Խադ Աջապահեան

Jump to navigation Jump to search
Խադ Աջապահեան
Ծնած է 1883
Ծննդավայր Սիս, Ատանա, Թուրքիա
Մահացած է 7 Մարտ 1943(1943-03-07)
Ազգութիւն Հայ
Կրօնք քրիստոնէութիւն
Մասնագիտութիւն հոգեւորական

Խադ Աջապահեան, (1883, Սիս, Ատանա, Թուրքիա - 7 Մարտ 1943(1943-03-07)), զանազան պաշտօններ վարած է վանքին մէջ։

Կենսագրութիւն[Խմբագրել | Խմբագրել աղբիւրը]

Խադ Աջապահեան, տեղւոյն ազգային վարժարանին մէջ նախնական ուսումը ստանալէ յետոյ՝ կը մտնէ վանք 1898-ին, եւ յաջողութեամբ կը վերջացնէ ժառանգաւորացի դասընթացքը։ 1902-ին կը ձեռնադրուի սարկաւագ, իսկ աբեղայ՝ 1909-ին, եւ 1910-ին ալ վարդապետ՝ Սահակ Կաթողիկոսէն։ Զանազան պաշտօններ վարած է վանքին մէջ։ 1914-ին, նուիրակ ղրկուած է Եօզգրաթի Թեմը եւ այդ առթիւ ալ, ընդհանուր վիճակագրութիւն մը պատրաստած է անձամբ շրջելով այդ շրջանի 45-է աւելը հայաբնակ գիւղերը։

Տեղահանութեան, խումբ մը միաբաններով իր հետ ապահով կերպով կը տանի վանքին թանկարժէք անօթները Հալէպ: 1915-ին, կաթողիկոսին եւ միաբաններու հետ կը ղրկուի Երուսաղէմ: 1916-ին, վեհափառը կ'ուղարկէ զինք Պէյրութ, Սուրբ Նշան վանքիի տեսչութեան պաշտօնով։ Հոն կը մնայ մինչեւ 1922:

1922-ին կը ձեռնադրուի ծարագոյն վարդապետ եւ 1923-ին, Հալէպի թեմի կաթողիկոս՝ փոխանորդութեան պաշտօնը կը վարէ։ Միեւնոյն պաշտօնով, 1929-ին կ'անցնի Դամասկոս: Նոյն տարին եպիսկոպոս կը ձեռնադրուի Սահակ Կաթողիկոսէն, Հալէպի մէջ։ 1933-ին, կը նշանակուի Անտիոքի Թեմի Կաթողիկոս Փոխանորդ։ Իր աննկուն ջանքերուն շնորհիւ, այս թեմը կարճ ժամանակի մը ընթացքին կազմակերպեալ վիճակի կը ստանայ։

1941, Ապրիլ 10-ին Երեւան գնաց իբրեւ Անթիլիասի պատգամագոր՝ կաթողիկոսական ընտրութեանց համար։ Պէյրութի կաթողիկոս տեղապահ նշանակուեցաւ 1943, Մարտ 7-ին, երբ Եղիշէ Սրբազան վախճանեցաւ։[1]

Ծանօթագրութիւններ[Խմբագրել | Խմբագրել աղբիւրը]

  1. Սիսակ Վարժապետեան, Հայերը Լիբանանի մէջ: Հանրագիտարան Լիբանանահայ գաղութի, հ. Ա, Պէյրութ, էջ 388։