Քաղաքավարութեան Վնասները

Jump to navigation Jump to search

Կաղապար:Տեղեկաքարտ Գիրք

Քաղաքավարութեան Վնասները, դասական գրական երկ։ Հայ երգիծանքի մեծ վարպետ Յակոբ Պարոնեանի ամենայայտնի գործերէն մէկը։

Այս անջատ ու կարճ պատմուածքներու հաւագածուն ունի հասարակաց մէկ գիծ, որուն նպատակն է ցոյց տալ, թէ՝ մարդ յաճախ զոհ կը դառնայ քաղաքավարութեան։ Նուրբ երգիծանքով եւ պարզ ոճով գրուած այս գործը կը խարազանէ Պոլսոյ որոշ խաւի մը՝ ի գին ամէն ինչի, եւրոպական քաղքենիութիւնը ընդօրինակելու հապճեպը։ Պարոնեան իր սրամիտ ոճով կը ներկայացնէ բռնի քաղաքավարութեան զոհերը, երեւան հանելով զայն շահագործող աներես ու անկիրթ պատեհապաշտներ։[1]

«Քաղաքավարութեան Վնասները» ընդհանուր խորագրին տակ, բայց առանց առանձին վերնագիրներու, այս կարճ պատմուածքներու շարքը պարբերականօրէն լոյս տեսած է հեղինակին խմբագրած «Խիկար» թերթին մէջ, 1886-1887 տարիներուն։ Յետագային, «Քաղաքավարութեան Վնասները» ամփոփուած է առանձին հատորի մը մէջ եւ արժանացած է բազմաթիւ վերահրատրակութիւններու, աշխարհի զանազան քաղաքներու մէջ։ Անգլերէն թարգմանութիւնը կատարած է Ճագ Անդրէասեանը՝ «Perils of Politeness» վերնագրով։

Նշումներ[Խմբագրել | Խմբագրել աղբիւրը]

  1. Ճանաշեան, Մեսրոպ. Հայ Գրականութեան Նոր Շրջանի Համառօտ Պատմութիւն: Վենետիկ, Ս. Ղազար 1974, էջ 126:

Կատեգորիա:Հայ դասական գրականութիւն