Աւետիս Գույումճեան

Աւետիս Գույումճեան
Ծնած է	1880
Ծննդավայր	Երզնկա, Էրզրումի վիլայէթ, Օսմանեան Կայսրութիւն
Մահացած է	5 Փետրուար 1950(1950-02-05)
Մահուան վայր	Պէյրութ, Լիբանան
Կրօնք	քրիստոնէութիւն
Ուսումնավայր	Սեն Ժոզէֆ համալսարան
Մասնագիտութիւն	բժիշկ, դեղագործ

Աւետիս Գույումճեան, ծնած 1880, Երզնկա, Էրզրումի վիլայէթ, Օսմանեան Կայսրութիւն - 5 Փետրուար 1950(1950-02-05), Պէյրութ, Լիբանան։ Շրջանաւարտ Պէյրութի Ֆրանսական Համալսարանէն 1920-ին որպէս բժիշկ։ Նախապէս եղած է դեղագործ, շրջանաւարտ 1904-ին Պոլսոյ Համալսարանէն։ Գտնուած է Իսկէնտէրուն 1910-1912, 1912-1914 Պէյրութ՝ իբրեւեւ դեղագործ։ 1912-ին վերջնականապէս հաստատուած է Պէյրութ: 1910-ին ամուսնացած՝ Մաննիկ Ոսկերիչեանի հետ։ Օր. Մաննիկ եւ իր քոյրը Փերուզ (Վախճանած Եգիպտոս, 1948-ին), բնիկ Պոլսեցի, այդ ժամանակուայ (1906) անդրանիկ ուսուցչուհիներն էին Սբ. Նղան վարժարանի։ Տօքթ. Գույումճեան գտնուած է Դամասկոս, ուր ազգային կեանքին բերած է իր մասնակցութիւնը ( Ազգ. Վարժարանի Հոգաբարձութեան Ատենապետ), իսկ Տիկ. Գույումճեան, Դամասկոսի Հայ Կարմիր Խաչի Ատենապետուհիի հանգամանքով. բերած է իր աջակցութիւնը, օժանդակութիւն ընծայելով աքսորական հայերու։ Իրենց զաւակը՝ Տօքթ. Նուպար Գույումճեան, Ատամնաբոյժ, վկայեալ Ֆրանսական Համալսարանէն, այժմ հաստատուած է Պէյրութ: Տօքթ. Գույումճեանի միւս զաւակներն են Տիկին Շաքէ Իւրպէյաք (ծնեալ Գույումճեան) ամուսնացած Ֆրանսա եւ Տօքթ. Շահան Գույումճեան, երրորդ զաւակը՝ դարձեալ ատամնաբոյժ։ Տօքթ. Ա. Գույումճեան վախճանեցաւ 5 Փետրուար 1950-ին, Պէյրութի մէջ: