Յովսէփ Էսկիճեան
| Յովսէփ Էսկիճեան | |
|---|---|
| Ծնած է | 1 Նոյեմբեր 1935 |
| Ծննդավայր | Դամասկոս, Սուրիոյ եւ Լիբանանի ֆրանսական մանտադ |
| Մահացած է | 5 Փետրուար 2017 (81 տարեկանին) |
| Մահուան վայր | Պէյրութ, Լիբանան |
| Մասնագիտութիւն | Վարչագիտութիւն, տնտեսագիտության դոկտոր, professor of economics, տնտեսագէտ |
Յովսէփ Էսկիճեան (1 Նոյեմբեր 1935, Դամասկոս, Սուրիոյ եւ Լիբանանի ֆրանսական մանտադ - 5 Փետրուար 2017, Պէյրութ, Լիբանան[1]), Լիբանանի առաջին հայ երդուեալ թարգմանիչ, մտաւորական եւ «Ազդակ»-ի երէց աշխատակիցներէն։
Կենսագրական գիծեր
[Խմբագրել | Խմբագրել աղբիւրը]Ծնած է Դամասկոս: Նախակրթութիւնը ստացած է ծննդավայրի Ազգային Թարգմանչաց վարժարանին եւ Միացեալ վարժարանին մէջ: Պէյրութի Հայ ճեմարանը աւարտած է Յունիս 1956-ին:
Համալսարանական ուսումնառութիւնը ամբողջացուցած է Պէյրութի Հայկազեան քոլեճի ֆրեշմեն, Հալէպի «Ալեփփօ քոլեճ»-ի սոֆոմոր, Պէյրութի ամերիկեան համալսարանի ճունիոր եւ սինիոր լսարաններուն մէջ` մասնագիտանալով վարչագիտութեան եւ տնտեսագիտութեան ճիւղերուն մէջ` 1957-1960:
Գործունէութիւն
[Խմբագրել | Խմբագրել աղբիւրը]1960-1970 պաշտօնավարած է ՊԷյրութի «Մոմճեան եղբ.» նորոյթներու վաճառատան մէջ` իբրեւ հաշուապահ եւ վարչական տնօրէն:
Մարտ 1969-ին նշանակուած է պետական երդուեալ թարգմանիչ (5 լեզուներու)` Լիբանանի Արդարադատութեան գերագոյն ատեանին կողմէ:
Եղած է ՀՅԴ-ի անդամ եւ ստանձնած է կուսակցական պատասխանատու պաշտօններ: Եղած է ՀՅԴ Զաւարեան ուսանողական միութեան անդամ:
Աշխատութիւններ
[Խմբագրել | Խմբագրել աղբիւրը]Գրած է բազմաթիւ բանաստեղծութիւններ եւ ազգային զանազան նիւթերով յօդուածներ, որոնք լոյս տեսած են «Ազդակ»-ի եւ «Բագին» գրականութեան եւ արուեստի հանդէսին մէջ:
Իր հեղինակութեամբ լոյս տեսած են երկու հատորներ` «Յաւերժի ճամբորդ հայը»[2] եւ «Անվերջակէտ առճակատում ցեղասպան թուրքին հետ»:
Ամուսնացած է 1970-ին: Ունի 2 զաւակ[3]:
Ծանօթագրութիւններ
[Խմբագրել | Խմբագրել աղբիւրը]- ↑ aztag20.rssing.com https://aztag20.rssing.com/chan-52847181/all_p22.html։ արտագրուած է՝ 2022-03-23
- ↑ «Յովսէփ Էսկիճեանի «Յաւերժի Ճամբորդ Հայը»` Հրաւէր Նոր Սերունդին»։ aztag19.rssing.com։ արտագրուած է՝ 2022-03-23
- ↑ Ոչ Եւս Է Երդուեալ Թարգմանիչ Եւ Մտաւորական Յովսէփ Էսկիճեան