Ճանտան Պատեմ
| Ճանտան Պատեմ | |
|---|---|
| Ծնած է | 4 Յունուար 1970 (54 տարեկան) |
| Ծննդավայր | Արտահան, Թուրքիա |
| Ուսումնավայր |
Բոսֆորի համալսարան? Պիրմինկհամ Համալսարան Սապանճը Համալսարան |
| Մասնագիտութիւն | պատմաբան |
Ճանտան Պատեմ (4 Յունուար 1970, Արտահան, Թուրքիա), թուրք պատմաբան։ Հայոց Ցեղասպանութիւնը ճանչցող թուրք մտաւորականներէն մին՝ Լեհաստանի մէջ։
Կենսագրական գիծեր[Խմբագրել | Խմբագրել աղբիւրը]
Ծնած է Արտահան։ Ռուսական բանասիրութեան եւ արեւելեան Եւրոպայի ուսումնասիրութիւններու ոլորտին մէջ մագիստրոսի իր կոչումը ստացած է Մեծն Բրիտանիոյ «Պիրմինկհամ» համալսարանէն 2001-ին[1]:
2007-ին, Օսմանեան պատերազմներու պատմութեան ծիրին՝ Ղրիմի պատերազմի նիւթին մէջ իր դոկտորականը ստացած է Պոլսոյ Սապանճը համալսարանէն[1]: Ութ տարի դասախօսած է սոյն համալսարանի մէջ, մշակոյթի պատմութեան, կեդրոնական Ասիոյ թրքական պատմութեան նիւթեր, ինչպէս նաեւ ռուսերէնի թարգմանութեան դասընթացքներ տուած է:
Ան մասնակցած է բազմաթիւ միջազգային գիտաժողովներու, հեղինակ է գիտական շարք մը յօդուածներու եւ հրատարակութիւններու՝ Օսմանեան կայսրութեան, Կովկասի եւ Թուրքիոյ պատմութեան մասին:
Պատեմ ուսումնասիրութիւններ կատարած է Մեծն Բրիտանիոյ, Հայաստանի, Վրաստանի եւ Գերմանիոյ պետական արխիւներուն մէջ, հանդիսանալով առաջին թուրք պատմաբանը, որ 2009-ին ընդունուած է Երեւանի մէջ՝ Հայաստանի ազգային արխիւի հաւաքածոյին ծանօթանալու եւ ուսումնասիրութիւններ կատարելու համար։
Ան կը տիրապետէ ռուսերէնին եւ անգլերէնին[2]:
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 «Candan Badem»։ www.ongc.ox.ac.uk (անգլերէն)։ արտագրուած է՝ 2023-08-03
- ↑ «Թուրք Պատմաբան Ճանտան Պատեմի Հայոց Ցեղասպանութեան Ճանաչումը Լեհաստանի Մէջ – Asbarez – Armenian»։ Asbarez - Armenian (en-US)։ 2021-05-24։ արտագրուած է՝ 2023-08-03