Համբարձում

Jump to navigation Jump to search
Համբարձում

Համբարձում (յունարէն՝ Ανάληψις τοῦ Σωτήρος; լատ.՝ ascensio), քրիստոնէական տօն։ Սահմանուած է ի յիշատակ Յիսուս Քրիստոսի երկրային կեանքի վերջին օրերու (ըստ քրիստոնէական եկեղեցիի ուսմունքի՝ Քրիստոսը խաչելութենէն 3 օր ետք յարութիւն առաւ իր աշակերտներուն 40 օր այցելելէ ետք, համբարձած է երկինք)։ Համբարձումը կը պատկանի շարժական տօներու շարքին, ունի 35 օրուան շարժականութիւն (Ապրիլի վերջէն մինչեւ Յունիսի սկիզբը), կը տօնուի Զատկի 40-րդ օրը, Հինգշաբթի։ Ծագումով կը պատկանի նախաքրիստոնէական տօնացոյցին (արտահայտած է մեռնող եւ հառնող Աստուծոյ, բնութեան զարթոնքի, վերածնութեան գաղափարները)։

Հայաստանի մէջ[Խմբագրել | Խմբագրել աղբիւրը]

Հայաստանի մէջ Համբարձումը վերածուած է ժողովրդական տօնակատարութեան. երիտասարդ տղաներն ու աղջիկները Համբարձման առթիվ կը հաւաքեն 7 գոյնի ծաղիկ, կուժի մէջ կը լեցնեն 7 աղբիւրի ջուր, իրենց նշանները դնելով ջուրի մէջ եւ Համբարձման գիշերը «աստղունք» կը դնեն, այսինքն՝ անոնք կը յանձնեն աստղերու խորհուրդին, որմէ ետք, ըստ այդ նշաններուն՝ կը կատարեն գուշակութիւններ։ Համբարձման Կիրակի օրը տօնականօէն զարդարուած երիտասարդներն ու աղջիկները կը կազմակերպեն տօնախմբութիւններ՝ Համբարձման նուիրուած երգերու, պարերու (յատկապէս վերվերիներու՝ որպէս հասակի աճի հետ կապուած հմայական պարերու), խաղերու եւ մրցոյթներու զուգակցութեամբ։

Հայ Առաքելական Ս. Եկեղեցին Քրիստոսի Համբարձման տօնի օրը կը յիշատակէ նաեւ 1441 թուականին Հայոց Կաթողիկոսական Աթոռը Սիսէն տեղափոխելու եւ Ս. Էջմիածնոյ մէջ վերահաստատելու պատմական դէպքը։

Պատկերներ[Խմբագրել | Խմբագրել աղբիւրը]

Այս յօդուածի նախնական տարբերակը կամ նրա մասը վերցուած է Հայկական համառօտ հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ CC-BY-SA-icon-80x15.png