Մովսէս Ա. Քհնյ. Շիրիգեան

Jump to navigation Jump to search
Մովսէս Ա. Քհնյ. Շիրիգեան
Ծնած է 1903
Ծննդավայր Մուսա լեռ, Հաթայի մարզ, Թուրքիա
Վախճանած է 1988
Ազգութիւն հայ
Մասնագիտութիւն քահանայ

Տ. Մովսէս Ա. Քհնյ. Շիրիգեան (ծնած է 1903 - 1988) Աւազանի անունով՝ Եսայի, որդի Գէորգի եւ Հերմինէի, ծնած է մուսալեռնցի ծնողքէ, Եողուն-Օլուգ, Մուսա Լեռ, 1903-ին։ Նախնական կրթութիւնը ստացած է ծննդավայրի ծխական վարժարանէն, զոր աւարտելէ ետք, ուսումը շարունակած է վրանաքաղաք Փոր-Սայիտի Սիսուան հայկական դպրոցը, ուրկէ շրջանաւարտ եղած է 1918-ին։

Եսայի ընտրած է իր կեանքի ընկերը՝ օրդ. Նեկտար Պուրսալեանը, որուն հետ պսակուած է 8 Սեպտեմրեր 1923-ին, Եօզուն–Օլուգի մէջ եւ բախտաւորուած հինգ զաւակներով՝ Սօսէ, Գէորգ, Փայլակ, Հերմինէ եւ Գուրգէն, որոնցմէ Փայլակն ու Գէորգը ձեոնադրուած են քահանայ։

1929-ին, աւելի փայլուն ապագայի մը հեոանկարով՝ ան աշխատանքի նոր հորիզոններ կը փնտռէ։ Մեկնած է Եթովպիա եւ ձեռնարկած է առեւտրական նոր աշխատանքի։ Քանի մր տարի ետք, ընտանիքը եւս հաստատուած է Եթովպիա, ուր գործած է մինչեւ 1936 թուական։ Ապա, տեղափոխուած է Թրիփոլի-Լիբանան, կրկին ձեռնարկելով առեւտրական աշխատանքի։

1938-ին, Եօղուն-Օլուգի Ս. Աստուածածին Եկեղեցւոյ թաղականութիւնը զինք հրաւիրած է քահանայութեան՝ ծառայելու համար իր հայրենակիցներուն։ Յարգելով ժողովուրդին որոշումը, ձեոնադրութիւնն ու օծումը տեղի ունեցած են ձեռամբ Տ. Խադ Արք. Աջապահեանի, Այլակերպութեան տօնին, Եօղուն-Օլուգի Ս. Աստուածածին եկեղեցւոյ մկջ, 24 Յուլիս 1938-ին, վերակոչուելով Տ. Մովսէս:

Քառասնօրեայ պատրաստութեան շրջանը լրանալէ ետք, նորընծայ Տ. Մովսէս Հոգեւոր Հովիւ նշանակուած է ծննդավայրի Ա.Աստուածածին եկեղեցւոյ մէջ։

1943-ին, Բերիոյ Թեմի Հայոց Առաջնորդին ու Կրօնական Ժողովին Հաւանութեամբ՝ Քեսապի Ս. Աստուածածին Եկեեղցւոյ թաղականութիւնը Տ. Մովսէսը հրաւիրած է Քեսապի մէջ քահանայագործելու։

Իր նոր Հօտով խանղավառ, ան տեղափոխուած է Քեսապ, ուր պաշտօնավարած է մինչեւ 1955 թուական։ Քահանայագործութեան առընթեր, ուսուցչական պաշտօն վարած է ուսումնասիրաց Միացեալ Վարժարանին մէջ։

1955-ին, ան խնդրած է Բերիոյ Թեմի Հայոց Աոաջնորդէն Լիբանան հաստատուելու արտօնութիւն։ Իր փափաքին ընթացք տրուած է ու անցած է Լիբանան։

Քանի մը ամիս պաշտօնավարած է Պէյրութի մէջ եւ կարճ ժամանակամիջոցին հրաւէր ստացած է Մ. Նահանգներու մէջ ծառայելու։ 1955-ին անցած է Հիւսիսային Ամերիկա եւ հոգեւոր հովիւ նշանակուած՝ Ուստր քաղաքի հայոց եկեղեցւոյ։ Հոն քահանայագործած է մինչեւ 1964 թուական։ Իսկ 1964-1967 տարիներուն, Տէր Մովսէս ստանձնած է Թրոյ, Նիւ Եորքի, Սիրաքիուսի ու Նիակարա–Ֆոլսի հայոց հոգեւոր հովիւի պաշտօնր։

1967-1969 պաշտօնավարած է Կրանիթ Սիթիի Իլինիոն նահանգին մէջ։ 1969-ին հանգստեան կոչուած է ու հաստատուած Սան Ֆրանսիսքօ:

Հանգստեան կոչուելէ ետք, մինչեւ իր վախճանումը, կամաւոր ծառայած է Սան Ֆրանսիսքոյի Գրիգոր Լուսաւորիչ Եկեղեցւոյ, ամէն օր մինչեւ կէսօր կատարելով հաշուապահութիւնն ու գրասենեկային այլ աշխատանքներ[1]։

Ծանօթագրութիւններ[Խմբագրել | Խմբագրել աղբիւրը]

  1. Յուսիկ Ա. քնյ. Սեդրակյան, Վարք Քահանայից Բերիոյ թեմի, հ. Ա, Պոստըն, էջ 408-409-410-411։