The Insult (ֆիլմ)
| The Insult | |
|---|---|
| Հայհոյանքը | |
| Բեմադրիչ | Զիատ Տուէյրի |
| Թատերագիր | Զիատ Տուէյրի |
| Թողարկման թուական | 31 Օգոստոս 2017 |
Տեւողութիւն | 112 վկն |
| Երկիր |
Լիբանան Ֆրանսա |
| Լեզու |
Արաբերէն Ֆրանսերէն |
Հայհոյանքը (անգլ.՝ The Insult, ֆրա.՝ L'insulte, արաբ.՝ قضية رقم ٢٣ (Qadiyya raqm 23) 2017 թուականին հրապարակուած Ֆրանսա-Լիբանանեան ֆիլմ մըն է: Քատիյյէթ Ռաըմ 23 Ֆիլմը առաջին անգամ ցուցադրուեցաւ Վենետիկի Համաշխարհային 74րդ Ֆիլմի Փառատօնին (անգլ.՝ 74th Venice International Film Awards)[1] ուր ֆիլմի գլխաւոր դերասաններէն Քամիլ Ըլ Պաշան արժանացաւ Լաւագոյն Դերասանի մրցանակին, շատ կարեւոր մրցանակ մը, զոր դերասան մը կրնայ ստանալ համաշխարհային այդ ֆիլմի փառատօնին ընթացքին[2]: Ֆիլմը ընտրուած է Լիբանանը ներկայացնելու 2017-ի Օսքարներու մրցանակաբաշխութեան, ուր անոր թեկնածութիւնը պիտի առաջադրուի «Լաւագոյն Ոչ-Անգլերէն Ֆիլմի Օսքար» մրցանակին համար[3][4]: «Քատիյյէթ Ռաըմ 23» Ֆիլմին բեմադրիչն է հանրածանօթ՝ Զիատ Տուէյրի: Ֆիլմը ունի 2 ժամուան տեւողութիւն եւ ներկայացուած է Ֆրանսերէն եւ Արաբերէն լեզուներով: Առաջին ցուցադրութիւնը Վենետիկի Համաշխարհային 74րդ Ֆիլմի Փառատօնի ընթացքին էր, 31 Օգոստոս 2017-ին: Իսկ Լիբանանի մէջ ան սկսաւ ցուցադրուիլ 14 Սեպտեմբերէն սկսեալ, եւ տակաւին մինչեւ Հոկտեմբեր ամսուայ վերջը Լիբանանի ամէնէն շատ դիտուած ֆիլմերու ցանկին առաջին դիրքը կը գրաւէր:
Նիւթ[Խմբագրել | Խմբագրել աղբիւրը]
Լիբանանցի Քրիստոնեայ Թոնին (Ատէլ Քարամ) հարցեր կ'ունենայ Պաղեստինցի փախստական շինարար Եասերի հետ (Քամիլ Ըլ Պաշա): Հարցը կը մեծնայ ու կը դառնայ բուռն կռիւի պատճառ: Երկար դէպքերէ ետք, փոքր հայհոյանքը, կամ The Insult-ը, պատճառ կը դառնայ դատարանի մէջ ներկայացուող հարցի մը եւ ինչպէս որ ֆիլմը կոչուած է արաբերէնով, կը դառնայ դատ/քատիյյէ թիւ 23:
Դերասաներ[Խմբագրել | Խմբագրել աղբիւրը]
- Գլխաւոր դերասանն է Լիբանանեան պատկերասփիւռի կատակերգակ դէմքերէն՝ Ատէլ Քարամ, որ ֆիլմին մէջ կը ներկայանայ իբրեւ Թոնի Հաննա:
- Երկրորդ գլխաւոր դերասանը՝ Քամիլ Ըլ Պաշա, ֆիլմին մէջ կը մարմնաւորէ Եասեր Ապտալլահ Սալամէի տիպարը:
- Ռիթա Հայէք
- Քամիլ Սալամէ
- Տիամանտ Պու Ապուտ
Գնահատանքներ[Խմբագրել | Խմբագրել աղբիւրը]
Ֆիլմը բաւական գնահատականներու արժանացաւ, որովհետեւ ան լոյսին բերաւ Լիբանանցի-Պաղեստինցի յարաբերութիւններու կարգ մը իրականութիւններ եւ հարցեր, որոնց մասին բնաւ չենք մտածեր, ինչպէս՝ Պաղեստինցիներու հպատակութեան, գործի ընդունման եւ դատական իրաւունքներու կապուած մտահոգութիւններ:
Ծանօթագրութիւններ[Խմբագրել | Խմբագրել աղբիւրը]
- ↑ «Venice Competition Includes Films From George Clooney, Guillermo del Toro, Darren Aronofsky»։ The Hollywood Reporter։ արտագրուած է՝ 27 July 2017
- ↑ «Venice: Guillermo del Toro Wins Golden Lion for 'The Shape of Water'»։ The Hollywood Reporter։ արտագրուած է՝ 9 September 2017
- ↑ «الـ"قضية رقم 23″ مرشحاً إلى الـ"أوسكار"... "يستحق أن يُسمّى لتمثيل لبنان"»։ Annahar։ 7 September 2017։ արտագրուած է՝ 7 September 2017
- ↑ Tartaglione Nancy (11 September 2017)։ «‘The Insult’ Director Ziad Doueiri Detained In Lebanon After Venice Win»։ Deadline։ արտագրուած է՝ 11 September 2017