Ներսէս Ներսէսեան (հասարակական գործիչ)
| Ներսէս Ներսէսեան | |
|---|---|
| Ծնած է | 11.11.1948 |
| Ծննդավայր | Երուսաղեմ |
| Մահացած է | 10.03.2023 |
| Ազգութիւն | Հայ |
| Կրօնք | Քրիստոնեայ |
| Ամուսին | Հելէն Ներսէսեան |
| Ծնողներ | Վարդան եւ Մարիամ Ներսէսեաններ |
| Երեխաներ | Մարալ, Վարդան, Վահրամ Ներսէսեաններ |
Կրթութւն[Խմբագրել | Խմբագրել աղբիւրը]
Ներսէս Ներսէսեան, աւարտած է Երուսաղէմի Սրբոց Թարգմանչաց Երկրորդ Վարժարանը 1966-ին, ապա Երեւանի Պոլիտեխնիկական Ինստիտուտէն 1972-ին Ելէկտրաբանեցման եւ Ավտոմատացման մասնագիտութիւններու մագիստրոսի կարմիր գերազանցիկ վկայագրով։
Կեանք[Խմբագրել | Խմբագրել աղբիւրը]
- 1972-էն մինչեւ 1978 թուականները ծառայած է Երուսաղէմի Հայ Երիտասարդաց Միութեան ՀԵՄ-ի մէջ որպէս գործօն անդամ եւ վարչական անդամ ատենադպիր։
- 1978-էն մինչեւ մահուան օրը ծառայած է Ամմանի Ազգային Մարզական Միութենէն ներս որպէս Գործօն եւ Վարչական անդամ, ատենադպիր, ատենապետ։
- 30 տարի, 1989-էն սկսեալ նշանակուած էր Յորդանանի թագաւորական արքունիքի հրամանագիրով որպէս Ամմանի Ազգային Տեղական Խորհրդի Անդամ, ծառայելով որպէս Խորհրդի եւ Ազգային Հոգեւոր Առաջնորդարանի Ընդհ. Քարտուղար եւ դատաւոր։
- Հանդիսացած է ՌԱԿ Կեդրոնական Վարչութեան Վարչական անդամ։
- 2004-էն մինչեւ մահուան օրը կը հանդիսանար Ամմանի ՌԱԿ Վահան Թէքէեան Ակումբի Ատենապետը։
- Ամմանի մէջ հանդիսացած է Հայոց Ցեղասպանութիւն 100-րդ Տարելիցի Միացեալ Յանձնախումբի պատասխանատու:
- Կապ պահելով ՀԲԸՄ-ին եւ Կիւլպէնկեան հաստատութեան հետ երկար տարիներով պահպանած է Հայոց Իւզպաշեան Կիւլպէնկեան Վարժարանը։
- Ուսումը աւարտելով աշխատանքը սկսած է որպէս maintenance-ի տնօրէն Րամալլայի Սիլվանա Շոքոլայի գործարանի մէջ։1978-ին երբ Յորդանան տեղափոխուեցաւ եւ մինչեւ 2007 DAD Group-ի 4 գործարաններու, Dar Al Dawa, DAD Vet, Nutridar & Cosmodar-ին Ճարտարագէտներու բաժնի ընդհանուր տնօրէնը կը հանդիսանար։
- 2012-էն մինչ մահը ճարտարագիտութեան եւ որակի ապահովման խորհրդատու կը հանդիսանար Omnitrade DrugStore ընկերութեան մէջ։
Դեղագործական արդիւնաբերութիւն[Խմբագրել | Խմբագրել աղբիւրը]
- Դեղագործական արդիւնաբերութիւն ոլորտի մէջ հսկայական փորձառութիւն ունի՝ ընդգրկելով տեղական և միջազգային չափանիշներուն համապատասխան արտադրական հաստատութիւններու նախագծում, կառուցում, տեղադրում և գործարկում:
- Նախագծած է դեղորայքի գործարաններ ինչպէս Յորդանանի, նոյնպէս եւ Սաուտի Արապիոյ «Սուլթան Պին Սալման Աալ Սաուտի հովանաւորութեամբ», Սուրիայի, Սուտանի, Եմէնի, Պաղտատի, Ալճերիոյ եւ ուրիշ երկրներու մէջ:
- Նախագծած եւ իրականացուցած է Հաշիմական Հասան Իշխանի հովանաւորութեամբ լապորիաթորիա մը Թագաւորական Գիտական Հասարակութեան (Royal Scientific Society) համար, Գիտութեան և տեխնոլոգիաներու բարձրագոյն խորհուրդի հովանու ներքոյ։
- Դեղագործական հայեցակարգի ուսումնասիրութեան համար իր առաջին ուսուցիչները եղած են Ավստրիայի Biochemie-ի տեխնիկական աշխատակազմը, սկսած 1978 թուականէն, որոնք եղած են եւ կը մնան Արևմտյան Եւրոպայի դեղագործական տեխնոլոգիայի առաջատարները:
- Իրականացուցած է երկար շարք մը Conceptual Master facility layouts, նախագծերը ներառելով դեղագործական լայն շրջանակ, անասնաբուժական, սննդի, կոսմետիկ գործարաններու եւ լապորաթորիաներու։
- Իր նախագծերու մի քանի ծրագրեր բարձր գնահատուած են FDA-ի աուդիտորներու, դեղագործական փորձագէտներու և մասնագէտներու կողմէ, որոնք կ՚առաջնորդուէին իր փորձառութենէն, իրենց աուդիտները իրականացնելու չափանիշներու որոշումներուն։
Շարունակ կը թարմացներ իր գիտելիքները, հետեւելով զարգացումներու, նորարարութիւններու, որը միշտ կը նկատուեր իր դասախօսութիւններուն մէջ։
Միշտ ուզելով իր գիտելիքները ծառայեն իր ազգին, Հայրենիքի մէջ Յորդանանի մեծ գործարար Սամի Հալապիի ներդրումով, դեղորայքի գործարան կառուցելու բոլոր նախագծերը պատրաստած էր, տարած է Հայաստան բայց չէ իրականացած։
Կապ հայրենիք հետ[Խմբագրել | Խմբագրել աղբիւրը]
Միշտ աշխատած է կապը պահել Հայաստանի հետ, հայկական մշակոյթը տարածել, պահպանել հայ ինքնութիւնը, Հայ ազգի նկարագիրը, ըլլայ դասախօսութիւններով, մշակութային ձեռնարկներով, միջ-համայնքային բանակումներով, Հայկական դասընթացքներով, սերմանելով սերը դէպի Հայ ինքնութեան, Հայերէն լեզուին՝ ընտանիքի եւ բոլոր համայնքին մէջ։
Մասնակցած է շատ եւ շատ Սփիւռք Հայրենիք համաժողովներու։
Պարգեւներ[Խմբագրել | Խմբագրել աղբիւրը]
Երկար տարիներով իր տիկնոջ՝ Հելէնի հետ միասին հետեւած է Յիսուս Քրիստոսի Մկրտաւայրի շրջանի Հայոց Սբ. Կարապետ Եկեղեցւոյ կառուցմանը մինչեւ պաշտօնական բացումը։ Իր ազգանուէր աշխատանքի համար 2013-ին պարգեւատրուած է Մայրենի Դեսպան մետալով ՀՀ Սփիւռքի Նախարար Հրանուշ Հակոբեանի կողմէ եւ 2014-ին Մովսէս Խորենացի մետալով պարգեւատրուած ՀՀ Նախագահ Սերժ Սարգսեանի կողմէ։
Ժառանգութիւն[Խմբագրել | Խմբագրել աղբիւրը]
Երուսաղեմի Զէյթունցի Հաւատարիմ Վարդանին եւ Մարիամին 7 զաւակներէն 3-րդը: Ներսէս Ներսէսեանի ժառանգութիւնը կը շարունակուի իր տիկնոջ՝ Հելէնի, զաւակներ՝ Մարալի, Վարդանի, Վահրամի, եւ թոռան՝ Ներսէսի միջոցով։