Կանչ (թերթ, Պէյրութ)

Կանչ
Տեսակ	թերթ
Լեզու	արեւմտահայերէն, արաբերէն
Հիմնադրուած է	1971
Հրատարակիչ	Հ. Մատեյան
Երկիր	Լիբանան
Գրասենեակ	Պէյրութ, Լիբանան
OCLC	61385969

«Կանչ», քաղաքական, հասարակական եւ գրական շաբաթաթերթ։ Լոյս տեսած է 1971 թուականէն, Պէյրութի մէջ։ Հրատարակութեան պատասխանատուն էր Հ. Մատէեանը։

Լիբանանի կոմունիստական կուսակցութեան քաղաքականութեան արտայայտիչն էր։ Կը լուսաբանէր Լիբանանի եւ միջազգային կոմունիստական շարժումը, ԽՄԿԿ եւ Հայաստանի կոմունիստական կուսակցութեան գործունէութիւնը, կ՚արծարծէ արաբ ժողովուրդի սոցիալական եւ տնտեսական, ազգային-ազատագրական պայքարի հարցեր։

Լայն տեղ յատկացուցած է Խորհրդային Հայաստանի մէջ տեղի ունեցող իրադարձութիւններուն, կը գովազդէ հայրենիքի մշակութային եւ տնտեսական վերելքը։ Աշխատելով սփիւռքահայութեան համախմբել հայրենիքին շուրջը, անոր մտահոգող հարցերու լուծումը «Կանչ» թերթի գլխագիրը կը կապէր հայրենիքի պետականութեան հետ։

Ջատագոված է հայ եւ արաբ ժողովուրդներու բարեկամութիւնը։ Օգտուած է ՏԱՍՍ-ի եւ Արմէնփրեսի հաղորդագրութիւններէն, արտատպած խորհրդահայ գրողներու ստեղծագործութիւններ եւ մշակոյթի գործիչներու յօդուածներ։ Տպագրած է գրական էջեր, արուեստի հարցերուն նուիրուած նիւթեր, մարզական լուրեր։

Հանդիսացած է Լիբանանի կոմունիստական կուսակցութեան «Ալ-Նիտա» արաբերէն օրաթերթի յաւելուածը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։