Կարէն Սարգսեան
| Կարէն Սարգսեան | |
|---|---|
 | |
| Ծնած է | 12 Սեպտեմբեր 1952[1] (71 տարեկան) |
| Ծննդավայր | Կապան, Հայաստանի Խորհրդային Ընկերվարական Հանրապետութիւն, Խորհրդային Միութիւն[1] |
| Քաղաքացիութիւն |
 Հայաստան |
| Մասնագիտութիւն | խմբավար |
Կարէն Սարգսեան (12 Սեպտեմբեր 1952[1], Կապան, Հայաստանի Խորհրդային Ընկերվարական Հանրապետութիւն, Խորհրդային Միութիւն[1]), հայ խմբավար։ ՀՀ վաստակաւոր արուեստագէտ (2006)։
Կենսագրութիւն[Խմբագրել | Խմբագրել աղբիւրը]
Պարոն Սարգսեանը 1972-1980 թուականներուն ղեկավարած է Երեւանի պետական համալսարանի երգչախումբը, որուն հետ համերգներով շրջած է Խորհրդային Միութեան մէջ, նաեւ՝ Պալթիկ պետութիւններուն մէջ, Մոսկուայի եւ Սան Փեթերզպուրքի մէջ։ Միաժամանակ ղեկավարած է նաեւ Էջմիածին եկեղեցւոյ երգչախումբը[2]:
1989 թուականին հիմնած է «Տղամարդկանց երգչախումբը» եւ համերգներով բազմիցս շրջագայած Արեւմտեան Գերմանիայի մէջ։ 1993 թուականին Սիտնիյ քաղաքի հայ համայնքը Սարգսեանին հրաւիրած է աշխատելու «Կոմիտաս» երգչախումբի եւ Սիտնիյի սիմֆոնիկ նուագախումբի հետ[2]:
1994 թուականէն ի վեր՝ Ա․ Սպենդիարեանի անուան օփերայի եւ պալէի ազգային ակադեմական թատրոնի խմբավար: Անոր ղեկավարութեամբ երգչախումբը հանդէս եկած է Մոսկուայի մէջ (1995), ԱՄՆ-ի (1999), Սպանիայի (1999, 2000), Լիբանանի (2001) եւ այլն[2]:
1995 թուականէն սկսեալ պարբերաբար ելոյթներ ունեցած է Սուրիայի Հալէպ քաղաքին մէջ, Համազգայինի հրաւէրով, ուր ձայնագրած է Հայկական Սուրբ մեսսայի ամբողջական տարբերակը[2]:
2014 թուականէն ի վեր, ընդհատելով իր գործունէութիւնը օփերային թատրոնին մէջ, Ամենայն Հայոց Գարեգին Բ. կաթողիկոսի հրամանով սկսած է ղեկավարել Երեւանի Գրիգոր Լուսաւորիչ մայր եկեղեցիի եւ հոգեւոր ճեմարանի երգչախումբը[2]:
2017 թուականի Յունիսէն՝ Ա. Սպենդիարեանի անուան օփերայի եւ պալէի ազգային ակադեմական թատրոնի տնօրէն եւ գեղարուեստական ղեկավար Կոստանդին Օրբելեանի հրաւէրով կը վերադառնայ օփերային թատրոն, ուր կը շարունակէ ղեկավարել թատրոնի երգչախումբը[2]:
Խաղացանկ[Խմբագրել | Խմբագրել աղբիւրը]
| Հեղինակ | Ստեղծագործութիւն |
|---|---|
| Ժոզեֆֆէ Վերտի | Օթելլօ |
| Ժոզեֆֆէ Վերտի | Տրուբադուր |
| Ժոզեֆֆէ Վերտի | Տրավիատա |
| Գայետանօ Տոնիցետի | Պողիկտոս |
| Ռուջերօ Լեոնկավալօ | Պայացներ |
| Արմէն Տիգրանեան | Անուշ |
| Տիգրան Չուխաճեան | Արշակ Բ. |
| Աւետ Տէրտէրեան | Երկրաշարժ |
| Ժոզեֆֆէ Վերտի | Այիտա |
| Ալեքսանտր Յարութիւնեան | Սայեաթ-Նովա |
Մրցանակներ եւ պարգեւներ[Խմբագրել | Խմբագրել աղբիւրը]
- ՀՀ վաստակաւոր արուեստագէտ (2006)
- ՀՀ մշակոյթի նախարարութեան ոսկէ մետալ (2012)
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 1,2 1,3 1,4 http://www.conductors.am/5
- ↑ 2,0 2,1 2,2 2,3 2,4 2,5 «Կարէն Սարգսեան»։ opera.am (am-AM)։ արխիւացուած է բնօրինակէն-էն՝ 2017-12-24-ին։ արտագրուած է՝ 2018-01-05