Արտաշէս Գէորգեան

Jump to navigation Jump to search

Արտաշէս Գէորգեան ծնած է խոտորջուրի Միջաթաղ գիւղը: Բարձրահասակ, թիկնեղ, լայնաճակատ, խոհուն աչքերով եւ լուրջ դէմքով: Զօրաւոր երիտասարդ մըն էր, որուն համար ութսուն քիլօ ծանրութիւն ունեցող ալիւրի պարկ մը ակռաներով գետնէն բարձրացնելը պարզ մարզանք մըն էր:

Պատմութիւն[Խմբագրել | Խմբագրել աղբիւրը]

13 տարեկանին ան կը լքէ հայրենի գիւղը եւ պանդուխտ կ’երթայ հարաւային Ռուսաստան,ուր կը սկսի աշխատիլ իբրեւ հացագործ:1917-ին կը մեկնի Հայաստան եւ Ստեփան Ծաղիկեանի ձիաւոր խումբին մէջ կը կռուի էրզրումի ճակատին վրայ.կը մասնակցի Ղարաքիլիսէի հերոսամարտին եւ իր յայտնաբերած քաջութեան համար կը վարձատրուի շքանշանով:Ապա, միանալով Անդրանիկի գունդին,կը մասնակցի անոր վարած բոլոր կռիւներուն:

Հայաստանի խորհրդայնացումէն ետք,ան կը հաստատուի թիֆլիս եւ իր հօր փուռին մէջ կը դառնայ հացագործ:Հետագային կը փոխադրուի հայաստան,լծուելով շինարար աշխատանքի:Կը բարեկամանայ տաղանդաւոր գրող Ակսէլ Բակունցի հետ:Խանջեանի անարգ սպանութենէն ետք,Արտաշէս Գէորգեան եւ Ակսէլ Բակունց կը ծրագրեն ահաբեկումի ենթարկել Բերիան,որ իր գրասենեակին մէջ կռնակէն գնդակահարած էր Աղասի Խանջեանը:

Կ’երեւի իրենց դաւադրութեան մասնակից ըրած են նաեւ ուրիշներ,որովհետեւ շուտով Չեկային համար յայտնի կը դառնայ բերիան ահաբեկելու ծրագիրը:Արտաշէս եւ Բակունց կը ձերբակալուին ու կը գնդակահարուին 15 Օգոստոս 1937-ին:

Աղբիւրներ[Խմբագրել | Խմբագրել աղբիւրը]

  • Դաշնակցական Պատանիին Գիրքը,էջ(195-196)