Եգիպտացորենի ալիւր

Jump to navigation Jump to search

Եգիպտացորենի ալիւր, եգիպտացորենի չորցած հատիկէ աղացած մթերք։ Այս մթերքը լայնօրէն կը կիրառուի բազմաթիւ ազգերու խոհանոցներուն մէջ[1]։ Այդպիսի ալիւրը կ՚օգտագործուի թէ՛ որպէս հացի, հացատեսակներու թխման, բլիթներու, շիլաներու պատրաստման հիմնական բաղադրիչ, թէ՛ որպէս ուտեստներու յաւելում (օրինակ՝ չուրչխելայ պատրաստելու ժամանակ խաղողի հիւթի խմորման համար)։

Պատմութիւն[Խմբագրել | Խմբագրել աղբիւրը]

Բաւականին խոշոր ցրուած եգիպտացորենի ալիւր
Եգիպտացորենի մաֆին
Եգիպտացորենի հաց
Կապոյտ եգիպտացորենէ պատրաստուած հաց

Եգիպտացորենը կը հանդիսանայ Ամերիկայի բնիկ ժողովուրդներու գիւղատնտեսութեան աւանդական մշակաբոյսը։ Լատինական Ամերիկայի մէջ եգիպտացորենը կ՚օգտագործեն աւելի մեծ քանակութեամբ, քան մոլորակի որեւէ այլ վայրի մէջ։ Այն հիմնական մշակաբոյս կը հանդիսանայ Մեքսիքայի, Քոլոմպիայի, Փերուի, Էքուատորի, Վենեզվելայի եւ Փարակուայի ազգային խոհանոցներու համար։

Եւրոպացիներու կողմէ Ամերիկայի յայտնագործմէն ետք՝ բազմաթիւ տեղական մշակաբոյսեր ներմուծուեցան Եւրոպա եւ սկսան մշակուիլ, ինչպէս՝ եգիպտացորենը։ Եւրոպայէն եգիպտացորենը ներմուծուեցաւ Ափրիկէ եւ Ասիա։

Նախկին ԽՍՀՄ-ի տարածքին եգիպտացորենը ամենաառաջինը յայտնուած է 17-րդ դարու վերջը Մոլտովայի եւ Վրաստանի մէջ։

Ուտեստներ՝ եգիպտացորենի ալիւրէ[Խմբագրել | Խմբագրել աղբիւրը]

Ամերիկա[Խմբագրել | Խմբագրել աղբիւրը]

  • Արեպա՝ եգիպտացորենի բլիթներ, որոնք տարածուած են վենեզուելական եւ քոլոմպիական խոհանոցներուն մէջ
  • Թորթիլա՝ եգիպտացորենէ պատրաստուած բլիթներ, որոնք մեծ տարածում ունին Մեքսիքայի մէջ։

Ափրիկէ[Խմբագրել | Խմբագրել աղբիւրը]

  • Ուկալի

Եւրոպա[Խմբագրել | Խմբագրել աղբիւրը]

  • Պանուշ՝ գուցուլական ուտեստ, որ կը ներկայացնէ եգիպտացորենի ալիւրէ պատրաստուած շիլա՝ սերուցքով կամ թթուասերով եփուած։
  • Կոմի՝ Վրաստանի արեւմուտքը տարածուած եգիպտացորենի շիլայի տեսակ, որ կը փոխարինէ հացին։
  • Կաչամակ՝ եգիպտացորենի շիլայի սերպիական եւ պուլկարական տարբերակ, որ թրքական անուանում ստացած է Օսմանեան կայսրութեան օրօք։
  • Մալյ՝ Ռումանիոյ մէջ տարածուած եգիպտացորենի շիլա։
  • Մամալիկա՝ եգիպտացորենի ալիւրէ պատրաստուած շիլա, որ լայն տարածում ունի Մոլտովայի մէջմ։
  • Մճատի՝ եգիպտացորենի վրացական բլիթ։
  • Պոլենտա՝ Հարաւային Եւրոպայի մէջ, առաւելապէս՝ Իտալիոյ մէջ տարածուած եգիպտացորենի շիլա։

Ծանոթագրութիւններ[Խմբագրել | Խմբագրել աղբիւրը]

  1. Herbst, Sharon, Food Lover’s Companion, Third Edition, Pg. 165, Barrons Educational Series Inc, 2001

Արտաքին հղումներ[Խմբագրել | Խմբագրել աղբիւրը]