Սեպուհ Աբգարեան

Սեպուհ Աբգարեան;
Ծնած է	12 Յունիս 1930
Ծննդավայր	Կիպրոս
Մահացած է	5 Օգոստոս 2014 (84 տարեկանին)
Մահուան վայր	Նիկոսիա, Կիպրոս
Քաղաքացիութիւն	Կիպրոս
Մասնագիտութիւն	երգահան, խմբավար և ռադիոհաղորդավար

Սեպուհ Աբգարեան (12 Յունիս 1930(1930-06-12), Կիպրոս - 5 Օգոստոս 2014(2014-08-05), Նիկոսիա, Կիպրոս), հայազգի երգահան, երգիչ, խմբավար, ձայնասփիւռի հաղորդավար, «Գոհար» սիմֆոնիկ նուագախումբի եւ երգչախումբի խմբավար, գեղարուեստական ղեկավար:

Կենսագրութիւն եւ Ստեղծագործական Կեանք

Ծնած է Կիպրոս, Նիկոսիա քաղաքը: Հայրը ծնունդով Սասունցի էր։ Ընտանիքը տեղափոխուած է Պէյրութ, ուրտեղ ուսանած է Էդուարդ Տարոնեանի եւ Բարսեղ Կանաչեանի մօտ: Ան միշտ երախտագիտութեամբ կը յիշէր իր ուսուցիչները, որոնք մէծ ազդեցութիւն ձգած են անոր ձեւաւորման եւ կայացման վրայ։ Երբ 13 տարեկան էր, ընտանիքը տեղափոխուած է Հալէպ, ուրտէղ 1954 թուականին աւարտած է Մելգոնեան Հայկական Վարժարանը, իսկ այնուհետեւ ուսումը շարունակած է Փարիզ^[1]: Փարիզի ուսումէն ետք վերադարձած է Կիպրոս եւ աշխատած է վարժարանի մէջ:

Երկու այլ հայերու հետ Կիպրոսի հեռահաղորդակցութեան միութեան մէջ հիմնած է հայկական ձայնասփիւռի հաղորդում, ուր աշխատած է շուրջ 46 տարի: Միաժամանակ աշխատած է Մելգոնեան վարժարանը՝ որպէս երգչախումբի խմբավար^[2]:

Հեղինակն է շարք մը երգերու, կամերային, սիմֆոնիկ երաժշտութիւններու, «օրաթորիօ»ներու որոնք կատարուած են աշխարհի շարք մը երկիրներու մէջ՝ Թոքիօ, Փարիզ, Կիպրոս, Լիբանան, ԱՄՆ^[3]: Սեպուհ Աբգարեանի ամենամեծ ձեռքբերումը «Գոհար» սիմֆոնիկ նուագախումբի եւ երգչախումբի ղեկավարումն էր, որ իր համերգներով հանդէս եկած է Հայաստանի եւ սփիւռքի բազմաթիւ գաղթօջախներէն ներս: Ան վերոյիշեալ համոյթը ղեկարավարած է հիմնադրման օրէն մինչեւ իր կեանքին վերջը^[4]:

Մահացած է Նիկոսիոյ մէջ^[5]^[6]:

Կարծիքներ Սեպուհ Աբգարեանի մասին

Սեպուհ Աբգարեանը Մեծութիւն է մեր իրականութեան մէջ, ափսոս քիթ բացահայտուած:

- Դաւիթ Սարիբեկեան

Բացի լաւ արուեստագետ ըլլալու՝ ան հոգատար մարդ էր։ Կարող էր հայրաբար վերաբերուել բոլորին: Ան հրաշալի նուրբ հեգնութիւն ունէր, շատ-շատ լաւ գիտեր հայոց պատմութիւն:

- Հեղինէ Քալաշեան երգչախումբի նախկին անդամ

Երբ մենք բեմ կ'ելլէինք ու խմբավարը կը ղեկավարէր՝ մենք հայացքով կը հասկնայինք, թէ ինլ կ'ուզէր մեզմէ՝ Ինքը կարող էր ունքերը կիտած նայիլ դէմքիս, ու ես արդէն իր հայացքէն կը հասկնայի, թէ ինչ կ'ուզէր, կը կատարէի իր ուզածը:

- Գագիկ Մալխասեան, Երաժշտային տունի աշակերտ

Չեմ վախնար ըսելու՝ հայ ազգային երգի շատ-շատ կորած ու անտեսուած նմուշներ, խմբավարի ու «Գոհարի» շնորհիւ վերամշակուեցին ու ներկայացուեցան հանրութեան:

- Սոնա Շարաֆեան, երգչախումբի անդամ

Ծանօթագրութիւններ

↑ Наталия Халатян. Браво, маэстро Сепух Абгарян Archived 2015-05-11 at the Wayback Machine. - Голос Армении 25.09.2014
↑ ^{[permanent dead link]} ՍԵՊՈՒՀ ԱԲԳԱՐՅԱՆ
↑ «Энциклопедия фонда Хайазг»
↑ «БРАВО, МАЭСТРО СЕПУХ АБГАРЯН»։ արխիւացուած է բնօրինակէն-էն՝ 2015-05-11-ին։ արտագրուած է՝ 2016-03-01 Archived 2015-05-11 at the Wayback Machine.
↑ «Մահացել է «Գոհար» նվագախմբի գեղարվեստական ղեկավար և գլխավոր դիրիժոր Սեպուհ Աբգարյանը»։ արխիւացուած է բնօրինակէն-էն՝ 2015-10-24-ին։ արտագրուած է՝ 2016-03-01 Archived 2015-10-24 at the Wayback Machine.
↑ http://www.artsakank.com.cy/am/news/interview/2009/interview-sabouh-apkarian Archived 2015-09-23 at the Wayback Machine. ՀԱՐՑԱԶՐՈՅՑ ԳՈՀԱՐԻ ԽՄԲԱՎԱՐ ԵՒ ԳԵՂԱՐՈՒԵՍՏԱԿԱՆ ՂԵԿԱՎԱՐ ՍԵՊՈՒՀ ԱԲԳԱՐԵԱՆԻ ՀԵՏ

[golosarmenii-1] Наталия Халатян. Браво, маэстро Сепух Абгарян Archived 2015-05-11 at the Wayback Machine. - Голос Армении 25.09.2014

[2] {[permanent dead link]} ՍԵՊՈՒՀ ԱԲԳԱՐՅԱՆ

[3] «Энциклопедия фонда Хайазг»

[4] «БРАВО, МАЭСТРО СЕПУХ АБГАРЯН»։ արխիւացուած է բնօրինակէն-էն՝ 2015-05-11-ին։ արտագրուած է՝ 2016-03-01 Archived 2015-05-11 at the Wayback Machine.

[5] «Մահացել է «Գոհար» նվագախմբի գեղարվեստական ղեկավար և գլխավոր դիրիժոր Սեպուհ Աբգարյանը»։ արխիւացուած է բնօրինակէն-էն՝ 2015-10-24-ին։ արտագրուած է՝ 2016-03-01 Archived 2015-10-24 at the Wayback Machine.

[6] ttp://www.artsakank.com.cy/am/news/interview/2009/interview-sabouh-apkarian Archived 2015-09-23 at the Wayback Machine. ՀԱՐՑԱԶՐՈՅՑ ԳՈՀԱՐԻ ԽՄԲԱՎԱՐ ԵՒ ԳԵՂԱՐՈՒԵՍՏԱԿԱՆ ՂԵԿԱՎԱՐ ՍԵՊՈՒՀ ԱԲԳԱՐԵԱՆԻ ՀԵՏ

[1]

[2]

[3]

[4]

[5]

[6]