Ճորճ Պուռնութեան
| Ճորճ Պուռնութեան | |
|---|---|
 | |
| Ծնած է | 25 Սեպտեմբեր 1943 |
| Ծննդավայր | Սպահան, Իրան |
| Մահացած է | 22 Օգոստոս 2021 (77 տարեկանին) |
| Մահուան վայր | Նիւ Ճըրզի, Ամերիկայի Միացեալ Նահանգներ |
| Քաղաքացիութիւն |
 Իրան |
| Ուսումնավայր | Քալիֆորնիա Համալսարան (Լոս Անճելըս) |
| Մասնագիտութիւն | փրոֆեսոր, պատմաբան |
| Աշխատավայր |
Ռատգերսի համալսարան? Նիւ Եորք Համալսարան Քոլումպիա Համալսարան Կոնեկտիկուտի համալսարան? Քալիֆորնիա Համալսարան (Լոս Անճելըս) Թաֆթս Համալսարան |
Ճորճ Պուռնութեան (25 Սեպտեմբեր 1943, Սպահան, Իրան - 22 Օգոստոս 2021, Նիւ Ճըրզի, Ամերիկայի Միացեալ Նահանգներ), հայ պատմաբան, հայագէտ։
Կենսագրական գիծեր[Խմբագրել | Խմբագրել աղբիւրը]
Ծնած է Սպահան (Իրան)։ Համալսարանի երկարամեայ դասախօս եւ առաւել քան երեսուն հատորներու հեղինակ ու թարգմանիչ:
Անոր գործերը եւ ուսումնասիրութիւնները գլխաւորաբար նուիրուած են հայոց, պարսից եւ կովկասի պատմութեան[1]:
Իր դոկտորական աւարտաճառը պաշտպանած է 1976-ին, Քալիֆորնիոյ համալսարանի Լոս Անճելըսի մասնաճիւղին (UCLA) մէջ, նիւթ ունենալով «Արեւելեան Հայաստանը՝ ռուսական նուաճման նախօրեակին»[1]:
Գործունէութիւն[Խմբագրել | Խմբագրել աղբիւրը]
Ան պարսից եւ հայոց պատմութիւն դասաւանդած է բազմաթիւ բարձրագոյն ուսմանց հաստատութիւններու մէջ (Քալիֆորնիոյ համալսարանի Լոս Անճելըսի մասնաճիւղ, «Քոլոմպիա», «Թաֆց», Նիւ Եորք, «Ռաթկըրզ», Քընեթիքըթ, «Ռամափօ» քոլէճ եւ Կլենտէյլի համայնաքային քոլէճ):
Երկար տարիներ Ռուսիոյ եւ Խորհրդային միութեան պատմութիւն դասաւանդած է Այոնա քոլէճի (Նիւ Եորք) մէջ:
Ան Իրանեան հանրագիտարանի քառասուն խմբագիրներէն մէկը եղած է: 1990ական թուականներուն ան դասաւանդած եւ դասախօսած է նաեւ «Սիամանթօ» լսարանի աշակերտներուն:
Աշխատութիւններ[Խմբագրել | Խմբագրել աղբիւրը]
Պուռնութեան հեղինակած է շարք մը հատորներ, որոնցմէ հայոց համառօտ պատմութիւնը («A Concise History of the Armenian People») ունեցած է եօթը հրատարակութիւններ: Այս գործերը թարգմանուած են բազմաթիւ լեզուներու, որոնց կարգին՝ հայերէնի, սպաներէնի, արաբերէնի, թրքերէնի, ռուսերէնի, ճափոներէնի եւ պարսկերէնի:
Ան նաեւ անգլերէնի թարգմանած է ուշ միջնադարեան եւ վաղ արդի շրջանի բազմաթիւ հայ մատենագիրներու գործերը[2]:
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 «George A. Bournoutian, Chronicle of Abraham of Crete»։ web.archive.org (անգլերէն)։ 2007-10-20։ արխիւացուած է բնօրինակէն-էն՝ 2007-10-20-ին։ արտագրուած է՝ 2023-07-12
- ↑ «Պատմաբան Ճորճ Պուռնութեան Ոչ Եւս Է»։ Asbarez - Armenian (en-US)։ 2021-08-30։ արտագրուած է՝ 2023-07-12