Հայկ Ասատրեան

Հայկ Ասատրեան;
Ծնած է	5 Փետրուար 1900
Ծննդավայր	Ալաշկերտ, Աղրըի մարզ, Թուրքիա
Մահացած է	13 Յունուար 1956 (55 տարեկանին)
Մահուան վայր	Սոֆիա, Պուլկարիա
Ուսումնավայր	Շարլզ Համալսարան, Փրակի մէջ
Մասնագիտութիւն	փիլիսոփայ
Կուսակցութիւն	Հայ Յեղափոխական Դաշնակցութիւն

Հայկ Ասատրեան (5 Փետրուար 1900(1900-02-05)^[1], Ալաշկերտ, Աղրըի մարզ, Թուրքիա - 13 Յունուար 1956(1956-01-13)^[1], Սոֆիա, Պուլկարիա), հասարակական եւ քաղաքական գործիչ, խմբագիր, փիլիսոփայ։

Կեսագրական գիծեր

Ծնած է Ալաշկերտի գաւառի Երից գիւղին մէջ: Սկզբնական կրթութիւնը ստացած է ծննդավայրին եւ Երեւանի թեմական դպրոցին մէջ, ապա՝ ընդունուած է Պերլինի բարձրագոյն քաղաքական դպրոց, որմէ ետք ուսանած է նաեւ Փրակի համալսարանի փիլիսոփայութեան բաժինը, ուրկէ շրջանաւարտ եղած է 1930 թուականին եւ ստացած է փիլիսոփայական գիտութիւններու տոքթորի կոչում:

Համալսարանական աշակերտութեան տարիներուն՝ 1918-1919 թուականներուն Երեւանի մէջ սկսած է հրատարակել «Շանթ» թերթը^[2]:

Ասատրեան 1921 թուականին մասնակցած է Փետրուարեան ապստամբութիւններուն եւ ձերբակալումէ ազատելու համար Նժդեհի հետ միասին մեկնած է Թաւրիզ, Եւրոպա եւ ապա անցած է Պուլկարիա, ուր եղած է Սոֆիայի Գէորգ-Մեսրոպ ճեմարանի ուսուցիչ:

Սոֆիայի մէջ Ասատրեանի ջանքերով լոյս տեսած է «Խռովք» գիտական ամսագիրը: Ասատրեան եղած է նաեւ «Ռազմիկ» շաբաթաթերթի հիմնադիր-խմբագիր, ինչպէս նաեւ Նժդեհի հետ միասին հրատարակած է «Ցեղ եւ հայրենիք» ամսագիրը:

Աշխատութիւններ

Ասատրեան իր մտածումներն ու ըմբռնումները հրատարակած է առանձին հատորներով. անոր առաջին գործը՝ «Մտածումներ հայկական ճգնաժամի, հայ յեղափոխութեան եւ Մայիս 28-ի մասին» աշխատութիւնը առաջին անգամ լոյս տեսած է 1933 թուականին, որուն յաջորդած են «Արթնացի՛ր, հայ մարդ», «Ցեղանենգ շէյթանը» եւ այլ աշխատութիւններ:

Իր գիրքերուն մէջ Ասատրեան փորձած է փաստել, թէ հայերը ոչ թէ հնդեւրոպական (արիական), այլ սեմական ծագում ունին եւ անոր մասին հրատարակած է «Հայաստան-Արիական նախադիրք առաջաւոր Ասիայում» գիրքը^[3]:

Ծանօթագրութիւններ

1 2 3 4 Library of Congress Authorities — Library of Congress.
<a href='https://wikidata.org/wiki/Track:Q13219454'></a><a href='https://wikidata.org/wiki/Track:Q131454'></a>
↑ «Ցեղակրօնութիւն եւ Տարօնականութիւն.pdf»։ Google Docs։ արտագրուած է՝ 2021 թ․ օգոստոսի 6
↑ «ՀԱՅԿԱԿԱՆ ԱՆՑԵԱԼԷՆ ՊԱՏՄՈՒԹԵԱՆ ՄԷՋ ԱՅՍՕՐ»։ www.jamanak.com։ արտագրուած է՝ 2022-03-08

[<span_class="wikidata_cite_citetype_Q7094076"_data-entity-id="Q13219454">Library_of_Congress_Authorities<span_class="wef_low_priority_links">_—_[[:en:Library_of_Congress|Library_of_Congress]].</span></span><div_style="display:none"><a_href="https://wikidata.org/wiki/Track:Q13219454"></a><a_href="https://wikidata.org/wiki/Track:Q131454"></a></div>-1] 1 2 3 4 Library of Congress Authorities — Library of Congress.
<a href='https://wikidata.org/wiki/Track:Q13219454'></a><a href='https://wikidata.org/wiki/Track:Q131454'></a>

[2] «Ցեղակրօնութիւն եւ Տարօնականութիւն.pdf»։ Google Docs։ արտագրուած է՝ 2021 թ․ օգոստոսի 6

[3] «ՀԱՅԿԱԿԱՆ ԱՆՑԵԱԼԷՆ ՊԱՏՄՈՒԹԵԱՆ ՄԷՋ ԱՅՍՕՐ»։ www.jamanak.com։ արտագրուած է՝ 2022-03-08

[1]

[2]

[3]