Յակոբ Ասատրեան

Յակոբ Ասատրեան;
Ծնած է	16 Նոյեմբեր 1967 (56 տարեկան)
Ծննդավայր	Վանաձոր, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Հայաստան
Ուսումնավայր	Երեւանի Պետական Համալսարան
Մասնագիտութիւն	լրագրող, խմբագիր

Յակոբ Լէոնիտ Ասատրեան (16 Նոյեմբեր 1967(1967-11-16), Վանաձոր, Հայաստանի Խորհրդային Ընկերվարական Հանրապետութիւն, Խորհրդային Միութիւն), Հայկական ԽՍՀ, ԽՍՀՄ), հայ լրագրող, խմբագիր^[1]: Կինը՝ Աննա Կարապետեան, orer.eu կայքէջի գլխաւոր խմբագիր: Փրակայի Սուրբ Գրիգոր Լուսաւորիչ եկեղեցական համայնքի ծխական խորհուրդի անդամ եւ ատենադպիր։

Կրթութիւն

Յակոբ Ասատրեան ուսանած է ԵՊՀ (Երեւանի Պետական Համալսարանի բանասիրական կաճառը) (1984-1987), աւարտեր է ՄՊՀ (Մոսկուայի Պետական Համալսարանի Լրագրութեան (ժուռնալիսթիքա) կաճառը (1990):

Մամուլի գործունէութիւն

(1991-1998) թուականներուն՝ «Ազգ» օրաթերթի հիմնադիր լրագրող, (1992-1998) թուականներուն, միաժամանակ՝ ՀՀ-ի «Ազատութիւն» ռատիոկայանի ռուսական ծառայութեան թղթակից, (1993-1997) թուականներուն՝ «Արմինիըն Ինթըրնեշընըլ Մեկըզին» (Կլէնտէյլ, ԱՄՆ) եւ «Նուվել տ'Արմենի» (Փարիզ) ամսագիրներու թղթակից։ (1997-1998) թուականներուն եղեր է Զուիցերիական Կովկասեան լրատուամիջոցներու ծրագրի Հայաստանի համակարգող եւ «Լրատուամիջոցները Կովկաս»ի մէջ (Bulletin) տեղեկագիրի գլխաւոր խմբագիր (Երեւան)։ 1998 թուականէն «Ազգ»ի սեփական թղթակիցն է Չեխիոյ մէջ։ 1999 թուականին Փրակայի մէջ տիկնոջ, «Ազատութիւն» ռատիոկայանի նախկին լրագրող Աննա Կարապետեանի հետ հիմնադրեր են «Կովկաս-Արեւելեան Եւրոպա» լրատուական կեդրոնը, որ լոյս ընծայեր է «Օրեր» ամսագիրը, որուն գլխաւոր խմբագիրն է։

Չեխիայի հայ համայնքի կազմակերպման աշխատանքներ

1999 թուականէն Յակոբ Ասատրեան աշխուժօրէն կը մասնակցի Չեխիայի հայ համայնքի կազմակերպման աշխատանքներուն, բազմաթիւ համայնքային միջոցառումներու կազմակերպիչն է^[2]։ Աշխուժօրէն մասնակցեր է համա-եւրոպական տարբեր միութիւններու հիմնադիր համագումարներուն, այդ թուով՝ «Եւրոպահայ միութիւններու ֆորում»ի, «Եւրոպայի հայկական համագումար»ի, ինչպէս նաեւ աշխոյժ մասնակիցը եղեր է «Հայկական Բարեգործական Ընդհանուր Միութեան» Եւրոպայի եւ «Հայ Դատ»ի Եւրոպայի գրասենեակներու ընդհանուր ժողովներուն ու համագումարներուն։ «ՕՐԵՐ» եւրոպական անկախ ամսագրի միջոցով իրականացուցեր է Եւրոպահայության պատմութեանը, ներկային ու ապագային նուիրուած նախագիծ՝ հեղինակելով բացառիկ յօդուածաշարք, որ ունի հանարագիտարանային նշանակութիւն ^[3]։

2014-2020 թուականներուն եղեր է Փրակայի Սուրբ Գրիգոր Լուսաւորիչ եկեղեցական համայնքի ծխական խորհուրդի անդամ եւ ատենադպիր։

Նորաստեղծ սփիւռքի նախարարութեան՝ Եւրոպայի հայկական համայնքներու եւ մամուլի որպէս փորձագէտ

ԱՄՆ միջազգային զարգացման գործակալութեան ծրագրի մէջ վեց ամիս աշխատեր է ՀՀ նորաստեղծ սփիւռքի նախարարութեան մէջ իբրեւ Եւրոպայի հայկական համայնքներու եւ մամուլի գիծով փորձագէտ (2009)։

Մրցանակներ, յուշամետալ, շնորհակալագիր եւ պատուոյ գիր

Յակոբ Ասատրեան արժանացեր է բազմաթիւ այլ շնորհակալագիրերու ու պատուոյ գիրերու։-

Թէքէեան Մշակութային միութեան Վարդգէս եւ Ռիթա Պալեաններու անուան «Տարուայ լաւագոյն լրագրող» (1995) մրցանակակիր:
Ազգային ինքնորոշման միաւորման «լաւագոյն հրապարակախօս» մրցանակի դափնեկիր (1996):
«Հայաստանի Լրագրողներու Միութեան» եւ Համաշխարհային հայկական Քոնկրէս«ի (2011), լաւագոյն լրագրողական հրապարակումներու համար մրցանակներ։
«ՕՐԵՐ» ամսագիրը՝ 2010 թուականի «Սփիւռքի լաւագոյն հայկական լրատուամիջոց» (ՀՀԿ եւ Սփիւռքի նախարարութեան) մրցանակ։
Արժանացել է Սփիւռքի նախարարութեան «Մայրենիի դեսպան») (2013) եւ «Ոսկէ մետալ»ներուն) 2017):
Մշակոյթի նախարարութեան «Գրիգոր Նարեկացի» յուշամետալին (2014)։
Հայաստանի Հանրապետութեան Ազգային Ժողովի պատուոյ գիր) 2017)։

Անդամակցութիւն

1996 թուականէն Երեւանի մամուլի ակումբի անդամ է, 1997 թուականէն` Հայաստանի Լրագրողներու (ժուռնալիսթներու) միութեան։

Ծանօթագրութիւններ

Աղբիւրներ

[1] «Օրեր»ի գլխաւոր խմբագիր. «Ոչ մէկ լեզուով Սարոյեանը այդքան յաճախ լոյս չի տեսներ, որքան չեխերէն»

[2] *Հայկական հետքեր Փրակայի մէջ

[3] Հայերէնը չմոռնալու միջոցը Չեխիոյ մէջ. հայկական «Օրերը»

[1]

[2]

[3]