Ագապի Նասիպեան-Էքմէքճեան

Ագապի Նասիպեան-Էքմէքճեան;
Ծնած է	1929
Ծննդավայր	Լիմասոլ, Լիմասոլ, Կիպրոս
Մահացած է	21 Դեկտեմբեր 2018
Մահուան վայր	Լիմասոլ, Լիմասոլ, Կիպրոս
Քաղաքացիութիւն	Կիպրոս
Ուսումնավայր	Օքսֆորտի Համալսարան
Մասնագիտութիւն	պատմաբան
Աշխատավայր	Մելգոնեան Կրթական Հաստատութիւն

Ագապի Նասիպեան-Էքմէքճեան (1929, Լիմասոլ, Լիմասոլ, Կիպրոս - 21 Դեկտեմբեր 2018(2018-12-21)^[1], Լիմասոլ, Լիմասոլ, Կիպրոս^[1]), պատմաբան, նախկին տնօրէն Հայկական Բարեգործական Ընդհանուր Միութեան Կիպրոսի Մելքոնեան կրթական հաստատութեան:

«Հայ ժողովուրդը երախտապարտ պէտք է ըլլայ դոկտ. Ագապի Նասիպեան-Էքմեքճեանի ձեռնհասութեամբ տաղանդաւոր պատմագէտ- պատմաբան մը ունենալուն համար»:

- Պարոյր Յովհաննէս Աղպաշեան

^[2]

«Բայց ու՜ր պիտի պատրաստուի հայեցիութեամբ շնչող ու հայութեամբ տագնապող սերունդ մը որ նուիրուի ազգային ծառայութեան՝ եթէ ոչ հայեցիութեան ամրոց՝ հայադրոշմ հայ երկրորդական վարժարանին մէջ: Կը մասնաւորեմ երկրորդական վարժարանը, որովհետեւ բնական պատճառներով, պատանին այս տարիներուն է որ կը կազմաւորուի ֆիզիքապէս, միտքով ու հոգիով եւ կը ստանայ զգացողութիւններ ու տպաւորութիւններ որոնք կ'ընկերանան իրեն կեանքի ամբողջ տեւողութեան: ՍԵՐՈՒՆԴ կը պատրաստուի երկրորդական վարժարանին մէջ:»

- Դոկտոր Ագապի Նասիպեան-Էքմէքճեան

^[3]

Ուսում եւ պաշտօն

Ան նախակրթութիւնը ստացած է Նիկոսիոյ Ազգային Մելիքեան-Ուզունեան վարժարանին մէջ, ապա յաճախած է Մելգոնեան Կրթական Հաստատութիւն, որուն Վարժապետանոցի բաժինէն շրջանաւարտ եղած է 1947-ին:

Համալսարանական ուսումը ստացած է Միացեալ Թագաւորութեան տարբեր համալսարաններէն. «Պսակաւոր Արուեստից» վկայականի տիրացած է Լոնտոնի Համալսարանէն, «Մագիստրոս Արուեստից»՝ Կլասքոյի Համալսարանէն:
1982-ին, Օքսֆորտի Համալսարանէն տիրացած է Պատմական Գիտութիւններու Դոկտորի աստիճանին, պաշտպանելով “Britain and the Armenian Question 1915-1923” (Բրիտանիա եւ Հայկական Հարցը 1915-1923) թեզը, որ ունեցած է երեք հրատարակութիւն՝ 1984-ին եւ 1985-ին, իսկ հայերէն թարգմանութեամբ՝ 1994-ին:
1951-էն 1975 (ընդմիջումներով), Մելգոնեան Կրթական Հաստատութենէն ներս դասաւանդած է աշխարհագրութիւն եւ ընդհանուր ազգաց պատմութիւն դասանիւթերը:
1985-էն 1988 վարած է Մելգոնեան Կրթական Հաստատութեան տնօրէնուհիի պաշտօնը:
Տարբեր տարիներ եղած է Ազգային Առաջնորդարանի Աղքատախնամ մարմնին եւ Հ. Բ. Ը. Մ.-ի Նիկոսիոյ մասնաճիւղի Տիկնանց վարչութեան ատենապետուհին: *Վեթերան անդամ է Հ. Բ. Ը. Միութեան:

1984-էն 2006, պատմագիտական, կրթական եւ ընկերային նիւթերով զանազան դասախօսութիւններ տուած է Լոնտոնի, Նիկոսիոյ, Երեւանի, Աթէնքի, Հալէպի, Գահիրէի, Դամասկոսի, Ռովանիէմի (Ֆինլանտիա), Ժընեւի, Փուաթիէի (Ֆրանսա), Լոս Անճելըսի եւ Պէյրութի մէջ:

Շքանշան

Կրթական եւ մշակութային գործունէութեան համար 1997-ին Ն.Ս.Օ.Տ.Տ. ԱԱրամ Ա. Մեծի Տանն Կիլիկիոյ Կաթողիկոսին կողմէ շքադրուած է «Ս. Մեսրոպ Մաշտոց» շքանշանով, իսկ 2003-ին, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսին կողմէ՝ «Ս. Սահակ-Ս. Մեսրոպ» շքանշանով:

Ծանօթագրութիւններ

Տե՛ս նաեւ

Մելգոնեան Կրթական Հաստատութիւն

Աղբիւրներ

Հանդիսութիւն` Նուիրուած Դոկտ. Ագապի Նասիպեան-Էքմէքճեանի

[[https://archive.azg.am/AM/2019011128_ՑԱՎԱԼԻ_ԿՈՐՈՒՍՏՆԵՐ]<span_class="wef_low_priority_links"></span><div_style="display:none"></div>-1] 1,0 ^1,1 ^1,2 ^1,3 ^1,4 ^1,5 ՑԱՎԱԼԻ ԿՈՐՈՒՍՏՆԵՐ

[2] Հանդիսութիւն` Նուիրուած Դոկտ. Ագապի Նասիպեան-Էքմէքճեանի

[3] ՈՒՐԻՇ, ՄԻՒՍԸ ՈՒՐԻՇ ...^{[permanent dead link]}

[1]

[2]

[3]