Հայոց Մայր (յուշարձան)

«Հայոց Մայր» յուշարձան (իտալ.՝ La Madre del'Armenia) անագապղնձաձոյլ յուշակոթող, որ տեղադրուած է Ֆլորենսայի Գթասրտութեան եկեղեցական կազմակերպութեան մուտքի մօտ եւ ցուցադրուած է շարք մը եւրոպական քաղաքներու մէջ։

Պատմութիւն[Խմբագրել | Խմբագրել աղբիւրը]

«Հայոց մայր» յուշարձանը նուիրուած է Հայոց Ցեղասպանութեան 100-ամեակին։ Յուշարձանը ցուցադրուած է Ֆլորենցայի, Սիենայի, եւրոպական շարք մը քաղաքներու մէջ՝ Մարսէյլի, Փարիզի, Պրիւքսէլի, Ժընեւի, Քոփենհակընի մէջ։ 2015 թուականի Ապրիլ ամսուն յուշարձանը ցուցադրուած է Վատիկանի մէջ, ուր Հռոմի պապը պատարագ մատուցած է Հայոց Ցեղասպանութեան զոհերու յիշատակին^[1]^[2]։

«Հայոց Մայր» յուշարձանին քանդակագործը ստեղծած է մօր կերպարը, որ կը պաշտպանէ եւ ուղղութիւն ցոյց կու տայ իր չորս զաւակներուն։ Մօր թիկնոցը կը խորհրդանշէ Արեւմտեան Հայաստանը՝ իր եկեղեցիներով։ Մօր ուսերը նման են Արարատ լեռան^[3]։