Հրաչ Զարդարեան

Հրաչ Զարդարեան
Ծնած է	15 Յունուար 1892(1892-01-15)
Ծննդավայր	Մեզիրէ, Օսմանեան Կայսրութիւն
Մահացած է	30 Նոյեմբեր 1986(1986-11-30) (94 տարեկանին)
Մահուան վայր	Փարիզ, Իլ տը Ֆրանս
Քաղաքացիութիւն	Օսմանեան Կայսրութիւն  Ֆրանսա
Ազգութիւն	Հայ
Ուսումնավայր	Ներսիսեան դպրոց Գէորգեան Հոգեւոր Ճեմարան Փարիզի համալսարան
Մասնագիտութիւն	գրագէտ, թարգմանիչ, Խմբագիր, հասարակական ակտիվիստ
Ծնողներ	հայր՝ Ռուբէն Զարդարեան

Հրաչ Զարդարեան (15 Յունուար 1892(1892-01-15), Մեզիրէ, Օսմանեան Կայսրութիւն - 30 Նոյեմբեր 1986(1986-11-30), Փարիզ, Իլ տը Ֆրանս), հայ գրող, թարգմանիչ, խմբագիր, հասարակական-քաղաքական գործիչ։

Կենսագրութիւն

Ծնած է Խարբերդ, ու տակաւին մանուկ՝ հետեւած է հօրը աստանդական կեանքին՝ Իզմիր, Մանիսա, Ֆիլիպէ, Պոլիս. ուր իբր ուսուցիչ կը պաշտօնավարէր՝ գրագէտ Ռուբէն Զարդարեանը։ Ուսումը ստացած է Կարին՝ ուր երեք տարի կը մնայ, Սանասարեանի իբրեւ գիշերօթիկ աշակերտ։ Երբ վարժարանը Սեբաստիա կը փոխադրուի, կը վերադառնայ Պոլիս, ու Կեդրոնականի մէջ կ'աշակերտի Դուրեան Սրբազանի, Մելգոն Կիւրնեանի (Հրանդ), Ինտրայի, Ռ. Զարդարեանի, Խաժակի. Շանթի եւ ուրիշներու։

Այն տարին իսկ, երբ պիտի լրացնէր Կեդրոնականի ընթացքը, տարագրութեան խռովայոյզ օրերուն, կը հարկադրուի անցնիլ Կովկաս՝ ուր յաջորդաբար կ'աշակերտի Ներսիսեան վարժարանի, Գէորգեան ճեմարանին եւ Երեւանի Թեմական դպրոցին՝ ուրկէ կը ստանայ աւարտականի իր վկայականը։ Նոյն տարին կ'անցնի Փարիզ, ուր յաջորդաբար կը հետեւի Սորպոնի գրականութեան դասընթացքներուն, քաղաքական եւ բարոյական գիտութեանց համալսարանին, եւ, վերջապէս, Բժշկական վարժարանին՝ ուրկէ Ռուբէն Զարդարեանը տարագրուլէն ու սպաննուելէն ետք, կինը զաւակներով միասին կ'անցնի Պալքաններ, անկէ՝ Հարաւային Կովկաս։ Ի վերջոյ Հրաչ Զարդարեան կը հաստատուի Փարիզ, ուր դասընթացքներու կը հետեւի Սորպոնի համալսարանին մէջ։ Որոշ մասնակցութիւն կը բերէ փարիզահայ գրական նոր շարժման։

Կը հաստատուի հարաւային Ֆրանսա, ուր կը մնայ մինչեւ կեանքին վերջը։

Գրական Վաստակ

Զարդարեանի գրական վաստակը, բացի երկու վէպերէն, գումարն է երկարաշունչ բազմաթիւ պատմուածքներու՝ որոնք ցրուած են գրական հանդէսներու եւ թերթերու մէջ, ու, նաեւ, անտիպ կարգ մը հատորներու՝ որոնք կը սպասեն հրատարակութեան։ 30-ական տարիներուն լոյս կ'ընծայէ իր առաջին վէպը եւ մամլոյ մէջ կը հրատարակէ պատմուածքներ, խորհրդածական փորձեր ու այլ գրութիւններ։

Գործերէն

• «Մեր Կեանքը»
• «Որբացող Մարդիկ»
• «Ժամանակ Եւ Խորհուրդք Իւր» (1955)

Աղբիւրներ

• Դար Մը Գրականութիւն, Մինաս Թէօլէօլեան, Բ. հատոր, Ամերիկայի Միացեալ Նահանգներ 1977, էջ 148-150:

Արտաքին յղումներ

• Հրաչ Զարդարեան:
• Հրաչ Զարդարեան (1892-1986). Հայ Գրողներու Փարիզեան Սերունդէն ինքնուրոյն դէմք մը: