Յակոբ Ալխազեան
| Յակոբ Ալխազեան | |
|---|---|
 | |
| Ծնած է | 1 Յունուար 1826[1] |
| Ծննդավայր | Թիֆլիս, Վրացական նահանգ, Ռուսական Կայսրութիւն[1] |
| Մահացած է | 3 Նոյեմբեր 1896[1] (70 տարեկանին) |
| Մահուան վայր | Սեն Փեթերսպուրկ, Ռուսական Կայսրութիւն |
| Ազգութիւն | Հայ[1] |
| Ուսումնավայր | Երկրորդ կադետական կորպուս?[1] |
| Մասնագիտութիւն | զինուորական |
Ալխազեան Յակոբ (1 Յունուար 1826 – 2 Նոյեմբեր 1896, Փեթերսպուրկ), հայ զինուորական։
Կենսագրութիւն
[Խմբագրել | Խմբագրել աղբիւրը]Ռուսաց պետութեան հայազգի նշանաւոր զինուորական, չքաւոր ծնողներու որդի, ծնած է 1826 թուականին։ Ուսումն ստացած է Տփխիսի (Թիֆլիս) «Զինուորական վարժարան»ին մէջ եւ զինուորական ծառայութեան մտած։ 1863 թուականին մասնակցելով Լեհական ապստամբութեան դէմ մղած գործողութիւններուն՝ աչքի ինկած է քաջութիւններով եւ սկսած՝ արագութեամբ առաջանալ, իսկ 1874 թուականին՝ Կովկասի 19-րդ զօրաբաժինի հրամանատար նշանակուած։ 1877 թուականին, նախ՝ Քութայիսի եւ ապա՝ Սուխումի զօրաբաժինի հրամանատար եղած է, իսկ 1877-78 Ռուս-Տաճկական պատերազմի ժամանակ մեծ քաջութիւններ ցուցաբերած՝ եւ միեւնոյն ժամանակ Աբխազ, Ուբուխ, Շափաղ եւ այլ լեռնականներու մէջ մղած գործողութիւններուն գլխաւոր կարգադրիչ զօրապետի պաշտօն կատարած է։
1885 թուականին Ռուսական 3-րդ զօրաբանակի հրամանատար անուանուած է՝ Ռուսիոյ առեւմտեան սահմաններուն վրայ։ 1894 թուականին հրաժարելով պաշտօնէն, նշանակ Փեթերսպուրկի արքունի «Զինուորական խորհրդ»ի անդամ, որ պաշտօնին մէջ մեռած է 1896 թուականին՝ Փեթերսպուրկի մէջ։ Մարմինը բերուած է Տփխիս եւ թաղուած՝ Վանք-մայր եկեղեցւոյ բակին մէջ։
Աղբիւր
[Խմբագրել | Խմբագրել աղբիւրը]- Բառարան Հայ Կենսագրութեանց, Հայկ ՏԷր-Աստուածատուրեանց, Ա. հատոր, Թիֆլիս 1904, էջ 58: