Jump to content

Շուշան Ստեփանեան

Շուշան Ստեփանեան
8 Օգոստոս 1988(1988-08-08) (35 տարեկան) -
Ծննդավայր Հադրութ, Լեռնային Ղարաբաղի Ինքնավար Մարզ, Խորհրդային Միութիւն
Կոչում հազարապետ

Շուշան Շահէն Ստեփանեան (8 Օգոստոս 1988(1988-08-08), Հադրութ, Լեռնային Ղարաբաղի Ինքնավար Մարզ, Խորհրդային Միութիւն), Հայաստանի Հանրապետութեան Պաշտպանութեան նախարարութեան մամուլի քարտուղար, հայ լրագրող, մայոր[1][2]։

Կենսագրութիւն[Խմբագրել | Խմբագրել աղբիւրը]

Շուշան Ստեփանեանը ծնած է 8 Օգոստոս1988-ին, Արցախի Հանրապետութեան Հադրութ քաղաքը։ 1995-էն սորված է Հադրութի Միքայել Մանուէլեանի անուան միջնակարգ դպրոցը։ 2005-ին գերազանց աւարտած է դպրոցը եւ ընդունուած Երեւանի Պետական Համալսարանի ժուռնալիստիկայի ֆակուլտետը, որ 2009-ին նոյնպէս աւարտած է գերազանց առաջադիմութեամբ։

Որպէս յետաքննող լրագրող, 2007-էն 2009 թուականներուն աշխատած է «Հետք» ելեկտրոնային պարբերականին հետ։ 2009-ին ընդունուած է պայմանագրային զինուորական ծառայութեան՝ որպէս Հայաստանի Հանրապետութեան Պաշտպանութեան նախարարութեան «Հայ զինուոր» թերթի ռազմաքաղաքական տեղեկատուութեան եւ զինծառայողներու գաղափարախօսական բաժանմունքի թղթակից։ 2013-ին դարձած է նոյն թերթի խմբագրութեան մշակոյթի եւ հասարակայնութեան կապերու բաժանմունքի թղթակից, իսկ 2015-էն 2016 թուականներուն՝ զօրքերու առօրեայ գործունէութեան լուսաբանման բաժինի խմբագիր։ 2017-ին Շուշան Ստեփանեանը դարձած է նոյն թերթի խմբագրութեան զօրքերու առօրեայ գործունէութեան լուսաբանման բաժինի պետ։ 2018-ին ան «Զինուժ Մեդիա» պետական հիմնարկի մամուլի բաժինի թղթակիցն է[3]։

2019-էն ծառայութեան անցած է Հայաստանի Հանրապետութեան զինուած ուժերուն մէջ։ Ան 2014-ին վերապատրաստուած է Գերմանիոյ դեմոկրատական Հանրապետութեան Զինուած ուժերու Ինֆորմացիայի եւ կոմունիկացիայի ակադեմիային մէջ։

Հայրը` Շահէն Ստեփանեանը, Ղարաբաղեան պատերազմի մասնակից է, յետմահու պարգեւատրուած է Արցախի Հանրապետութեան «Մարտական խաչ» 2-րդ աստիճանի շքանշանով[4]։

Հայաստանի Հանրապետութեան պաշտպանութեան նախարար Դաւիթ Տոնոյեանի հրամանով Շուշան Ստեփանեանը նշանակուած է Հայաստանի Հանրապետութեան Պաշտպանութեան նախարարութեան մամուլի քարտուղար:

Պարգեւներ[Խմբագրել | Խմբագրել աղբիւրը]

Շուշան Ստեփանեանը արժանացած է «ՀՀ ԶՈւ 20 տարի», «Ծ.Հ.Ս. Իսակով», «Անբասիր ծառայութեան համար» 1-ին աստիճանի պատուոգրերու, «Մարշալ Բաղրամեան» մետալներուն[5]:

2009-ին ան ճանչցուած է European Journalism Centre-ի կողմէ կազմակերպուած յետաքննական լրագրութեան ուսումնական մրցոյթի յաղթող եւ վերապատրաստուած Նիտերլանդներու մէջ։

Ունի մայորի կոչում։

Ծանօթագրութիւններ[Խմբագրել | Խմբագրել աղբիւրը]

  1. «Շուշան Ստեփանեանը նշանակուած է ՊՆ մամուլի քարտուղար»։ Hetq.am (Հայերէն)։ արտագրուած է՝ 2020-03-12 
  2. «Շուշան Ստեփանեան նշանակուեցաւ ՀՀ ՊՆ մամլոյ խօսնակ | Ռամկավար Մամուլ - Պաշտօնական Լրատու»։ www.ramgavar.am։ արտագրուած է՝ 2020-10-05 
  3. «Շուշան Ստեփանեանը նշանակուեցաւ ՊՆ մամուլի քարտուղար»։ արխիւացուած է բնօրինակէն-էն՝ 2021-10-27-ին 
  4. «Շահեն Ստեփանյան | Epress.am» (hy-AM)։ արտագրուած է՝ 2020-10-05 
  5. «ՀՀ ՊՆ մամուլի քարտուղարն առաջին անգամ կին է (ՖՈՏՈ)»։ newsarmenia.am։ արտագրուած է՝ 2020-03-13