Նեսթոս (գետ)

Նեսթոս
Νέστος
	; Նեսթոս գետը, վարի քարտէսը՝ հոսքը․ Պուլկարիա, Յունաստան եւ կը թափի Թրակիոյ ծոց, Էգէական ծով
Բնութագիր
Երկայնք	243 քմ
Աւազանի ; մակերես	5,184 քմ2
Ջրահոսք
Ակունք	Ռիլա լեռնաշղթայ, Պուլկարիա
Գետաբերան	Նեսթոս
Տեղակայում
Երկիր	Պուլկարիա, Յունաստան

Նեսթոս (յուն․՝ Νέστος, պուլկ․՝ Места Մեսթա)․ Յունաստանի 5 մեծ գետերէն մին։ Մակեդոնիոյ եւ Թրակիոյ շրջաններուն մէջ, ինչպէս նաեւ Գավալա եւ Քսանթի Շրջանային Միաւորներուն մէջ հոսքը անոնց սահմանագիծն է։ Կը բխի Ռիլա լեռնաշղթայէն, Պուլկարիա, եւ կը թափի Թրակիոյ ծոցը։

Գետին տարածքին ապաստան կամ կեր կը գտնեն թեւաւորներու 300 տեսակներ, գիշատիչ կենդանիներու 30 տեսակներ, սողուններու 21 տեսակներ, երկակենցաղներու 11 տեսակներ, իսկ անոր Դելթային կազմուած ծովալիճերուն ձուկերու բազմաթիւ տեսակներ։

Ըստ Իրոտոթոսին, Նեսթոս գետը եղած է Յունաստանի մէջ առիւծներու տարածման հիւսիսային սահմանը։

Դիցաբանութեան մէջ

Յունական դիցաբանութեան մէջ, Նեսթոս կամ Նեսոս կը ծնի տարուան սկիզբին, նախքան մարդոց ծնիլը։ Ծնած է 12․456 գետերու եւ 3000 ջրահարսերու հետ։ Հայրը եղած է Ովկիանոսը եւ մայրը՝ Թիթիս։

Տեղեկութիւններ

Գետին հոսքին մասին

Նեսթոս գետը կը բխի Ռիլա Լեռնաշղթայէն, Պուլկարիա։ Կ՛եզերէ յունապուլկարական սահմանը, կը ճեղքէ արեւմտեան Ռոտոփին եւ Ֆալաքրօ լեռը եւ դէպի հարաւ շարունակելով իր հոսքը, կը թափի Թրակիոյ ծոցը (Էգէական ծով)։

Հոսքին ընդհանուր երկարութիւնն է 243քլ․, որոնցմէ 130քլ․ Յունաստանի մէջ։

Գետին Դելթային տարածքը ջրակենցաղային միջազգային կարեւորութիւն ունի եւ Ազգային Պուրակին մաս կը կազմէ․ կ՛երկարի Նէա Գարվալիէն մինջեւ Ավտիրա եւ կ՛ընդգրկէ Վիսթոնիտա եւ Իսմարիտա լիճերը։ Ավտիրա կը գտնուի նաեւ գետեզեքի անտառը, ծանօթ որպէս Մեծ Անտառ։ Անտառը կը յատկանշուի հարուստ բուսականութեամբ եւ բազմաթիւ կենդանիներու տեսակներէ։

Գետին կարեւորութիւն հնադարին

Նեսթոս գետը պաշտուած է որպէս աստուած։ Անոր վերի եւ միջին հոսքին կ՛ապրէին Տիի՝ հնադարեան յունա-պեղասգեան ցեղ որ յետագային դասուեցաւ որպէս թրակեան։ Իսկ Թրակիոյ Թեմպիէն դէպի հարաւ Սաթրեսները (Σάτρες Θράκης, Satrae) կ՛ապրէին։