Գէորգ Խատիսեան

Jump to navigation Jump to search
Գէորգ Խատիսեան
 
Կրթութիւն՝ Մոսկուայի պետական համալսարան
Մասնագիտութիւն՝ փաստաբան
Ծննդեան օր 1876
Ծննդավայր Թիֆլիս, Կովկասի Փոխարքայութիւն, Ռուսական Կայսրութիւն
մահուան օր 1932
մահուան վայր Մոսկուա, Խորհրդային Ընկերվարական Հանրապետութիւններու Միութիւն
Գերեզման Թիֆլիս
Թաղուած Թիֆլիս
Քաղաքացիութիւն Flag of Russia.svg Ռուսական Կայսրութիւն
Flag of Armenia.svg Հայաստան
Ամուսին Աշխէն Թումանեան

Գէորգ Խատիսեան (Գիգա, 1876, Թիֆլիս, Կովկասի Փոխարքայութիւն, Ռուսական Կայսրութիւն - 1932, Մոսկուա, Խորհրդային Ընկերվարական Հանրապետութիւններու Միութիւն), իրաւաբան, փաստաբան, քաղաքական եւ պետական գործիչ, Հայաստանի Ա. Հանրապետութեան խորհրդարանի 2-րդ գումարման պատգամաւոր: Ալեքսանդր Խատիսեանի[1] եւ Կոստանդին Խատիսեանի կրտսեր եղբայրը:

Կենսագրական գիծեր[Խմբագրել | Խմբագրել աղբիւրը]

Ծնած է 1876-ին (որոշ տուեալներով 1879), Թիֆլիս: Աւարտած է Մոսկուայի համալսարանը:

Թիֆլիսի մէջ աշխատած է իբրեւ փաստաբան, զբաղած է հասարակական-քաղաքական գործունէութեամբ: Իբրեւ հմուտ փաստաբան` մասնակցած է դաշնակցական դատերու պաշտպանութեան:

Գործունէութիւն[Խմբագրել | Խմբագրել աղբիւրը]

1912-ին եղած է Թիֆլիսի Քաղաքային խորհուրդի պատգամաւոր: 1916-1918 թուականներուն մասնակցած է Անդրկովկասի վարչական վերաբաժանման յանձնաժողովի աշխատանքներուն, հեղինակած է առաջարկուող նախագիծի մը ու քարտէսի[2]։

Ա. Համաշխարհային պատերազմի (1914-1918 ) օրերուն եղած է կամաւորական շարժումի գործուն կազմակերպիչներէն մէկը:

1917-ին` իբրեւ ՀՅԴ կուսակցութեան ներկայացուցիչ, մասնակցած է կովկասեան պետական-յեղափոխական մարմիններու: Իսկ նոյն թուականի Սեպտեմբեր-Հոկտեմբերին մասնակցած է Արեւելահայերու ազգային համախորհրդակցութեան:

Վարած պաշտօններ[Խմբագրել | Խմբագրել աղբիւրը]

Հայաստանի Հանրապետութեան պաշտօնեայ` կառավարութեան գործերու կառավարիչ (1919-1920), Կարսի մարզի Պետական գոյքերու վարչութեան լիազօր (1920), խորհրդարանի պատգամաւոր (1919):

1919-ին նշանակուած է Հայաստանի Հանրապետութեան (1918-1920) նախարարաց խորհուրդի գործերու կառավարիչ, ընտրուած է Հայաստանի Հանրապետութեան խորհրդարանի 2-րդ գումարման պատգամաւոր: Խորհրդարանին հաստատած օրէնքներու մեծ մասին նախագիծերը կը պատկանին Գէորգ Խատիսեանին:

Հայաստանի խորհրդայնացումէն ետք` Թիֆլիսի համալսարանի իրաւագիտութեան դասախօս եւ առեւտրական իրաւունքի ամպիոնի վարիչ:

Ընտանիք[Խմբագրել | Խմբագրել աղբիւրը]

Ամուսնացած է Յովհաննէս Թումանեանի Աշխէն դստեր հետ: Թումանեանը Գէորգ Խատիսեանին ընտանեվարի անուանած է Գիգա:

Խատիսեան մահացած  է երկաթուղիի արկածի պատճառով[1], 1932-ին:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]