Միհրան Ղազէլեան

Միհրան Ղազէլեան;
Ծնած է	1 Մարտ 1962 (62 տարեկան)
Ծննդավայր	Պէյրութ, Լիբանան
Քաղաքացիութիւն	Լիբանան
Ազգութիւն	Հայ
Մասնագիտութիւն	ուսուցիչ, խմբավար, երգահան, երաժշտագէտ

Միհրան Ղազէլեան (1 Մարտ 1962(1962-03-01), Պէյրութ, Լիբանան) խմբավար, երաժտագէտ, կը պաշտօնավարէ Գահիրէի հայ համայնքէն ներս, ղեկավարելով Ս. Գրիգոր Լուսաւորիչ եկեղեցւոյ «Ս․ Ներսէս Շնորհալի», Ազգային Առաջնորդարանի «Արաքս» եւ ՀԲԸՄ-ի «Ծիածան» մանկական երգչախումբերը: Ան նաեւ կ'ուսուցանէ երգ Միացեալ` Գալուստեան-Նուպարեան վարժարանի բարձր դասարաններուն։

Կենսագրութիւն

խմբավար, երաժտագէտ Միհրան Ղազէլեան ծնած է Պէյրութ, Լիբանան 1 Մարտ 1962-ին: Նախնական կրթութիւնը ստացած է Վահան Թէքէեան վարժարանէն ներս։ 1975 թ․ ընտանիքին հետ ներգաղթած է Հայաստան։

Կրթութիւն

Միհրան Ղազէլեան խմբավարական կրթութիւնը ստացած է 1980-1986թ. Երեւանի Ռոմանոս Մելիքեանի անուան երաժշտական ուսումնարանին մէջ (Աշոտ Ղափլանեանի դասարան)։
Երաժշտական բարձրագոյն ուսումը աւարտած է Երեւանի Կոմիտասի անուան պետական երաժշտանոցէն ներս` որպէս խմբավար 1991-ին (Յովհաննէս Չէքիճեանի դասարան), իբրեւ երաժշտագէտ՝ 1993-ին (Արթուր Շահնազարեանի դասարան):
Որպէս խմբավար 1994-ին ստացած է նաեւ յետընթացաւարտի` (postgraduate studies) կատարողական արուեստի բարձրագոյն վկայականը:

Խմբավարական գործունէութիւն

Միհրան Ղազէլեան խմբավարի իր գործունէութիւնը սկսած է 1982 թուականէն։ Ան ղեկավարած է․

Էջմիածնի Հայկակ տղայոց երգչախումբը,
Էջմիածնի թիւ 2 երաժշտական դպրոցի երգչախումբը,
Էջմիածնի Թարգմանչաց հոգեւոր երգի երգչախումբը,
Երեւանի Գթութիւն բարեգործական միութեան, Յայսմաւուրքե հոգեւոր երգի երգչախումբը,
Օշականի Ս. Մեսրոպ Մաշտոց եկեղեցւոյ երգչախումբը,
Էջմիածնի Մայր տաճարի երգչախումբը,
Էջմիածնի Ս. Աստուածածին եկեղեցւոյ երգչախումբը,
Թեհրանի Ս. Սարգիս եկեղեցւոյ երգչախումբը,
Թեհրանի Առաջնորդարանի,Ս․ Գր. Լուսաւորիչե երգչախումբը,
Երեւանի Ռոմանոս Մելիքեանի անուան երաժշտական ուսումնարանի երգչախումբը։ Ան մաս կազմած է նոյն ուսումնարանի պաշտօնէութեան, որպէս խմբավարութեան դասախօս, ապա որպէս խմբավարական բաժնի վարիչ:
Ան պաշտօնավարած է նաեւ Էջմիածնի Գէորգեան հոգեւոր ճեմարանին մէջ:

Ձայնագրուած խմբերգերու ձայներիզներ

Գարեգին Ա. Ամենայն Հայոց Կաթողիկոսի հովանաւորութեամբ ձայնագրած է խմբերգերու երեք ձայներիզներ, նուիրուած՝ «Ս. Ծննդեան», «Ս. Յարութեան» եւ «Ս. Վարդանանց» տօներուն^[1]:

Յայսմաւուրք երգչախումբով ձայնագրուած Հայ հոգեւոր երգերու ընտրանին

1995 թ. «Յայսմաւուրք» երգչախումբով ձայնագրած է «Հայ հոգեւոր երգերու ընտրանի» խտասալիկը ^[2](The Music of Armenia, Vol. 1: Sacred Choral Music արտադրող`Celestial Harmonies):^[3],^[4],^[5],^[6]

Հայաստանի պետական ակադեմական երգչախումբ

1990-2001 թուականներուն, որպէս երգչախմբային երգիչ, ան մաս կազմած է Հայաստանի պետական ակադեմական երգչախումբին:

Պաշտօնավարութիւն՝ Գահիրէ, Եգիպտոս

2003 թուականէն ի վեր Միհրան Ղազէլեան կը պաշտօնավարէ Գահիրէի հայ համայնքէն ներս, ստանձնելով՝

Գալուստեան եւ Նուպարեան ազգ. զոյգ վարժարաններու (2012 թուականէն միացեալ` Գալուստեան-Նուպարեան) երգի ուսուցման դասաւանդումը դպրոցի բարձր դասարաններուն։
Ան կը ղեկավարէ դպրոցի ընդհանուր եւ «Արցախ» երգչախումբերը,
Գահիրէի Ս. Գրիգոր Լուսաւորիչ եկեղեցւոյ՝ Ս․ Ներսէս Շնորհալի երգչախումբը,
Ազգային Առաջնորդարանի՝ «Արաքս» երգչախումբը,^[7]
ՀԲԸՄ-ի՝ «Ծիածան» մանկական երգչախումբը:
Միհրան Ղազէլեան ղեկավարած է նաեւ «Յուսաբեր» մ. ը.-ի «Ծաղկաստան» մանկական երգչախումբը:

Առնօ Բաբաջանեանի ծննդեան 90-ամեակ

Հովանաւորութեամբ Գերշ. Տ. Աշոտ եպս. Մնացականեանի, կազմակերպութեամբ Գահիրէի ազգային իշխանութեան, բացառիկ համերգ "Երազանք", կատարողութեամբ "Արաքս" երգչախումբի, մասնակցութեամբ դաշնակահար Հայկ Աւագեանի, մեներգիչներու եւ պարախումբի, պարուսոյց՝ Սիւզան Յակոբեան-Գարգուր, գեղարուեստական ղեկավար եւ խմբավար՝ Միհրան Ղազէլեան, Ուրբաթ, 17 Փետրուար 2012, կ.ե. ժամը 7:00-ին, "Պըլըքտանեան" հանդիսասրահ, Հելիոպոլիս ^[8]։

Ծանօթագրութիւններ

Աղբիւրներ

[1] Vardanantsʻ erger ev sharakanner : Vardanantsʻ 1550-ameak = The hymns and choral songs of Vartanants : the 1550th anniversary of the Battle of Avarayr

[2] sharakanneri ěntrani

[3] The music of Armenia. Volume one, Sacred choral music.

[4] Hayr Arakogh (Hymn For The Feast Of The Apostles) Mihran Ghazelian

[5] *The music of Armenia Vol. 1, Sacred choral music / the Haissmavourk Choir ; Mihran Ghazelian, conductor

[6] The Music of Armenia, Vol. 1: Sacred Music sounds right out of Gregorian songbook.

[7] Երեւան-Երեւան - Արմէն Մանդակունեան - ԱՐԱՔՍ Երգչախումբ

[8] Առնօ Բաբաջանեան : ծննդեան 90-ամեակ,

[1]

[2]

[3]

[4]

[5]

[6]

[7]

[8]