Շէյխ Զայէտի Մզկիթ
| Բնակավայր | |
|---|---|
| Շէյխ Զայէտի Մզկիթ | |
 | |
| Երկիր |
 Արաբական Միացեալ Էմիրութիւններ |
| Հիմնադրուած է՝ | 20 Դեկտեմբեր 2007 |
| Անուանուած է | Զայէտ պին Սուլթան ալ-Նահեան |
| Պաշտօնական կայքէջ | szgmc.ae |
Շէյխ Զայէտի ճերմակ Մզկիթը, Արաբական Միացեալ Էմիրութեանց մշակութային եւ միջ-կրօնական երկխօսութեան կարեւոր կեդրոն մը, ուր մնայուն կերպով պետական-պաշտօնական հիւրեր կ'այցելեն[1]:
Աշխարհի վեց ամէնէն մեծ մզկիթներէն մէկը[2][3][4]։
Կը գտնուի Արաբական Միացեալ Էմիրութիւններու մայրաքաղաք Ապու Տապիի մէջ։
Անուանուած է ի պատիւ հիմնադիր եւ Արաբական Միացեալ Էմիրութիւններու առաջին նախագահ շէյխ Զայէտ պին Սուլթան ալ-Նահեանի յիշատակին։
Մզկիթը պաշտօնապէս բացուած է 2007-ի Ռամատանին։
Այս մզկիթը Տուպայի Ճումէյրա մզկիթին հետ միասին բացառութիւն կը կազմեն. այս երկու մզկիթները կրնան մուտք գործել ոչ միայն իսլամները, այլեւ՝ բոլոր զբօսաշրջիկները[5]։
Զայէտ մզկիթին մուտքը անվճար է։
Համաշխարհային մրցանիշներ
[Խմբագրել | Խմբագրել աղբիւրը]- Անոր ընդարձակ տարածքին փռուած գորգը կը համարուի աշխարհի ամէնէն մեծ գորգը։ Անիկա կը պատրաստուի «Իրանի գորգեր» ընկերութեան կողմէ՝ ըստ իրանցի նկարիչ Ալի Խալիկի նկարին[6]։ Գորգին մակերեսը 5627 քառակուսի մեթր է։ Գորգին կառուցուածքին մէջ կայ 2 268 000 հանգոյց։
- Մզկիթին սրահներուն մէջ կախուած է գերմանական արտադրութեան եօթ ջահ՝ զարդարուած նրբաթերթ ոսկիով եւ աւստրիական Շուարովսկի ընկերութեան արտադրութեան բիւրեղներով։ Մզկիթին գլխաւոր ջահը աշխարհի ամէնէն մեծն էր (10 մեթր տրամագիծով, 15 մեթր բարձրութեամբ եւ շուրջ 12 թոն կշիռքով[7]) մինչեւ 26 Յունիս 2010, երբ Քաթարի մէջ կը կախուի աւելի մեծ ջահ[8]։ Այնուամենայնիւ, անիկա կը համարուի մզկիթին մէջ կախուած ամէնէն մեծ ջահը[9]։
Ճարտարապետութիւն
[Խմբագրել | Խմբագրել աղբիւրը]Մզկիթը կրնայ ներառել 50 հազար հաւատացեալ։ Աղօթքին գլխաւոր դահլիճը նախատեսուած է 7 հազար աղօթողի համար։ Գլխաւոր դահլիճին հարեւանութեամբ գտնուող երկու սրահներէն իւրաքանչիւրին մէջ տեղաւորուած է մինչեւ 1500 հոգի։ Այս երկու սենեակները նախատեսուած են կանանց համար։
Մզկիթին չորս անկիւններուն մէջ կանգնած են չորս մինարէթները, որոնք կը բարձրանան շուրջ 170 մեթր։ Գլխաւոր շէնքին արտաքին շերտը կը ծածկեն 82 գմբէթները։ Գմբէթները զարդարուած են սպիտակ մարմարով, անոնց ներքին գեղարուեստական ձեւաւորումը եւս իրականացուած է մարմարով։ Ներքին բակը պատուած է գունաւոր մարմարով եւ կը կազմէ շուրջ 17 400 մ²։
Մզկիթին մէջ կը գտնուի շէյխ Զայէտ պըն Սուլթան ալ Նահեանի դամբարանը:
Ծանօթագրութիւններ
[Խմբագրել | Խմբագրել աղբիւրը]- ↑ Ճերմակ Մզկիթը
- ↑ Sheikh Zayed Bin Sultan Al Nahyan Mosque — Abu Dhabi Archived 01-06-2009 at the Wayback Machine.(անգլերէն)
- ↑ Islamic architecture provides inspiration for MELDA winner Archived 03-03-2016 at the Wayback Machine.(անգլերէն)
- ↑ Regional buildings have never looked so good Archived 01-09-2021 at the Wayback Machine.(անգլերէն)
- ↑ «Zayed mosque to allow guided tours»։ Gulf News։ 2008 թ․ փետրվարի 20։ արխիւացուած է բնօրինակէն-էն՝ 2008 թ․ սեպտեմբերի 21-ին։ արտագրուած է՝ 2009 թ․ ապրիլի 23 (անգլերէն)
- ↑ Webindia123.com — Iran weaves world’s largest carpet Archived 2018-02-11 at the Wayback Machine.(անգլերէն)
- ↑ Khaleej Times — Sheikh Zayed Mosque to open in Ramadan Archived 2014-03-23 at the Wayback Machine.(անգլերէն)
- ↑ Риановости «Самая большая и яркая люстра в мире зажжена в Катаре»
- ↑ Официальный сайт мечети шейха Зайда Archived 2013-01-06 at the Wayback Machine. «The largest (located in the main prayer hall and considered one of the world’s largest in a mosque) weighs approximately 12 tons.»