Կարինէ Թորոսեան

Կարինէ Թորոսեան
Ծնած է 21 Մայիս 1970(1970-05-21) (53 տարեկան)
Ծննդավայր Պէյրութ, Լիբանան
Քաղաքացիութիւն  Քանատա
Մասնագիտութիւն ժապաւէնի բեմադրիչ
Ամուսին Վիգէն Պէրպէրեան

Կարինէ Թորոսեան (21 Մայիս 1970(1970-05-21), Պէյրութ, Լիբանան), շարժապատկերի բեմադրիչ:

Կենսագրական գիծեր եւ գործեր[Խմբագրել | Խմբագրել աղբիւրը]

Ծնած է Պէյրութ։ Լիբանանի քաղաքացիական պատերազմին ընթացքին՝ 1979-ին, ընտանիքին հետ փոխադրուած է Քանատա եւ հասակ նետած Թորոնթոյի մէջ, ապա անցած է Փարիզ:

Անոր առաջին կարճ ֆիլմը՝ «Վիժընզ»ը (Visions), զոր նկարահանած էր 22 տարեկանին, մաս կազմած է Փարիզի Ճորճ Փոմփիտու (Centre Georges Pompidou) կեդրոնին մէջ, ֆիլմերու ցուցադրութեան յետադարձ (retrospective) ծրագիրին:

Անոր հետագայ ֆիլմերը, երբ ան 25 տարեկան էր, ցուցադրուած են «New York Museum of Modern Art»ի «Cineprobe»ի շրջանակէն ներս:

1999-ին, անոր պատուիրած են «experimental» երաժիշտ «Sparklehorse»ի երաժշտութեան հիմամբ իրականացնել կարճ տեսաերիզ մը[1], որ ստացած է 2000-ի Պերլինի փառատօնի պատուոգիրը:

Երկու տարի ետք, վերոյիշեալ երաժիշտի երաժշտութիւնը ներկայացնող «Babies on the Sun»ը, Պերլինի միջազգային փառատօնին ստացած է «Լաւագոյն կարճ ֆիլմ» մրցանակը:

Անոր գործերը ընդգրկած են տեսաերիզ մը՝ «System of a Down» խումբին նուիրուած, եւ «Stone, Time, Touch» երկար ժապաւէնը, որ 2007-ին արժանացած է Վարշաւիոյ միջազգային ֆիլմի փառատօնի «Լաւագոյն երկար ֆիլմ» մրցանակին[2]: Նոյն տարին, ան Պերլինի մէջ DAAD արուեստագէտներու բնակութեան  (residency) մրցանակը կը ստանայ:

Ծանօթագրութիւններ[Խմբագրել | Խմբագրել աղբիւրը]

  1. «Berliner Künstlerprogramm | Biography: Torossian, Gariné»։ www.berliner-kuenstlerprogramm.de։ արխիւացուած է բնօրինակէն-էն՝ 2020-10-30-ին։ արտագրուած է՝ 2020-10-27 
  2. Զրոյց Գանատահայ Շարժապատկերի Բեմադրիչ Կարինէ Թորոսեանի Հետ