Դեղին (գոյն)
(Վերայղուած է Դեղին (գոյն, արեւմտահայերէն)-էն)
| Դեղին | |
|---|---|
 | |
| Գունային կոորդինատներ | |
| Hex եռյակ | #FFFF00 |
| sRGBB (r, g, b) | (255, 255, 0) |
|
B: Նորմալիզացված՝ [0–255] (բայթ) | |
.jpg)
Դեղին, արեւին, ոսկիի գոյնն է։ Դեղինը կազմուի երկու գոյներէ՝ կարմիր եւ կանաչ։
Դեղինին ալիքները կը սկսին 570-նանոմեթրէ եւ կը վերջանան 580-ով։ Գոյներու սփեքթրին մէջ դեղինը կը գտնուի կանաչին եւ նարնջագոյնին միջեւ:
RGB համակարգին մէջ տասնվեցական նշանակութիւնն է #ffff00[1]:
Դեղինի Նշանակութիւնները
[Խմբագրել | Խմբագրել աղբիւրը]- Նոր-Եորքին մէջ դեղինը թաքսիներու աւանդական գոյնն է
- Արեւմուտքի մէջ դեղինը կը նշանակէ հարստութիւն, քանի որ ոսկիի եւ արեւին գոյնն է
- Կը նշանակէ գողութիւն եւ խաբեբայութիւն
- Գայթակղութեան նուիրուած թերթերը կը կոչուին դեղին մամուլ
- Սուտ ժպիտը կը կոչուի դեղին ժպիտ
- Չինացիներուն քով կը նշանակէ կայսրութիւն, ունի յաջողութեան, փառքի եւ ներդաշնակութեան իմաստ
- Օրհնուած գոյն է դեղինը Հինտոսներու քով։ Հինտոսներու կրօնական մարդիկը կը հագուին դեղին կամ ճերմակ հագուստներ
- Հին եգիպտացիները օգտագործած են դեղինը՝ որպէս աստուածութեան նշան։
Մեր Շուրջի Դեղինը
[Խմբագրել | Խմբագրել աղբիւրը]-
-
Հաւկիթի դեղնուց -
Պանան -
Մշակոյթի մեջ
[Խմբագրել | Խմբագրել աղբիւրը]- Beatles խումբին ամէնէն յայտնի երգերէն մէկն է «Դեղին Սուզանաւը» (անգլերէն՝ Yellow submarine)
- Tour de France-ին առաջատար հեծանիւ վարողները դեղին շապիկ կը հագնին
- Ոտնախաղին մէջ մրցավարը որպէս զգուշացում խաղացողին «դեղին քարտ» ցոյց կուտայ
- Շինարարութեան մէջ աշխատող մեքենաներու շարժուող մասերը կը ներկուին դեղին գոյնի, յաճախ սեւ շեղ շերտերով՝ աշխատողներուն զգուշացնելու նպատակով
- Նացիական Գերմանիոյ մէջ (1939-45) հրեաները իրենց կուրծքին կը փակցնէին դեղին գոյնի Դաւիթի աստղի ձեւով նշան[2]
- Դեղին մամուլ՝ պարզունակ լրագրողական լեզուով, անստոյգ եւ աղմուկ յարուցանող, մակերեսային մեկնաբանութիւններով մամուլ
- Դեղին էջեր՝ որոշակի աշխարհագրական շրջանի կազմակերպութիւններուն հասցէներու եւ հեռախօսահամարներու տեղեկագիրք
- Դեղին տենդ՝ սուր տարփոխիկ վիրուսային հիւանդութիւն մը
Անուններ
[Խմբագրել | Խմբագրել աղբիւրը]- Դեղին գետ՝ Աղստեւի ձախակողմեան վտակներէն մին
- Դեղին սար՝ գագաթ մը Նախիջեւանի տարածքին մէջ, նախկինին հայաբնակ գիւղի մը մօտ
- Դեղին ծով[3]` չինարէն՝ 黄海 [հուան-հայ], քորէայերէն՝ 황해 [հուանգհէ] Խաղաղական Ովկիանոսին պատկանող ներփակեալ ծով մըն է։
Բնութեան մէջ
[Խմբագրել | Խմբագրել աղբիւրը]
Բնութեան մէջ ամէնատարածուած գոյներէն է: Ծաղիկներու գոյներու մէջ գերակշիռը դեղինն է՝ արեւածաղիկ, կուժկոտրուկ, հիրիկ եւ այլն: Նոյնը կրնայ ըսուիլ թռչուններու վերաբերեալ: Կենդանիներու (մողէսներ, օձեր, գորտեր), նաեւ՝ սունկերու դեղին գոյնը ցոյց կուտայ անոնց թունաւորութիւնը:
Երկիրներու դրօշակներ
[Խմբագրել | Խմբագրել աղբիւրը]Քանի մը երկիրներու դրօշակներու դեղինը կը նշանակէ բարեբեր դաշտերը՝ Ուքրանիա[4], Լիթուանիա[5]
Ծանօթագրութիւններ
[Խմբագրել | Խմբագրել աղբիւրը]- ↑ (հայերեն) Դեղին (գույն), 2024-02-28, https://hy.wikipedia.org/wiki/%D4%B4%D5%A5%D5%B2%D5%AB%D5%B6_(%D5%A3%D5%B8%D6%82%D5%B5%D5%B6), վերցված է 2024-11-08
- ↑
- ↑ Յովհաննէս Բարսեղեան (2006)։ «Աշխարհագրական անունների հայերեն տառադարձության մասին որոշում»։ Տերմինաբանական եւ ուղղագրական տեղեկատու։ Երեւան: 9-րդ հրաշալիք։ էջ 51։ ISBN 99941-56-03-9
- ↑
- ↑
| ||||||
