Խորհրդապաշտութիւն

Ուիքիփետիաէն
Jump to navigation Jump to search
Ֆերնանդ Կնոպֆ, «Ո՞վ կփրկի ինձ»

Խորհրդապաշտութիւն (երբեմն կ'ըսուի խորհրդանշապաշտութիւն, կամ պարզապէս սէմպոլիզմ), 19-րդ դարու բ. կիսու գրական ուղղութիւն-դպրոցներէն գլխաւորը։ Կազմուած՝ նախ ֆրանսական, ապա եւրոպական այլ գրականութիւններու մէջ, առաւելաբար՝ բանաստեղծութեան։

Խորհրդապաշտութեան բնորոշ գիծեր[Խմբագրել | Խմբագրել աղբիւրը]

Զգայարանքներու ընծայած կարեւորութիւնը, անոնց մշակումը որպէսզի աշխարհը տեսնեն «սովորականէն տարբեր» ձեւով։

«Իմաստներու» երկրորդ աշխարհի մը գոյութիւնը, աշխարհ որ կը պահուի նիւթեղէն հասարակ երեւոյթ- աշխարհին ետին։ Այդ երկրորդ աշխհարն է, որ բանաստեղծը պիտի սորվի ընկալել զգայնութիւններով գոյներու, բոյսերու, հնչիւններու։