Ճիհան Իպրահիմ

Ճիհան Իպրահիմ
արաբերէն՝ جيهان إبراهيم
Ծնած է 12 Փետրուար 1988(1988-02-12) (36 տարեկան)
Ծննդավայր ԼոնԿ Պիչ, Լոս Անճելըս շրջան, Քալիֆորնիա, Ամերիկայի Միացեալ Նահանգներ
Քաղաքացիութիւն  Եգիպտոս
Ուսումնավայր Գահիրէի Ամերիկեան Համալսարան
Գահիրէի Համալսարան
Մասնագիտութիւն լրագրող, իրաւապաշտպան, գրագէտ
Կուսակցութիւն Revolutionary Socialists?

Ճիհան Իպրահիմ (նաեւ Ճիճի Իպրահիմ, անգլ.՝ Gigi Ibrahim, արաբ․՝ جيجي إبراهيم‎‎, 12 Փետրուար 1988, ԼոնԿ Պիչ, Լոս Անճելըս շրջան, Քալիֆորնիա, Ամերիկայի Միացեալ Նահանգներ), սոցիալիստական շարժման եգիպտացի ակտիվիստ, լրագրող եւ պլոկեր: Ան «քաղաքացիական լրագրողներու» նոր սերունդի վառ ներկայացուցիչն է, որ 2011-ի Եգիպտական յեղափոխական իրադարձութիւններու ընթացքին ընկերային կայքերը օգտագործած է Թահրիրի հրապարակին մէջ տեղի ունեցող դէպքերու մասին տեղեկացնելու համար:

Գործունէութիւն[Խմբագրել | Խմբագրել աղբիւրը]

14 տարեկանէն ապրած է ԱՄՆ-ի մէջ (2002-2008 թուականներուն), ուր մասնակցած է հակապատերազմական բողոքներուն, ներգաղթի մասին օրէնքին դէմ հանդէս եկող եւ ոստիկաններու կողմէ հետապնդուող գաղթականներուն օգնող խումբի գործունէութեան: Աւարտած է Գահիրէի ամերիկեան համալսարանը[1]՝ ստանալով գիտական աստիճան «քաղաքագիտութեան» բնագավառին մէջ[2]:

Մինչեւ համալսարան ընդունուիլը Ճիճի Իպրահիմը առնչութիւն չէ ունեցած աշխատաւորներու շարժման եւ ընդդիմութեան բողոքներու հետ: Ան «ձախ» շարժման մէջ ներգրաւած է «Սոցիալական մոպիլիզացիան ավտորիտար վարչակարգի պայմաններուն» դասախօսութիւններու շնորհիւ, որ կը կարդար լրագրող եւ ակտիւիստ-տրոցկիստ Հոսսամ էլ-Համալաւին[3]: Վերջինս յետագային դարձաւ անոր ամուսինը:

Անդամակցելով Միջազգային սոցիալիստական միտում քլիֆեան ինտէրնացիոնալի «Յեղափոխական սոցիալիստներ» եգիպտական բաժանմունքին՝ Ճիճի Իպրահիմը մասնակցած է 2009-2010 թթ. քաղաքական ցոյցերուն[4]: Եղած է 25 Յունուար 2011-ին Թահրիրի հրապարակի հաւաքի նախաձեռնողներէն: Այն կատալիզատոր կը ծառայէր Հոսնի Մուպարաքի դէմ զանգուածային ժողովրդական շարժման համար:

Միեւնոյն ժամանակ ան քննադատած է Ուաէլ Ղունէյմի նման ընդդիմադիր ակտիւիստներուն՝ նախագահի պաշտօնանկութեան մասին յայտարարութիւնէն ետք ժողովուրդին ոգեւորութեան կոչ ընելով[5] եւ պահանջելով համակարգային փոփոխութիւններ Եգիպտոսի սոցիալ-տնտեսական ու քաղաքական համակարգերուն, ոստիկանութեան կամայականութիւններու դադարեցում եւ ձեռնարկութիւններու յանձնում աշխատաւորներուն:

Ճիճի Իպրահիմի եւ շարք մը «ֆեյսբուքեան յեղափոխականներու»՝ որպէս «Թահրիրի հրապարակի լիտերներու» լուսանկարները տեղադրուած են «Թայմ» ամսագրի շապիկին[6]: Յետագային Ճիճի Իպրահիմը իր համերաշխութիւնը արտայայտած է արտասահմանին մէջ տեղի ունեցող սոցիալական շարք մը շարժումներուն, մասնաւորապէս, Մեծ Բրիտանիայի մէջ մասնակցած է ուսանողական ցոյցերուն:

Ծանօթագրութիւններ[Խմբագրել | Խմբագրել աղբիւրը]

  1. «WebCite query result»։ www.webcitation.org 
  2. «WebCite query result»։ www.webcitation.org 
  3. «Egyptian activist on The Daily Show - Bikya Masr» 
  4. «WebCite query result»։ www.webcitation.org 
  5. «WebCite query result»։ www.webcitation.org 
  6. «WebCite query result»։ www.webcitation.org 

Արտաքին յղումներ[Խմբագրել | Խմբագրել աղբիւրը]