Հրանդ Թորոսեան

Հրանդ Թորոսեան
Ծնած է	29 Օգոստոս 1889(1889-08-29)
Ծննդավայր	Կամարակապ, Ակն, Խարբերդի Վիլայէթ, Օսմանեան Կայսրութիւն
Մահացած է	4 Սեպտեմբեր 1966(1966-09-04) (77 տարեկանին)
Մահուան վայր	Փարիզ, Ֆրանսա

Հրանդ Թորոսեան (29 Օգոստոս 1889(1889-08-29), Կամարակապ, Ակն, Խարբերդի Վիլայէթ, Օսմանեան Կայսրութիւն - 4 Սեպտեմբեր 1966(1966-09-04), Փարիզ, Ֆրանսա), հայ մտաւորական, խմբագիր եւ դասախօս՝ Ֆրանսայի Արեւելեան Լեզուներու Ազգային Դպրոցի։

Կենսագրական գիծեր

Ծնած է Արեւմտեան Հայաստանի Խարբերդի Ակն գաւառակի Կամարակապ գիւղը: 1894-ին տեղափոխուած է Կոստանդնուպոլիս, ուր սորված է Գատըգիւղի Արամեան վարժարանի մէջ:

Պոլիս

Զբաղած է ուսուցչութեամբ Արամեան, Բերայի Մխիթարեան Հայրերու, Սամաթիոյ Սահակեան Նունեան վարժարաններուն եւ Սկիւտարի ճեմարանին մէջ:

1914 աւարտած է բարձրագոյն ուսումը՝ սորվելով իրաւաբանական եւ քաղաքագիտական կաճառներուն մէջ: Աւարտած է նաեւ Ֆրանքֆուրթի եւ Հայտելպերկի համալսարաններու տնտեսագիտութեան դասընթացքները:

1910-14 թուականներուն աշխատակցած է հայալեզու «Առաւօտ», «Արեւելք», «Բիւզանդիոն», «Ոստան», «Շանթ», թրքերէն «Թանզիմաթ», «Իկտամ», ֆրանսերէն «Լըուան Հերալթ», «Փուրս տ՛Օրիան» պարբերականներին:

1912-24 թուականներուն պաշտօնավարած է Օսմանեան հանրային Պարտուց վարչութեան մէջ:

Փարիզ

1925 տեղափոխուած է Փարիզ, ուր 1930-37 թուականներուն եղած է «Լ՛էնֆորմասիոն» տնտեսական եւ քաղաքական օրաթերթոը խմբագիրը:

1933-40 թուականներուն եղած է իր հիմնադրած «Մէրքիւր տ՛Օրիան» տնտեսական ամսաթերթի խմբագիրը: 1946 խմբագրած է նաեւ «Շիրակ» ամսաթերթը:

1937-57 թուականներուն դասաւանդած է Փարիզի արեւելեան կենդանի լեզուներու հիմնարկին մէջ:

1949-52 թուականներուն եղած է ֆրանսահայ գրողներու ընկերութեան նախագահը:

Աշխատութիւններ

Հրատարակուած են Անոր․

• «Կենցաղագիտութիւն, հանրային գործունեութիւն եւ քաղաքացիական կրթութիւն» (1939),
• «Հայ գրականուեան պատմութիւն» (1951),
• «Հայաստանի եւ հայ ժողովրդի պատմութիւն» (1957),
• «Արեւմտահայ աշխարհաբարի ծագումն ու զարգացումը» (1961) եւ այլ աշխատութիւններ:

Աղբիւրներ

• «Նամականի», Գրիգոր Քէօսէեան, 2001, էջ 145։