Զոհրապ Քէշիշեան
Զոհրապ Քէշիշեան | |
|---|---|
| Ծնած է | 1943 |
| Ծննդավայր | Հալէպ, Սուրիա |
| Մահացած է | 5 Փետրուար 2017 |
| Մահուան վայր | Լիբանան |
| Մասնագիտութնիւն | գեղանկարիչ |
Զոհրապ Քէշիշեան (Զոհրապ, 1943, Հալէպ, Սուրիա - 5 Փետրուար 2017, Լիբանան), լիբանանահայ գեղանկարիչ, արուէստագէտ։
Կենսագրական գիծեր
[Խմբագրել | Խմբագրել աղբիւրը]Ծնած է Հալէպ։ Նախնական կրթութիւնը ստացած է ծննդավայրի Մեսրոպեան վարժարանէն, իսկ միջնակարգ եւ երկրորդական կրթութիւնը՝ Ազգային Քարէն Եփփէ ճեմարանէն։ Արուեստի իր կրթութիւնը ստացած է Հալէպի յունական արուեստի հիմնարկին մէջ, որմէ վկայուած է 1961-ին, ապա անցած է Լիբանան, ուր բարձրագոյն ուսումը ամբողջացուցած է իտալական «Ժուլիանօ» արուեստանոցին մէջ, 1970-ին, անկէ ետք արուեստի բարձրագոյն վկայականի տիրացած է Քասլիքի արուեստի հիմնարկէն[1]:
Գործունէութիւն
[Խմբագրել | Խմբագրել աղբիւրը]1972 թուականէն սկսած է աշխատիլ իբրեւ արհեստավարժ գեղանկարիչ եւ դասախօս: Նկարած է լիբանանեան եւ օտար քաղաքական գործիչներու, նախագահներու եւ հոգեւորականներու դիմանկարներ:
Ցուցահանդէսներ
[Խմբագրել | Խմբագրել աղբիւրը]1972-էն 2016 տուած է աւելի քան 40 անհատական ցուցահանդէսներ` Լիբանանի, Սուրիոյ, Քուէյթի, Միացեալ Նահանգներու, Կիպրոսի եւ Քանատայի մէջ, ինչպէս նաեւ մասնակցած է մեծաթիւ հաւաքական ցուցահանդէսներու:
Անոր գործերը տարածուած են աշխարհով մէկ` Իտալիա, Զուիցերիա, Սուրիա, Կիպրոս, Միացեալ Նահանգներ, Քուէյթ, Քանատա եւ այլն:
Կերպարներ
[Խմբագրել | Խմբագրել աղբիւրը]Զոհրապի գործերուն մէջ կը հանդիպինք զանազան կերպարներու, ինչպէս` կինը, հողը, բնութիւնը, մանուկը, կարօտը, սէրը եւ այլ կերպարներ։
Անոր գործերը կարելի է դասել իբրեւ տպաւորապաշտ, խորհրդապաշտ, վիպապաշտ, գերիրապաշտ դասական դպրոցներու պատկանող գործեր:
Տիրացած է բազմաթիւ մրցանակներու[2]:
Ծանօթագրութիւններ
[Խմբագրել | Խմբագրել աղբիւրը]- ↑ «One Fine Art | artists - painters / Zohrab Keshishian»։ www.onefineart.com (անգլերէն)։ արտագրուած է՝ 2022-03-23
- ↑ «Մեր Կորուստները. Ոչ Եւս Է Հանրայայտ Գեղանկարիչ Զոհրապ – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-03-23