել | Խմբագրել աղբիւրը]

1992-էն աշխուժօրէն զբաղած է լրագրութեամբ. իր առաջին յօդուածը կը տպագրուի «Ավանգարդ» թերթի առաջին էջին մէջ: Հետագային թղթակից կը դառնայ «Հայաստան» եւ «Դպրութիւն» թերթերուն։ 1994– 1998 թուականներուն «Լրագիր» թերթին հետ կը գործակցի որպէս լրագրող։ Այդ ընթացքին թերթը կը հրատարակուի նաեւ քանի մը այլ անուններով՝ «Լրագիր օր» եւ «Մոլորակ»: Հոս առաջին անգամ կը փորձէ խմբագիրի դերակատարումը. կը հրատարակէ «Եմ-ես-է» երիտասարդական ներդիրը։ 1998-1999 թուականներուն «Օրագիր» օրաթերթի գլխաւոր խմբագիրն էր, 1999-ի ամառուընէ սկսեալ՝ «Հայկական ժամանակի» գլխաւոր խմբագիր։ Լրագրողական գործունէութեան ընթացքին քանի մը անգամ Փաշինեանի դէմ կը յարուցուին քրէական գործեր, նոյնիսկ կը դատապարտուի ազատազրկման, սակայն պատժաչափը պայմանականօրէն չի գործադրուիր:

Քաղաքական գործունէութիւն[Խմբագրել | Խմբագրել աղբիւրը]

  • 1998-ին - ՀՀ նախագահի թեկնածու Աշոտ Բլէեանի նախընտրական շտապի անդամ էր,
  • 2006-ին կը մասնակցի «Այլընտրանք» հ/ք նախաձեռնութեան հիմնադրման,
  • 2007-ին «Ժողովրդավարական Հայրենիք», «Պահպանողական» կուսակցություններու եւ «Այլընտրանք» հ/ք նախաձեռնութեան կազմած «Իմպիչմենթ» նախընտրական դաշինքի անդամ, նախընտրական ցուցակի 1-ին համար։

2008-ի ՀՀ նախագահի ընտրութիւններ[Խմբագրել | Խմբագրել աղբիւրը]

  • 2008-ին եղած է ՀՀ առաջին նախագահ, ՀՀ նախագահի թեկնածու Լեւոն Տէր-Պետրոսեանի նախընտրական շտապի անդամ։
  • 2 Մարտ 2008 -ին, քաղաքական հետապնդումներէ խուսափելով, Փաշինեան կ'անցնի ընդյատակ։
  • 1 Յուլիս 2009 –ին մէկ տարի, չորս ամիս ընդյատակ մնալէ ետք, ինքնակամ կը ներկայանայ ՀՀ դատախազութիւն եւ կը ձերբակալուի։

Ձերբակալում եւ դատավարութիւն[Խմբագրել | Խմբագրել աղբիւրը]

19 Յունուար 2010-ին Երեւանի Կեդրոն եւ Նորք-Մարաշ վարչական շրջանի դատարանը դատաւոր Մնացական Մարտիրոսեանի նախագահութեամբ Նիկոլ Փաշինեանը Հայաստանի Հանրապետութեան քրէական օրենսգիրք 225 յօդուածին առաջին մասով կը դատապարտէ 7 տարուան ազատազրկման։ Պատիժը կը գործադրուէր 1 Յուլիս 2009-էն։[3] Հետագային Փաշինեանի պատիժի ժամկէտը կը կրճատուի, իսկ 28 Մայիս-ին՝ Հայաստանի անկախութեան 20-ամեակին առթիւ ազատ կ'արձակուի։[4]

2012-ի ՀՀ ԱԺ ընտրութիւններ[Խմբագրել | Խմբագրել աղբիւրը]

6 Մայիս 2012-ին կ'ընտրուի ՀՀ Ազգային ժողովի պատգամաւոր ՀԱԿ համամասնական ընտրացուցակով։ Սեպտեմբեր 2012-էն Փետրուար 2013 եղած է ՀՀ ԱԺ բարոյական հարցերու ժամանակաւոր յանձնաժողովի նախագահ։

Քաղաքացիական պայմանագիր կուսակցութեան հիմնադրում[Խմբագրել | Խմբագրել աղբիւրը]

2013-ին հիմնած է «Քաղաքացիական պայմանագիր» հանրային-քաղաքական միաւորումը։

Բողոքի ցոյցեր ընդդէմ Սերժ Սարգսեանի[Խմբագրել | Խմբագրել աղբիւրը]

2018-ին Նիկոլ Փաշինեանի առաջնորդութեամբ կը մեկնարկուի «Իմ քայլը» նախաձեռնութիւնը, որ Գիւմրիէն դէպի Երեւան քայլարշաւ մը կը կազմակերպէ ընդդէմ Սերժ Սարգսեանի վարչապետութեան[5]: Անոր ղեկավարած նախաձեռնութիւնը կը համագործակցի Սերժ Սարգսեանի իշխանութեան դէմ պայքարող այլ ուժերու հետ եւ լայն աջակցութիւն կը ստանայ բնակչութեան տարբեր հատուածներու կողմէ: Քաղաքացիական հասարակութեան կողմէ սկսած Բողոքի ցոյցեր ընդդէմ Սերժ Սարգսեանի գործողութիւններու հետեւանքով 23 Ապրիլի կէսօրին ՀՀ վարչապետ Սերժ Սարգսեան կը հրաժարի իր պաշտօնէն[6]:

Նիկոլ Փաշինեանի վարչապետութիւն[Խմբագրել | Խմբագրել աղբիւրը]

8 Մայիս 2018-ին Նիկոլ Փաշինեան՝ Հայաստանի Հանրապետութեան Ազգային ժողովի պատգամաւորներու 59 կողմ, 42 դէմ ձայնով կ'ընտրուի Հայաստանի Հանրապետութեան 16-րդ վարչապետ:Ազգային ժողովի ընթացքին անոր կը սատարէին Ծառուկեան դաշինքը, ՀՅԴ խմբակցութիւնը, «Ելք» դաշինքը եւ Հայաստանի հանրապետական կուսակցութիւնը 10+1 ձայներով:

Ստեղծագործական գործունէութիւն[Խմբագրել | Խմբագրել աղբիւրը]

Նիկոլ Փաշինեան քաղաքական բնոյթով շարք մը ստեղծագործութիւններու հեղինակ է, որոնցմէ է՝ «Ձօն գարնանամուտի»ն։

1 Մարտի իրադարձութիւններու հետ կապուած ընդյատակեայ կեցութեան միջոցին ստեղծած է «Երկրի հակառակ կողմը» ստեղծագործութիւնը: Բանտէն ազատ արձակուելէ ետք խոստովանած է, որ ինք ընդյատակը գտնուած ամբողջ ժամանակը անցուցած է Հայաստանի մէջ, եւ այդ ստեղծագործութիւնը իր երեւակայութեամբ յօրինած է:

Ընտանիք[Խմբագրել | Խմբագրել աղբիւրը]

Ամուսնացած է, ունի երեք դուստր եւ մէկ որդի։ Կինը՝ Աննա Յակոբեան, «Հայկական ժամանակ» թերթի գլխաւոր խմբագիրն է։ Զաւակներն են՝ Մարիամ (ծնած 14 Նոյեմբեր 1998-ին), Աշոտ (ծնած 11 Մարտ 2000-ին), Շուշան (ծնած 17 Յուլիս 2007-ին) եւ Արփին։

Աղբիւրներ[Խմբագրել | Խմբագրել աղբիւրը]