Տայանա Տէր Յովհաննէսեան

Jump to navigation Jump to search
Տայանա Տէր Յովհաննէսեան
անգլերէն՝ Diana Der Hovanessian
Ծնած է 21 Մայիս 1934(1934-05-21)
Ծննդավայր Վուստեր, Մասսաչուսէթս, Ամերիկայի Միացեալ Նահանգներ
Մահացած է 1 Մարտ 2018(2018-03-01)[1] (83 տարեկանին)
Մահուան վայր Քեմբրիջ, Մասսաչուսէթս, Ամերիկայի Միացեալ Նահանգներ
Քաղաքացիութիւն Flag of the United States.svg Ամերիկայի Միացեալ Նահանգներ
Ազգութիւն ամերիկահայ
Ուսումնավայր Հարուըրտ Համալսարան
Պոսթընի համալսարան
Երկեր

How To Choose Your Past,

Սեւ աչքեր կանաչ աչքերի խորքում,
About Time,
Songs Of Bread,
Songs Of Salt]
Մասնագիտութիւն բանաստեղծուհի, թարգմանիչ, գրագէտ
Աշխատավայր Երեւանի Պետական Համալսարան
Կայքէջ dianaderhovanessian.com

Տայանա Տէր Յովհաննէսեան (անգլերէն՝ Diana Der Hovanessian, 21 Մայիս 1934(1934-05-21), Վուստեր, Մասսաչուսէթս1 Մարտ 2018(2018-03-01)[1], Քեմբրիջ, Մասսաչուսէթս[2])՝ ամերիկահայ անգլեագիր բանաստեղծուհի, թարգմանչուհի, լրագրող:

Կենսագրութիւն[Խմբագրել | Խմբագրել աղբիւրը]

Ծնած է Պոսթընի մէջ, խարբէրդցի ծնողնէրէ։ Աւարտած է Պոսթընի համալսարանի ամերիկեան գրականութեան ճիւղը։ Հարվըրտ Համալսարանի քէրթողական արուեստի նշանաւոր բանաստեղծ Ռապըրթ Լոուէլի (անգլերէն՝ Robert Lowell) առաջնորդութեամբ՝ հմտացած է բանաստեղծութեան արուեստին մէջ։ Դպրոցական գրասեղաններէն սկսեալ բանաստեղծութիւններ գրած է թերթերու եւ հանդէսներու մէջ, յէտոյ աշխատած է որպէս խմբագիր, եւ երկար տարիներ վարած է բանաստեղծութեան դասընթացքներ Պոսթընի ուսումնական հաստատութիւններէն ներս։

Եղած է Նոր-Անգլիոյ բանաստեղծութեան ակումբին նախագահը եւ «Պոսթըն Կլոպ» թերթի փառատօն»ի պատասխանատու վարիչը։ Որպէս դասախօս՝ դասաւանդած է ամերիկեան զանազան համալսարաններու մէջ։

Շահած է շարք մը մրցանակներ, ի միջի այլոց Ամերիկեան պոէզիայի ընկերութեան եւ նշնաւոր Պրն Քլապ-ի մրցանակները։

1991-ին Հայաստանի գրողներու միութեան կողմէ արժանացաւ Յովհաննէս Թումանեան մրցանակի, Հայ բանաստեղծներու գործերուն անգլերէնի թարգմանութեան համար։ Այս մարզին մէջ Տ. Տէր Յովհաննէսեան հոյակապ գործ մը կը կատարէ։ Կը կազմակերպէ նաեւ Հայ բանաստեղծներու նուիրուած երեկոներ, դասընթացքներ եւ ձայնասփիւռի ու հեռատեսիլի հաղորդումներ։ 1978-ին Մարզպետ Մարկոսեանի հետ միասին կազմեց, թարգմանեց եւ անգլերէն լեզուով հրատարակեց Հայ բազմադարեան քերթողութենէն ընտիր նմոյշներ, սկսեալ հեթանոսական շրջանի երգերէն մինչեւ ժամանակակից հայ բանաստեղծութեան գիրքեր։ Իր բանաստեղծութիւնները թարգմանուած են եօթը լեզուներու։

Գործեր[Խմբագրել | Խմբագրել աղբիւրը]

Իր Հրատարակուած գործերն են՝ How To Choose Your Past (1978), Սեւ աչքեր կանաչ աչքերի խորքում (Երեւան 1985), About Time (Նիւ Եորք. 1987) եւ Songs Of Bread, Songs Of Salt (Նիւ Եորք. 1990): Տ. Տէր Յովհաննէսեան 1994-ի գարնան Հայաստան այցելեց նախաձեռնութեամբ ամերիկեան «Ֆուլպրայթ» կազմակերպութեան։ Շարք մը դասախօսութիւններ տուաւ Երեւանի Պետական եւ Ամէրիկեան Համալսարաններուն մէջ, ամերիկեան գրականութեան մասին։ Տայանայի պոէզիային հիմնական տարրը կը կազմէ ազգային արմատներու որոնումը։ Իր ամերիկեան ու համամարդկային նիւթերուն կարգին կու տայ զուտ Հայկական։ Պարզ եւ ինքնատիպ է իր ոճը։ Սրտագրաւ են իր տաղերը եւ հաղորդական[3]:

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 https://mirrorspectator.com/2018/03/02/poet-diana-der-hovanessian-passed-away/
  2. https://hairenikweekly.com/2018/03/03/34657
  3. Սփիւռքահայ արդի գրականութիւն (խմբ. խմբագրող և համադրող՝ Սեդա Ծաղիկեան-Տէմիրճեան), Միշիկըն էջ 772։