Արա Տինկճեան

Արա Տինկճեան;
Ծնած է	18 Յունիս 1958 (66 տարեկան)
Ծննդավայր	Նիւ Ճըրզի, Ամերիկայի Միացեալ Նահանգներ
Քաղաքացիութիւն	Ամերիկայի Միացեալ Նահանգներ
Ուսումնավայր	Հարթ Սքուլ Արուեստի Դպրոցը (Հարթֆորտ)
Տեսակ	ժողովրդական երաժշտութիւն եւ Համաշխարհային երաժշտութիւն
Մասնագիտութիւն	Երաժիշտ, յօրինող, ճազի երաժիշտ, մանտոլինահար, ուտ նուագող
Անդամութիւն	Night Ark
Ծնողներ	հայր՝ Օննիկ Տինքճեան
Կայքէջ	aradinkjian.com

Արա Տինկճեան, 18 Յունիս 18 Յունիս 1958(1958-06-18), Նիւ Ճըրզի, Ամերիկայի Միացեալ Նահանգներ)․ Ա․Մ․Ն․ ծնած հայազգի երաժիշտ, հիմնադիր Night Ark խումբին։ Կը սեպուի ուտ հարուածային գործիքին գլխաւոր նուագողներէն։ Անոր յօրինումները հրապարակուած են 13 լեզուներու, ինչպէս օրինակ՝ «Տինաթա» (Δυνατά) յօրինումը որ փակեց 2004-ի Աթէնքի Ողիմպիական Խաղերու փակման հանդիսութիւնը։

Տինկճեան յօրինած է բազմաթիւ գործեր հանրածանօթ յոյն Էլեֆթերիա Արվանիթաքի եւ թուրք Սեզեն Աքսու երգչուհիներուն համար։ Բազմաթիւ թուրք երգիչներ ձայնագրած են անոր երգերը, ինչպէս օրինակ՝ Կիւլսեն, Քիպարիյէ, Մինէ Քոսեն, Ահմետ Քայա, Ճոսքուն Սապահ, Պուրճու Կիւնեշ։

Անոր յօրինումները իւրայատուկ են․ պալքանեան, յունական եւ հայկական երաժշտութեան խառնուրդ մըն են։

Հակիրճ կենսագրական գիծեր

Արա Տինկճեան, 5 տարեկան հասակին հանդէս կու գայ երաժշտութեան ասպարէզին մէջ թմբուկ (doumbag) նուագելով 1964-ի Նիու Եորքի Միջազգային Ցուցահանդէսին․ կ՛ ընկերակցի Ճոն Պէրպէրեանին եւ Ճորճ Մկրտիչեանին։ Այս տարիքին, կ՛ ընկերակցի նաեւ իր հօր՝ Օննիկ Տինքճեանին։ Շնորհիւ շահած կրթաթոշակին կ՛ ուսանի Հարթ Սքուլ Արուեստի Դպրոցը (Հարթֆորտ), ուրկէ շրջանաւարտ կ՛ըլլայ 1980-ին։ Հոն կը սորվի նուագել զանազան նուագարաններ՝ դաշնակ, կիթառ, թմբուկ (dumbelek), ուտ։

Իր երաժիշտի ասպարէզին մէջ, ան կը զարգացնէ իւրայատուկ ոճ՝ խառնուրդ մը իր արեւելեան եւ արեւմտեան արմատներուն։ 1985-ին կը կազմէ Night Ark քառեակը եւ կը գործակցի «RCA/BMG» եւ «Universal/PolyGram» ձայնագրութեան ընկերութիւններուն հետ։

Ան, իր շրջապտոյտներու ընթացքին, մեծապէս կ՛ ազդէ ուրիշ երաժիշտներու ալ։ 24 երկիրներու մէջ կու տայ բազմաթիւ համերգներ եւ կը մասնակցի ուտի փառատօններու։

2002-ին Հայաստանը կը ներկայացնէ երեք օր տեւող «Ուտի Առաջին Միջազգային Հաւաք»ին (Սելանիկ), ուր կը հաւաքուին 12 աշխարհահռչակ ուտ նուագողներ։

Իր ձայնասկաւառակները՝ «An Armenian In America» (Հայ մը Ամերիկա), «Voice Of Armenians» (Հայերուն Ձայնը) եւ «Peace On Earth» (Խաղաղութիւն Աշխարհին) ձայնագրուած են Երուսաղէմի Ուտի Միաջազգային Փառատօններուն ընթացքին՝ 2005, 2006 եւ 2008։ 2008-ի Փառատօնին, Peace on Earth ձայնասկաւառակը կը ձայնագրէ Սոքրաթիս ՍԻնոփուլոս (լիրա՝ կրետական քնար, Յունաստան), Թամեր Փինարբաս (քանոն, Թուրքիա) եւ Զոհար Ֆրեսքօ (հարուածային գործիք, Իսրայէլ) երաժիշտներուն հետ^[2]։ 2013-ին կը հրապարակէ «Conversation with Manol» (Մանոլին հետ խօսակցութիւն) ^[3] եւ «Finding Songs »ձայնասկաւառակները ^[4]։ Հայոց Ցեղասպանութեան 100-ամեակի յիշատակութեան առթիւ կը հրապարակէ «1915 - 2015 / Truth & Hope (In Memoriam April 24th)» յօրինումը ^[5]։

Տինաթա

1986-ին, «Տինաթա» երգը, նախ միայն նուագային էր, սակայն հետագային կը մեկնաբանուի հանրածանօթ երգիչներէ, ինչպէս օրինակ՝ Տեմիս Ռուսոսէն (1997, «Mon Ile» ձայնապնակ)^[6]։ Երգը, Արա Տինկճեան կը մեկնաբանէ իր ուրոյն ոճով 1998-ին ^[7]։ Արա Տինկճեան եւ Էլեֆթերիա Արվանիտաթաքի երգչուհին 1995-ին «Վրախոն» բացօթեայ թատրոնը (Աթէնք) կը մեկնաբանեն Տինաթա երգը եւ ուրիշ յօրինումներ ալ^[8]։ «Տինաթա» (Δυνατά) յօրինումը, հանդէս կու գայ 2004-ի Աթէնքի ողիմպիական Խաղերու փակման հանդիսութեան եւ միջազգային ճանաչման կ՛ արժանանայ։

Night Ark քառեակին երաժիշտներ

Արա ՏԻնկճեան
Արթօ Թունճպոյաճեան, հարուածային գործիքներ
Արմէն Տօնէլեան, դաշնակահար եւ յօրինող
Մարք Ճոնսըն, բամբ ջութակ

Ձայնագրութիւն

Night Ark

1986 - Picture, (Պատկեր)
1988 - Moments, (Պահեր)
1998 - In Wonderland, (Զարմանավայրին մէջ)
2000 - Petals on your Path, Petals on your Path (Ծաղկատերեւներ ուղիիդ վրայ)
2000 - Treasures, Գանձեր

Արա Տինկճեան․ մեներգիչ եւ բարեկամներով

1995 Gypsy Fire,
1996 Tears of Dignity, (Արժանապատուութեան արցունքներ)
1996 Onno 1948 - 1996, (Օննօ)
2006 An Armenian In America, (Հայ մը Ամերկա)
2008 Peace on Earth, (Խաղաղութիւն Աշխարհին)
2012 Sounscapes,
2013 Finding Songs,
2013 Conversations with Manol (Մանոլին հետ Խօսակցութիւն)
2015 Three of Us (Մեր երեքը)
2015 «1915-2015»

Փառատօններ

Ethnic music festival․ Songs of the oud
Jerusalem International Oud Festival
ArmenStock 2004
1980 Montreux Jazz Festival

^[9] ^[10] ^[11] ^[12] ^[13] ^[14] ^[15] ^[16] ^[17] ^[18]

Տե՛ս նաեւ

Night Ark

Armenian Navy Band

Ծանօթագրութիւններ

Արտաքին յղումներ

Ճոն Պէրպէրեան(անգլերէն)
Ճորճ Մկրտիչեան(անգլերէն)
Հարթ Սքուլ, Հարթֆորտ(անգլերէն)
Արմէն Տօնէլեան(անգլերէն)
Զոհար Ֆրեսքօ(անգլերէն)
Օննիկ եւ Արա Տինկճեան Պոլսոյ Պատրիարքարանի մէջ

[<span_class="wikidata_cite_citetype_Q8513"_data-entity-id="Q99181182">Montreux_Jazz_Festival_Database<span_class="wef_low_priority_links"></span></span><div_style="display:none"><a_href="https://wikidata.org/wiki/Track:Q99181182"></a></div>-1] Montreux Jazz Festival Database
<a href="https://wikidata.org/wiki/Track:Q99181182"></a>

[2] CD Peace On Earth (2008)

[3] Conversation with Manol Մանոկին հետ խօսակցութիւն

[4] Finding Songs

[5] Իրականութիւն եւ Յոյս

[6] [https://www.youtube.com/watch?v=E-aAvpemK58&ab_channel=DemisRoussos-Topic Տեմիս Րուսոս, Տինաթա

[7] Ara Dinkjian/Homecoming/Dinata Dinata, Երուսաղեմ

[8] Տինաթա

[9] Արա Տինկճեան, Րաֆի Մենեշեան, 2007

[10] Արա Տինկճեան, «Խաղաղութիւն Աշխարհին»(անգլերէն)

[11] Արա Տինկճեանի եւ Էլեֆթերիա Արվանիթաքիի համերգները․ 12-5-2001(անգլերէն)

[12] Կեանքը Հայկական Սփիւռքին մէջ․ Արա Տինկճեան, 1 Յունիս 2007(անգլերէն)

[13] Արա Տինկճեան(անգլերէն)

[14] The Jerusalem Post Ազգերու երաժշտութեան փառատօն․ ուտ, Gavriel Fiske 1-11-2007(անգլերէն)

[15] Ամէն եղանակի յարմար վին(անգլերէն)

[16] rmenstock 2004 armenstock 2004(անգլերէն)

[17] Մոնթըռէի ճազ փառատօն, 1980, NYIAMA ENSEMBLE(անգլերէն)

[18] Դինաթա, Տեմիս Ռուսոս(անգլերէն)

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]