Միքայէլ Ժան
| Միքայէլ Ժէյն ֆր.՝ Michaëlle Jean | |
|---|---|
 | |
| Ծնած է | 6 Սեպտեմբեր 1957 |
| Ծննդավայր | Պորտ-օ-Պրենս, Հայիթի |
| Քաղաքացիութիւն |
.svg){kind=small} Քանատա Ֆրանսա Հայիթի |
| Կրօնք | կաթոլիկութիւն |
| Կրթութիւն |
Մոնրեալի համալսարան Ֆլորենցիայի համալսարան Պերուջայի համալսարան |
| Մասնագիտութիւն | լրագրող, հաղորդավար եւ քաղաքական գործիչ |
| Աշխատավայր | Société Radio-Canada |
| Զբաղեցրած պաշտոններ | Governor General of Canada |
| Պարգեւներ և մրցանակներ | Պատվո լեգեոնի Մեծ խաչի ասպետ Կանադայի շքանշանի կոմպանիոն Եղիսաբեթ II թագուհու ադամանդե հոբելյանական մեդալ OMM Սուրբ Հովհաննես Երուսաղեմցու շքանշան Լավալի համալսարանի պատվավոր դոկտոր Օտտավայի համալսարանի պատվավոր դոկտոր Մաքգիլի համալսարանի պատվավոր դոկտոր |
| Ամուսին | Jean-Daniel Lafond |
| Կայքէջ | gg.ca |
Ստորագրութիւն | |
Միքայէլ Ժան (ֆր.՝ Michaëlle Jean, ծն. 6 Սեպտեմբեր 1957, Փորթ աւ Փրէնս, Հայիթի), քանատացի պետական գործիչ եւ նախկին լրագրող, Ֆրանքոֆոնիայի Միջազգային Կազմակերպութեան (ֆր.՝ Organisation Internationale de la Francophonie) երրորդ եւ ներկայի գլխաւոր քարտուղարը: Այս պաշտօնին անցած է Յունուար 2015-ին՝ յաջորդելով Ապտու Տիուֆին: Առաջին կինն է, որ կը զբաղեցնէ այս պաշտօնը:
2005-2010 թուականներուն Ժէյնը եղած է Քանատայի նախանգապետ, 27-րդը այս պաշտօնին մէջ Քանատայի Համադաշնութեան հռչակումէն ետք: Ժէյնը Հայիթիէն փախստական է[1]: Քանատա տեղափոխուած է 1968-ին եւ մեծցած է Թեթֆորտ Մայնեսի մէջ (Քէպէք): Քանի մը համալսարաններէ վկայականներ ստանալէ ետք, Ժէյն իբրեւ լրագրող եւ հեռարձակող աշխատած է Ռատիօ Քանատայի եւ Քանատայի Հեռարձակող Ընկերութեան համար, ինչպէս նաեւ ներգրաւուած է բարեգործական աշխատանքներու մէջ` օժանադակելով ընտանեկան բռնութեան զոհերուն: 2005-ին Քանատայի վարչապետ Փոլ Մարտինի խորհուրդով թագուհի Էլիզապէթ Բ.-ի կողմէն նշանակուած է ընդհանուր նահանգապետ: Այս պաշտօնը ստանձնած է մինչեւ 2010-ը, երբ փոխարինուած է Տէյվիտ Ճոնսթոնի կողմէ: Պաշտօնավարման սկզբնական շրջանին իր ամուսինին` Ժան-Դանիէլ Լաֆոնտի նկարահանած ֆիլմերուն մէջ հնչած անոր քանի մը ակնարկները մեկնաբանուած են իբրեւ պաշտպանութիւն Քէպէքի ինքնիշխանութեան, եւ անոր երկքաղաքացիութիւնը կասկածի տակ դրած է Քանատայի անոր հաւատարմութիւնը: Սակայն, Ժէյն ժխտած է անջատողական հակումներու մասին զրոյցները, հրաժարած է Ֆրանսայի քաղաքացիութենէն եւ դարձած է յարգուած փոխարքայ, որ յայտնի էր Քանատայի Զինուած ուժերու, բնիկ քանատացիներու, ինչպէս նաեւ արուեստի, յատկապէս, երիտասարդական խնդիրներու հանդէպ իր ուշադիր վերաբերումով: Ժէյն այժմ նաեւ Հայիթիի մէջ ԵՈՒՆԵՍՔՕ-յի յատուկ ներկայացուցիչն է: 26 Սեպտեմբեր 2012-էն սկսեալ ան նաեւ Էլիզապէթ Բ. թագուհիին անձնական ներկայացուցիչն է Քանատայի մէջ[2]:
Վաղ Կեանք Եւ Կրթութիւն[Խմբագրել | Խմբագրել աղբիւրը]
Ժէյնի ընտանիքը Հայիթիէն է։ Ան ծնած է Պորտ-օ-Պրենսի մէջ, մկրտուած էքաղաքին Սուրբ Երրորդութիւն եկեղեցւոյ մէջ[3][4] եւ ձմեռները անցուցած է այս քաղաքին մէջ, իսկ ամառներն ու շաբաթ-կիրակիները` իր մօր ծննդավայր Ժակմելի մէջ[5]: Թէեւ հայրը ուսուցիչ էր աւետարնական ոչ պետական դպրոցի մէջ, Ժէյն իր կրթութիւնը ստացած է իրենց տան մէջ, քանի որ անոր ծնողները չէին ցանկանար, որ աղջիկը երդում տար Հայիթիի այդ ժամանակուան նախագահ Ֆրանսուա Տուվալիէրին, ինչպէս որ կը պահանջուէր հայիթիցի դպրոցականներէն[6]: Ժէյն իր ընտանիքի հետ կը լքէ Հայիթին` խուսափելու Տուվալիէրի ռեժիմէն, որուն ղեկավարման ժամանակ Ժէյնի հայրը բանտարկուած ու խոշտանգուած էր[6]: Ժէյնի հայրը Քանատա տեղափոխուած է 1967-ին, իսկ ինքը, մայրն ու քոյրերը՝ յաջորդ տարի[6]։ Ընտանիքը միասին կը հաստատուիէ Թեթֆորտ Մայնս, Քէպէք[4][7] Հայրը կը հեռանայ ընտանիքէն, անոր ծնողները կը բաժնուին, որմէ ետք ինքը, մայրն ու քոյրը կը տեղափոխուին Մոնրէալի մօտակայքը գտնուող Փոքր Պուրգունտիա[6][8]:
Ժէյն Պսակաւոր Արուեստից վկայական ստացած է Մոնրէալի համալսարանէն, սպաներէն ու իտալերէն լեզուներու ու գրականութեան ոլորտին մէջ եւ 1984-1986 տարիներուն այստեղ իտալերէն դասաւանդած է` միաժամանակ մագիստրոսի աստիճան ստանալով համեմատական գրականութեան մէջ: Ապա ան շարունակած է լեզուներու եւ գրականութեան ուսուցումը Ֆլորենսի, Փերուճայի եւ Միլանի կաթողիկէ համալսարաններուն մէջ: ֆրանսերէնէ ու անգլերէնէ զատ, Ժէյն կը տիրապետէ նաեւ սպաներէն, իտալերէն եւ Հայիթիի կրէոլ լեզուներուն, ինչպէս նաեւ` կը կարդայ փորթուկալերէն[7][9]:
Ծանօթագրութիւններ[Խմբագրել | Խմբագրել աղբիւրը]
- ↑ «Jean, Michaëlle»։ The UN Refugee Agency
- ↑ Privy Council Office։ «Information Resources > Members of the Queen's Privy Council > Current Alphabetical List > J»։ Queen's Printer for Canada
- ↑ Office of the Governor General of Canada։ «Role and Responsibilities > The Governor General and Her Spouse > Governor General Michaëlle Jean»։ Queen's Printer for Canada
- ↑ 4,0 4,1 «Governor General Michaëlle Jean in quake-ravaged Haiti: 'You are not alone'»
- ↑ «Canadian troops will focus aid on town with deep ties to GG Michaëlle Jean»
- ↑ 6,0 6,1 6,2 6,3 Azzi Stephen։ Marsh James Harley, խմբգր․։ Biography > Governors General of Canada > Jean, Michaëlle։ Historica Foundation of Canada
- ↑ 7,0 7,1 «Indepth > Governor General Michaëlle Jean»։ Canadian Broadcasting Corporation
- ↑ Murphy Brendan։ «The Montréal Buzz > Montreal Neighbourhood 101: Little Burgundy»։ Tourisme Montréal
- ↑ «Michaëlle Jean steps down as University of Ottawa chancellor»։ Ottawa Citizen
