Խաղաղութեան Միջազգային Օր
Խաղաղութեան միջազգային օր, ոչ պաշտօնական անուանումը՝ աշխարհի խաղաղութեան օր, (ՄԱԿ-ի պաշտօնական լեզուներով.անգլերէն՝ International Day of Peace, ռուսերէն՝ Международный день мира, սպաներէն՝ Día Internacional de la Paz, արաբերէն՝ اليوم العالمي للسلام, չինարէն՝ 国际和平日, ֆրանսերէն՝ Journée internationale de la paix) ամէնամեայ տօն, որ կը նշուի 21 Սեպտեմբերին եւ նուիրուած է աշխարհի խաղաղութեան՝ աշխարհի մէջ պատերազմի եւ բռնութեան բացառման: Տօնը առաջին անգամ նշած են 1982-ին եւ այն մինչեւ օրս կը շարունակուի նշուիլ շատ ազգերու, քաղաքական և քաղաքացիական կազմակերպութիւններու ու խմբաւորումներու կողմէ: 2013-ին առաջին անգամ ՄԱԿ-ի գլխաւոր քարտուղարը օրուան գլխաւոր նպատակը ընդունեց «խաղաղասիրական կրթութիւնը»[1]:
Այս օրը տօնելու համար, ՄԱԿ-ը կը հնչեցնէ իր՝ Նիւ Եորքի մէջ գտնուող կեդրոնակայանի խաղաղութեան զանգը: Զանգը պատրաստուած է աշխարհի բոլոր աշխարհամասերու (բացի Ափրիկէէն) երեխաներու նուիրաբերած մետաղադրամներէն, այն նուիրած է Ճափոնի Միաւորուած Ազգերու Միութեան կողմէ, իբրեւ «պատերազմի մարդկային կորուստները յիշելու» խորհրդանիշ: Զանգին վրայ գրուած է «Երկար կեանք աշխարհի բացարձակ խաղաղութեան»[2]:
Օրը նշելու որոշումը ընդունուած է ՄԱԿ-ի գլխաւոր ժողովի 30 Նոյեմբեր1981-ի № A/RES/36/67 որոշմամբ[3]: Սկիզբը որոշուած էր տօնը նշել Սեպտեմբերի երրորդ Երեքշաբթի օրը, բայց յետագային՝ ՄԱԿ-ի գլխաւոր ժողովի 55-րդ նստաշրջանին՝ 28 Սեպտեմբեր 2001-ին տօնը ամրագրուեցաւ 21 Սեպտեմբերին (որոշում № A/RES/55/282)[4]:
Օրուան թեմա[Խմբագրել | Խմբագրել աղբիւրը]
- 2018 - «Խաղաղութեան իրաւունք` Մարդու Իրաւունքներու Համընդհանուր Հհռչակագիր - 70»
- 2017 - «Յարգանք, անվտանգութիւն եւ արժանապատուութիւն բոլորին համար»
- 2016 - «Կայուն զարգացման նպատակները խաղաղութեան բաղադրիչ տարրերն են»
- 2015 - «Խաղաղութեան համար համագործակցումը իւրաքանչիւրի արժանաւոր գործն է»
- 2014 - «Ժողովուրդներու խաղաղութեան իրաւունք»
- 2013 - «Խաղաղասիրական կրթութիւն»
- 2012 - «Կայուն խաղաղութիւն՝ կայուն ապագայի համար»
- 2011 - «Խաղաղութիւն եւ ժողովրդավարութիւն, ըսէ կարծիքդ»
- 2010 - «Երիտասարդութիւնը խաղաղութեան եւ խաղաղութեան զարգացման համար»
- 2009 - «Ապառազմականացում եւ զէնքի տարածման կանխում»
- 2008 - «Մարդու իրաւունքներ եւ խաղաղութեան պահպանում»
- 2007 - «Խաղաղութիւնը ՄԱԿ-ի գլխաւոր կոչումն է»
Ծանօթագրութիւններ[Խմբագրել | Խմբագրել աղբիւրը]
- ↑ «International Day of Peace Event Information»։ Secretary-General of the United Nations
- ↑ «Secretary-General's Message on the International Day of Peace 21 September 2002»
- ↑ United Nations General Assembly Session 36 Resolution 67. International Year of Peace and International Day of Peace A/RES/36/67 page 1.
- ↑ United Nations General Assembly Session 55 Resolution 282. International Day of Peace A/RES/55/282