Գէորգ Ղարաջեան

Գէորգ Ղարաջեան
Նաեւ յայտնի է իբրեւ	Ս. Տ. Արկոմեդ
Ծնած է	1861
Ծննդավայր	Թիֆլիս, Ռուսական Կայսրութիւն
Մահացած է	1936
Մահուան վայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Ռուսական Կայսրութիւն  Խորհրդային Միութիւն  Հայաստանի Առաջին Հանրապետութիւն
Ուսումնավայր	Ներսիսեան դպրոց Ժընեւի համալսարան
Մասնագիտութիւն	թատերագիր, Յեղափոխական, քաղաքական գործիչ
Աշխատավայր	Շուշիի Թեմական դպրոց Շաւիղ Երեւանի Պետական Համալսարան Զարյա Վոստոկա? Արմենիա Մշակ
Անդամութիւն	Խորհրդային Հայաստանի Գրողներու Միութիւն

Գէորգ Ղարաջեան (1861, Թիֆլիս, Ռուսական Կայսրութիւն - 1936, Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ թատերագիր, քաղաքական գործիչ։

Կենսագրական գիծեր

Ծնած է Անդրկովկաս, համալսարանական ուսումը հաւանաբար ըրած է Մոնփըլիէ: 1887-ին Հնչակեան կուսակցութեան ուսանողներէն մէկն է, Ժընեւ:

Մարօ եւ Աւետիս Նազարբէկեանի հետ՝ հեղինակակիցն է Հնչակեան Ծրագրին: Բայց երբ, 1887 Նոյեմբերին, «Հնչակ»ի առաջին թիւը լոյս կը տեսնէ՝ արդէն բաժնուած է խումբէն:

Նոյն տարին, կը թարգմանէ «Համայնավար կուսակցութեան մանիֆեստ»ը հայերէնի՝ բաղդատական ուսումնասիրութեամբը ֆրանսերէն եւ ռուսերէն բնագրերու: «Մանիֆեստ»ի այս առաջին հայերէն թարգմանութիւնը ղրկուած է Մ. Փորթուգալեանին, «Արմենիա»ի մէջ հրատարակուելու համար: Բայց փորթուգալեան մերժած է հրատարակել, եւ թարդմանութիւնը կորսուած է:

Ղարաջեանը կրկին կը տեսնենք 1897-ին, Թիֆլիսի մարքսիսա խմբակներուն մէջ, 1898-ին՝ հիմնադիրներէն մէկը եղած է Թիֆլիսի բանուորներու միութեան, որուն մտաւորականն է եւ քարոզիչը:

Անդամակցած է ՌՍԴԲԿԻ, հաւանաբար 1888-էն: Ճանչցուած է իր գործօն մասնակցութեամբը 1905-ի յեղափոխութեան, «Արկոմեդ» անունին տակ:

Յաճախ մատնանշուած գիրք մըն ալ ձգած է, «Անցեալի յիշողութիւններից», Թիֆլիս, 1918:

Աղբիւրներ

• «Բագին», Դեկտեմբեր 1981, թիւ 12,  էջ 51-52։