Նուպար Ակիշեան
Նուպար Ակիշեան | |
---|---|
Ծնած է | 15 Ապրիլ 1934 |
Ծննդավայր | Գրըքխան, Իսկենտերուն |
Մահացած է | 19 Յունուար 1994 (59 տարեկանին) |
Մահուան վայր | Ֆրէզնօ, Քալիֆորնիա, Ամերիկայի Միացեալ Նահանգներ |
Ազգութիւն | հայ |
Կրօնք | քրիստոնէութիւն |
Ուսումնավայր |
Քալիֆոնիոյ Համալսարան Պոսթընի համալսարան |
Մասնագիտութիւն | արձակագիր, հրապարակախօս |
Նուպար Ակիշեան, (15 Ապրիլ 1934, Կիլիկիա, Թուրքիա - 19 Յունուար 1994, Ֆրէզնօ, Քալիֆորնիա, Ամերիկայի Միացեալ Նահանգներ), ծնած է Գրըքխանի մէջ (Իսկենտերուն): Յաճախած է Հալէպի «Մեսրոպեան» վարժարանը, որուն նախակրթարանային դասընթացքը չլրացուցած՝ նիւթական անձկութիւններու հետեւանքով հարկադրուած է նետուիլ շուկայ, աշվատանքի լծուելով Հալէպի հիւսուածեղէնի գործարաններուն մէջ։ Պատանի տարիքէն գիրի եւ կրթութեան ծարաւի՝ մխրճուաղ է ընթերցումի մէջ եւ 1949-ին յաջողած է մեկնիլ Կիպրոս՝ ուր հետեւած է Մելգոնեան Կրթական Հաստատութեան վեցամեայ դասընթացքներուն։ Ուսանողական սեղաններու վրայ գրական իր նախափորձերով, գրաւած է ուշադրութիւնը իր ուսուցչին՝ Ներսէս Թամամեանի, որուն քաջալերանքով իր պատմուածքներէն մէկ քանին հրատարակուած են Հաստատութեան «Այգ» պարբերաթերթին մէջ։ նոյն տարիներուն սկսած է աշխատակցիլ նաեւ Գահիրէի «Արեւ» օրաթերթին եւ Փարիզի «Հայ Միտք» գրական պարբերականին։
1955-ին, ընթացաւարտ՝ Մելգոնեանէն, օգնական խմբագրի պաշտօն ստանձնած է «Արեւ»ի մէջ, շարունակելով գրական իր աշխատանքները եւ աշխատակցելով նաեւ «Շիրակ» ամսագրին ու «Պայքար» տարեգրքին՝ Շահան Շահէ գրչանունով: 1957-ին եկաղ է Միաց. Նահանգներ ու հետեւաղ է Գալիֆորնիոյ համալսարանի բնագիտութեան ճիւղին, ապա նաեւ Պոստընի Նորթիսթըրն համալսարանի կորիզային բնագիտութեան դասընթացքներուն, այս երկու հաստատութիւններէն ստանալով պսակաւոր արուեստից եւ մագիստրոս գիտութեան տիտղոսները: Ուսանողական իր աշխատանքներուն առընթըր՝ աշխատակցած է Գալիֆորնիոյ «Նոր Օր» ու Պոստընի «Պայքար»-ին, շրջան մը վարելով նաեւ այս վերջին հաստատութեան վարիչի պաշտօնը[1]:
Ծանօթագրութիւններ[Խմբագրել | Խմբագրել աղբիւրը]
- ↑ Մինաս Թէօլէօլեան, Դար մը գրականութիւն, հ. հատոր (Բ. հրատարակութիւն), Հալէպ։