Ռինիա (կղզի)

Ռինիա
Կղզի
	Ռինիա
	Ռինիա․ նկարուած Տիլոսի նաւակայքէն
Երկիր	Յունաստան
Տարածութիւն	14 քմ²
ԲԾՄ	136 մեթր
Բնակչութիւն	0 մարդ (2011),; 128 մարդ (1951)
Կը գտնուի ափին	Էգէական Ծով

Ռինիա (յուն․՝ Ρήνεια) Էգէական Ծովուն Քիքլատես կղզեխումբին արեւելեան կողմը գտնուող ամայի կղզի, Սիրոս կղզիին արեւելքը, Միքոնոսին հարաւ-արեւմուտքը, Տիլոս կղզիին արեւմուտքը եւ Նաքսոս կղզիին հիւսիս-արեւելքը։

Աշխարհագրութիւն[Խմբագրել | Խմբագրել աղբիւրը]

Տարածութիւնն է 13,904 քռ․քլմ․, ծովեզր 43 քլմ․։ Ունի բերրի հովիտներ։ Այժմ դարձած է Միքոնոսի հօտերու արօտավայր։ Վարչականօրէն Միքոնոս քաղաքապետութեան կը պատկանի։

Պատմութիւն[Խմբագրել | Խմբագրել աղբիւրը]

Կղզին առաջին անգամ բնակուած ըլլալու է Ք․Ա․ 5-րդ հազարամիակին։ Հնադարեան տարիներուն կղզին բարգաւաճած է դրացի Տիլոս սրբավայրի շուքին տակ։ Ք․Ա․ 530-ին, Սամոսի (յունական կղզի Էգէական ծովուն հարաւ-արեւելքը, Թուրքիոյ ափերուն դիմաց) բռնատէրը՝ Փոլիքրաթիս, կղզին կը գրաւէ եւ կը նուիրէ Տիլոս սրբավայրի Ափոլոնաս աստուծոյ նուիրուած տաճարին։ Այս պատմական եղելութիւնը առաջին արձանագրութիւնն է Ռինիայի մասին։ Կղզին ունէր նաեւ բուժարան մը․ հոն կու գային Տիլոսէն հիւանդներ, որոնք կը հեռացուէին կղզիէն։

Երբ Պելոպոնեղեան պատերազմի առաջին տարիներուն (Ք․Ա․ 425 -426) Աթենացիները կը պարտադրեն Տիլոսի մաքրագործումը, կը վճռեն թէ ոչինչ պիտի ծնի կամ մեռնի կղզիին վրայ։ Ռինիա կը վերածուի մեռեալ կղզիի մը։ Մեր ժամանակակից տարիներուն Ռինիայի արօտավայրերը կ՛ արածեն Միքոնոսի հովիւներուն հօտերը։

Հնագիտական պեղումներէն գտնուած իրեր[Խմբագրել | Խմբագրել աղբիւրը]

Ք․Ա․2-րդ դար․ կը ցուցոադրուի Աթէնքի Հնագիտական Ազգային թանգարանին մէջ
Ք․Ա․ 9-րդ դար, կը ցուցադրուին Աթէնքի Հնագիտական Ազգային թանգարանին մէջ
Ճարճատ
Հռոմէական շրջանէն ապակեայ իրեր
Ք,Ա,2-րդ դար, Աթէնքի Հնագիտական Ազգային Թանգարան
Դամբարանի քանդակ, Ք․Ա․2-րդ դար, Աթէնքի Հնագիտական Ազգային Թանգարան
Ք․Ա․ 5-րդ դար, Աթէնքի պարտադրած մաքրաքործումներէն իրեր․ Միքոնոսի հնագիտական թանգարան
Ք․Ա․ 5-րդ դար, Աթէնքի պարտադրած մաքրաքործումներէն իրեր․ Միքոնոսի հնագիտական թանգարան