Հանրապետութեան հրապարակ (Երեւան)

Հանրապետութեան հրապարակ, Երեւան:

Հանրապետութեան հրապարակը, քաղաքի վարչական կեդրոնի գլխաւոր ճարտարապետական համակառոյցն է տօնակատարութիւններու, շքերթներու եւ ժողովրդական հաւաքոյթներու համար։ Հրապարակը ստեղծուած է (ըստ Երեւանի գլխաւոր յատակագիծին եւ նախագիծին) 1924 թուականին, ճարտարապետ՝ Ալեքսանդր Թամանեանին կողմէ ու կառուցուած է 1926-1958 թուականներուն ընթացքին: 1940-1990 թուականներուն ընթացքին կոչուած է Լենինի հրապարակ, եւ հոն կառուցուած է թանգարաններու շէնք մը 1977 թուականին։ Մինչեւ 1990 թուական, հրապարակին հարաւ-արեւմուտք շրջանին մէջ կը գտնուէր Լենինի արձանը:

Հանրապետութեան հրապարակը կ'ընդգրկէ վարչական շէնքեր, օրինակ՝ Կառավարական տունը (որուն ճարտարապետն է՝ Ալեքսանտր Թամանեան իսկ անոր դահլիճի նախագիծը եւ շինութիւնը ղեկավարած է Գէորգ Թամանեանը), Կառավարական 2-րդ տուն մը (որուն ճարտարապետներն են՝ Սամուէլ Սաֆարեան, Վարազդատ Արեւշատեան նաեւ Ռաֆայէլ Իսրայելեան), Արհեստի միութիւններու շէնքը (ճարտարապետ՝ Մարք Գրիգորեան), «Արմենիա» հիւրանոցը (ճարտարապետ՝ Էտուարտ Սարապեան) եւ թանգարաններու շէնքը (ճարտարապետ՝ Սամուէլ Ղազարեան):

Հանրապետութեան հրապարակին շուրջի շէնքերը կառուցուած են դեղին եւ վարդագոյն յատուկ տուֆ քարերով: 1971 թուականին հանրապետութեան հրապարակին կառուցման հեղինակները ստացած են ՀԽՍՀ պետական մրցանակը:

Պատկերասրահ

• Հանրապետութեան հրապարակ
• 
  Արմենիա Մարիոթ հիւրանոցը:
• 
  Տարածքային կառավարման նախարարութեան շէնքը:
• 
  Փոխադրամիջոցի եւ կապի նախարարութեան շէնքը:
• 
  Արտաքին գործերու նախարարութեան շէնքերը:
• 
  Հայաստանի Պետական Պատկերասրահը եւ Երեւանի պատմութեան թանգարանը:
• 
  Հրապարակը 20-րդ դարու սկիզբը:

• Հանրապետության հրապարակը գիշերը
• 
  Կառավարութեան շէնքերը:
• 
  Պարող շատրուանները:
• 
  Պարող շատրուանները:
• 
  Ընդհանուր տեսարան:

Արտաքին յղումներ

• Հանրապետության հրապարակը avproduction.am կայքում Archived 2018-05-09 at the Wayback Machine.