Ժանէթ Գարամանուկեան

Jump to navigation Jump to search
Ժանէթ Գարամանուկեան
Ծննդավայր Պէյրութ, Լիբանան
Ազգութիւն Հայ
Կրօնք Քրիստոնեայ
Մասնագիտութիւն Ուսուցիչ

Ժանէթ Գարամանուկեան, ծնած է Պէյրութ, Լիբանան: Նախնական եւ երկրորդական ուսումը ստացած է տեղւոյն Հայ Աւետարանական Գոլէճին մէջ։ Պէյրութի Ամերիկեան Համալսարանին մէջ հետեւած է մանկավարժութեան ճիւղին եւ ստացած՝ Պսակաւոր Արուեստից տիտղոսը, 1957-ին։

Ուսուցչական ասպարէզ մտած է 1958-ին, ու դասաւանդած՝ անգլերէն, հայերէն եւ հայոց պատմութիւն, Հայ Աւետարանական Գոլէճին մէջ, Պէյրութ։

Դպրոցական գրասեղաններու վրայ սկսած է գրել եւ մասնակցիլ Հայ Աւետարանական Գոլէճի գրական ակումբին «Սիփան» թերթին։ Ապա պատմուածքներ տուած է «Գրական Կայծեր»-ուն, «Շիրակ»-ին, եւ «Երիտասարդ Հայուհի»-ին։ Այս վերջինին խմբագրական կազմին մասնակցած է 1963-1968 տարիներու ընթացքին։

1963-1988, «Պատանեկան Արձագանգ» ամսաթերթին խմբագրական մարմնին մաս կազմած ու գրած է մանկական պատմուածքներ եւ խմբագրականներ։

Հեղինակն է «Պէյրութի Երախաներ» մանկական պատմուածքներու հատորին, հրատարակուած Երեւանի մէջ, եւ «Աբարի Աղաւնիներ»՝ դարձեալ մանկական պատմուածքներու հատորին, Պէյրութի մէջ, 1990-ին։

Ներկայիս Գալիֆորնիոյ մէջ կը շարունակէ ուսուցչութիւնը Մերտինեան Հայ Աւետարանական Վարժարանի եւ Ամերիկահայ Միջազգային Գոլէճի մէջ, նոյն ատեն մատ կազմելով «Նոր Կեանք» շաբաթաթերթի խմբագրութեան։

Թէքէեան Մշակութային Միութեան կազմակերպած գեղարուեստական մրցանքներուն, 1958-ին, ստացած է Բ. մրցանակը. իսկ 1965-ին յիշատակութեան արժանացած է Եղեռնի 50 ամեակին նուիրուած պատմուածքներուն համար։

Ժ. Քասունիի « Գաւաթ մը Գարեջուր» պատմուածքը 1991-ին արժանացած է Aliied Arts-ի Գրական բաժնի Ա. մրցանակին։

Ժանէթ Քասունի որպէս ծածկանուն կը գործածէ Հուրի[1]:

Ծանօթագրութիւններ[Խմբագրել | Խմբագրել աղբիւրը]

  1. Մինաս Թէօլէօլեան, Դար մը գրականութիւն, հ. հատոր (Բ հրատարակութիւն), Հալէպ, '''հատորը նշուած չէ'''։