Արշակ Խնդիրեան
Արշակ Խնդիրեան | |
---|---|
Ծնած է | 1946 |
Ծննդավայր | Պոլիս, Թուրքիա |
Քաղաքացիութիւն | Պոլսահայ ,Հալէպահայ, Լիբանանահայ |
Կրօնք | Քրիստոնեայ |
Ազդած է | Հայ ժողովուրդը |
Կարողութիւն | Կը հիմնէ Լիբանանի առաջին երգի-նուագի համոյթը, «Սայեաթ-Նովա» անունով: |
Մասնագիտութիւն | երաժիշտ |
Աշխատավայր | Ուսուցիչ, տնօրէն |
Արշակ Խնդիրեան (ծն.՝1946, Պոլիս ), հայ գրագէտ
Կենսագրութիւն[Խմբագրել | Խմբագրել աղբիւրը]
Երգիծաբան եւ երաժշտագէտ՝ Ա. Խնդիրեան ծնած է Պոլիս: Փոքր տարիքին ընտանիքին հետ կը փոխադրուի Հալէպ, ապա Լիբանան: 9 տարեկանին կը սկսի երաժշտութեան դասերու, հետեւելով գլարինէթի։ 14 տարեկանին կը հիմնէ Լիբանանի առաջին երգի-նուագի համոյթը, «Սայեաթ-Նովա» անունով։ Այս խումբը պատրաստած է հարիւրաւոր երգիչներ եւ նուագահարներ, իր աւելի քան տասնեակ մը տարիներու գործունէութեան ընթացքին։
Ա. Խնդիրեան հեղինակած է մօտ 47 երգեր եւ պատրաստած՝ բազմաթիւ ձայնապրակներ, կատարուած զանազան երգիչներու կողմէ։ Ելոյթներ ունեցած է Պէյրութ, Թրիփոլի, Նիկոսիա, Լառնաքա, Դամասկոս, Հալէպ, Գահիրէ, Աղեքսանդրիա, Երեւան, Գալիֆորնիա, Հիւսթըն-Թեքսաս եւ այլ վայրեր։ Հրատարակած է «Սէր ու Քնար» ձայնագրեալ երգարանները։
Գործեր[Խմբագրել | Խմբագրել աղբիւրը]
Հեղինակն է երգիծական հինգ գրքոյկներու. «Գործելաձեւ» (1980), «Փշածաղիկ» (1981), «Ինչպէս Տեսաք Մեր Ամերիկան» (1983), «Վլվլուկ Յիմարներու Դրախտին Մէջ» (1988), եւ «Թովմաս Էֆէնտին վերջին Արկածը» (1989): Աշխատակցած է սփիւռքահայ թերթերու, ինչպէս՝ «Հայրենիք», «Ոզնի»(Ա.Մ.Ն.), «Յառաջ» (Փարիզ), «Շարժում» (Հարաւային Ամերիկա), «Մարմարա» (Պոլիս), «Ոշական» (Հալէպ), եւլն.: Ա. Խնդիրեան պարգեւատրուած է Հարաւային Գալիֆորնիոյ ֆիլմերու ընկերակցութենէն, որպէս լաւ երաժիշտ։ Հետեւած է նաեւ հնդկական եւ արեւելեան փիլիսոփայական գիտութեանց եւ իր ուսումնասիրութիւններուն համար վերջերս արժանացած է «Հիւմէնիթէրիըն-Ֆիլանթրոփիսդ» տիտղոսին եւ ոսկեայ մետալի։ Հաստատուած է Լոս Անճելըս:
Ա. Խնդիրեան կը պատմէ իրական կեանքէ դրուագներ զորս գիտէ համեմել երգիծական պատկերներով։
Աղբիւրներ[Խմբագրել | Խմբագրել աղբիւրը]
Հոս մոռցուած է յիշել Խնդիրեանի «ՄԱՏԵԱՆ ԽՆԴՈՒԹԵԱՆ» եւ «ՄԵՐ ԿՐԿԷՍԸ» երգիծական գրքոյկները
Խնդիրեանի վերջին երգիծական գրքոյկը կը կոչուի «ՄԵՐ ԿՐԿԷՍԸ» կարելի է ընթերցել VLUME էլեքթրնային կայքով