Ճուտիթ Քերր

Ճուտիթ Քերր
գերմաներէն՝ Judith Kerr
Ծնած է 14 Յունիս 1923
Ծննդավայր Պերլին, Վայմարեան Հանրապետութիւն
Մահացած է 22 Մայիս 2019(2019-05-22)[1][2][3][…] (95 տարեկանին)
Մահուան վայր Barnes, Ռիչմոնտ, Մեծ Լոնտոն Անգլիա, Միացեալ Թագաւորութիւն
Քաղաքացիութիւն  Գերմանիա
 Միացեալ Թագաւորութիւն
Ուսումնավայր Արուեստի եւ գծագրութեան կեդրոնական դպրոց?
Երկեր/Գլխաւոր գործ When Hitler Stole Pink Rabbit?
Մասնագիտութիւն գրող, նկարազարդող, ինքնակենսագիր, մանկագիր եւ շարժանկարի ուրուագիծ գրող, պատրաստող
Աշխատավայր BBC?
Անդամութիւն Գերմանիայի ՊԵՆ-կենտրոն?
Ամուսին Nigel Kneale?
Ծնողներ հայր՝ Alfred Kerr?, մայր՝ Julia Kerr?
Երեխաներ Matthew Kneale? եւ Tacy Kneale?

Աննա Ճուտիթ Կերթրուտ Հելենա Քերր (անգլերէն՝ Judith Kerr, բրիտանացի գրող, նկարիչ եւ ծաղկող՝ հին ձեռագիր պատկերազարդող վարպետ:

Կենսագրութիւն[Խմբագրել | Խմբագրել աղբիւրը]

Ծնած է ազդեցիկ գերմանացի թատերաքննադատ եւ հրէական ծագմամբ փորձագիր, ճարագիր Ալֆրէտ Քերրի ընտանիքին մէջ։ Իր հօր գիրքերը յայտնուեր են նացիսթներու՝ 1933 թուականի մայիսին իշխանութեան գալէն յետոյ այրած գիրքերու թիւի մէջ։ Քերրը հրապարակաւ դուրս եկեր է նացիսթական կուսակցութեան դէմ եւ նոյն՝ 1933 թուականին իր ընտանիքին հետ մեկներ է աքսորի։ Փրահա, Վիեննա, Զուիցերիա եւ Ֆրանսա այցելելութենէն յետոյ 1936 թուականին ստացեր է Անգլիա մուտք գործելու արտօնութիւն, եւ ընտանիքը հաստատուեր է Լոնտոն, ուր յայտնուեր է կարիքի մէջ։ Հետապնդման տարիները աղջկայ՝ երեխա Ճուտիթ Քերրի տեսանկիւնէն նկարագրուեր են «When Hitler Stole Pink Rabbit » (Վարդագոյն նապաստակ, որը գողցեր է Հիթլերը) եւ «Bombs on Aunt Dainty» (առաջին հրատարակութիււնը՝ The Other Way Round վերնագրով) գիրքերուն մէջ։

Երկրորդ համաշխարհային պատերազմի ժամանակ Ճուտիթ Քերրը օգներ է վիրաւոր զինուորներուն, հետագային ստացեր է կրթաթոշակ Արուեստի եւ արհեստի կեդրոնական դպրոցին մէջ սորվելու համար եւ դարձեր է նկարիչ։ Ուսումը աւարտելէն յետոյ որոշ ժամանակ աշխատեր է որպէս նկարչութեան ուսուցչուհի։ Հետագային ծանօթացեր է BBC-ի շարժանկարի ուրուագիծ գրող, պատրաստող Նայճըլ Նիլի հետ։ Աւելի ուշ BBC-ի մէջ աշխատեր է որպէս հեռուստատեսութեան ուրուագիծ գրող, պատրաստող։

Ստեղծագործութիւն[Խմբագրել | Խմբագրել աղբիւրը]

Ճուտիթ Քերրը մանկութեան օրերէն երազեր է գրող դառնալ, բայց գիրքեր գրել եւ նկարազարդել սկսեր է միայն այն ժամանակ, երբ իր սեփական երեխաները սորվեր են կարդալ։ Հեղինակ է եռահատոր ինքնակենսագրութեան եւ մանկական յայտնի «Վագրը, որ եկեր է թէյ խմելու» գրքին, որը հետագային ունեցեր է բազմաթիւ վերահրատարակումներ։ Այն Մեծ Բրիտանիոյ մէջ արագ դարձեր Է սիրելի մանկական գիրքերէն մէկը[4][5], ինչպես նաեւ թարգմանուեր է քանի մը օտար լեզուներով։

Իրեն պատկաներ է նաեւ Մոկ կատուի մասին պատմութիւններու շարքը։

  • 1970-2015 թուականներուն շարքի մէջ լոյս տեսեր է 18 գիրք: Գլխաւոր հերոսը, որը բնորոշ չէ մանկական շարքին, մահացեր է վերջին՝ «Մնաս բարով, Մոկ» (Goodbye, Mog) գրքի մէջ։ 2004 թուականին Մոկ կատուն դարձեր է «Մոկ մոռացկոտ կատուն» (որը ստեղծուեր էր գրողի գիրքերու հիման վրայ) անիմացիոն սերիալի գործող անձը։
  • 2015 թուականին Մոկ կատուն դարձեր է Sainsbury’s հանրախանութի ամանորեայ գովազդային հերոս։
  • Քերրի վերջին գիրքերէն մէկը՝ «Իմ Հենրին», լոյս տեսեր է 2011 թուականին եւ նուիրուած է իր ամուսնոյն։
  • Նայճըլ Նիլի հետ ամուսնութիւնէն ծնած իրենց որդին՝ գրող Մեթիու Նիլը, յօրինուած անգլիացի գիտնական «Professor Bernard Quatermass» Պերնարտ Քուաթերմեսի մասին հեռուստատեսային ֆիլմերու ուրուագիծի պատրաստման հեղինակն է։

Ընտրուած մատենագրութիւն[Խմբագրել | Խմբագրել աղբիւրը]

  • 1968 — The Tiger Who Came to Tea / «Վագրը, որ եկեր է թէյ խմելու»
  • 1971 — When Hitler Stole Pink Rabbit
  • 1973 — When Willy Went to the Wedding
  • 1975 — The Other Way Round
  • 1987 — A Small Person Far Away
  • 1996 — How Mrs Monkey Missed the Ark
  • 1998 — Birdie Halleluyah!
  • 2001 — The Other Goose
  • 2005 — Goose in a Hole
  • 2008 — Twinkles, Arthur and Puss
  • 2009 — One Night in the Zoo
  • 2011 — My Henry
  • 2012 — The Great Granny Gang
  • 2013 — Judith Kerr’s Creatures
  • 2014 — The Crocodile Under the Bed
  • 2015 — Mr Cleghorn’s Seal

Մրցանակներ[Խմբագրել | Խմբագրել աղբիւրը]

  • 2012 թուականին արժանացեր է Բրիտանական կայսրութեան շքանշանի՝ մանկական եւ դեռահասներւ գրականութեան բնագաւառի մէջ նուաճումներու եւ Հոլոքոսթի ուսումնասիրման համար:
  • 1974 թուականին Ճուտիթ Քերրին շնորհուեր է գերմանական երիտասարդական գրական մրցանակ՝ «Վարդագոյն նապաստակ, որը գողացեր է Հիթլերը» գիրքին համար:

Աղբիւրներ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]