Պիպլոս

Ուիքիփետիաէն
Jump to navigation Jump to search


Կաղապար:Տեղեկաքարտ Բնակավայր Պիպլոս (արեւելահայերէն՝ Բիբլոս, կամ Բիբլը, յունարէն՝ βύβλος, Բիբլոս), քաղաք՝ Լիբանանի արեւմտեան մասին մէջ, Լեռնային Լիբանանի նահանգին մէջ։

Քաղաքը հիմնադրուած է փիւնիկեցիներու օրով։ Այն կը գտնուի մայրաքաղաք Պէյրութէն 32 ք․մ․ հեռաւորութեան վրայ՝ Միջերկրական ծովու ափին։ Քաղաքը անմիջական կապ ունի Աստուածաշունչի հետ։ Ներկայիս Պիպլոսը կը մտնէ համաշխարհային ժառանգութեան ցանկի մէջ։

Պատմութիւն[Խմբագրել | Խմբագրել աղբիւրը]

Պիպլոսը կը համարուի աշխարհի հնագոյն բնակուած քաղաքներէն մէկը։ Պիպլոսի մասին առաջին տեղեկութիւնները արձանագրուած են Ք.Ա. չորրորդ հազարամեակին։ Այս շրջանին թուագրուած է Պիպլոսի ամենայայտնի ճարտարապետական շինութիւններէն մէկը՝ Պաալի տաճարը։

Ք.Ա. երրորդ հազարամեակէն սկսեալ, Պիպլոս սերտ կապեր կը հաստատէ Եգիպտոսի հետ, որը Պիպլոսէն կը ներմուծէր բնափայտ, յատկապէս՝ մայրի, գինի եւ ձիթապուտղի իւղ: Եգիպտոսէն մեծ քանակութեամբ պապիրուս կը բերուէր Պիպլոս, ուրկէ զայն յոյները կը գնէին։ Հունարէն Պիպլոս՝ պապիրուս, գիրք, և պիպլիա՝ գիրքեր, բառերու ծագումը եկած է Պիպլոսի անունէն։ Աքքատացիները քաղաքը կ'անուանէին Կուպլ, Աստվածաշունչին մէջ ան յիշատակուած է Կեպալ անունով։

Եգիպտոս մեծ ազդեցութիւն ունեցած է Պիպլոսի վրայ, փաստօրէն՝ Պիպլոսի տիրակալները եգիպտերէնը կը գործածէին որպէս պաշտօնական լեզու:

Ք.Ա. երրորդ հազարամեակի վերջաւորութեան Պիպլոս կ'ապրի իր անկման շրջան ։ Հրդեհի հետեւանքով կը կործանի Պիպլոսի տիրուհիի յայտնի տաճարը:

Գրականութիւն[Խմբագրել | Խմբագրել աղբիւրը]

  • Nina Jidéjian, Byblos through the ages, Dar al-Machreq, Beyrouth, 1968

Կաղապար:Commons