Լեւոն Ղալումեան

Ծնած է	25 Յունիս 1940
Ծննդավայր	Երեւան
Մահացած է	28 Օգոստոս 2017
Մահուան վայր	Լոս Անճելըս, Քալիֆորնիա, Ամերիկայի Միացեալ Նահանգներ
Կրթութիւն	Հայաստանի ազգային բազմարուեստի համալսարան
Աշխատավայր	Երևաննախագիծ?
Պարգեւներ	Հայաստանի վաստակավոր ճարտարապետ? Հայաստանի վարչապետի յուշամետալ

Լեւոն Մամիկոն Ղալումեան (25 Յունիս, 1940 Երեւան- 28 Օգոստոս 2017 Միացեալ նահանգներ), ճարտարապետ, Հայաստանի Հանրապետութեան վաստակաւոր ճարտարապետ (24 մայիս, 2010)։ Հայաստանի ճարտարապետներու միութեան անդամ (1972)։

Կենսագրութիւն

1964-ին աւարտած է Երեւանի արուեստագիտական հիմնարկը։

1964-էն կ'աշխատի Երեւաննախագիծ հիմնարկին մէջ, 1985-1997-ններուն եւ 2001-էն՝ ճարտարապետութեան արուեստանոցի ղեկավար, 1997-2001-ններուն՝ տնօրէն։

2002-ին հիմնած է «Արխիտոն» ՍՊ ընկերութիւնը։

Լեւոն Ղալումեանի նախագիծերով կանգնեցուած են Նալպանտեան գիւղի մէջ՝ Հայրենական պատերազմ-ի ընթացքին (1941-1945) զոհուած մարտիկներու (1972, քանդակագործ՝ Նիկողայոս Նիկողոսեան), Ստեփանակերտի մէջ՝ Ալեք Մանուկեանի (1999, քանդակագործ՝ Տիգրան Արզումանեան), Երեւանի մէջ՝ Ուիլիամ Սարոեանի կիսանդրին (իր անուան դպրոցի առջեւ, քանդակագործ՝ Տիգրան Արզումանեան, 2000), Անդրեյ Սախարովի յուշարձանը Երեւանի մէջ (քանդակագործ՝ Տիգրան Արզումանեան, 2001, Աւագ Պետրոսեանի յուշարձանը Երեւանի մէջ, 2014, (քանդակագործ՝ Տիգրան Արզումանեան)։

Ռուզան Ալավերդեանի համահեղինակութեամբ կառուցուած է Խնկո Ապոր անուան հանրապետական մանկական գրադարանը (1978, ՀԼԿԵՄ մրցանակ՝ 1981), «Հայպետհողշիննախագիծ» հիմնարկը, Առաջին ատեանի դատարանի շէնքը Երեւանի մէջ, Ստեփանակերտի թատրոնի շէնքի նախագիծը, «Հայերկրաբանութիւն» թանգարանը (1986), 1988-ի երկրաշարժէմ ետք Գիւմրիի վերականգնման համար կազմած է Մարմաշէնի շրջանի մանրամասն հատակագծման (1989-1990) եւ կառուցապատման (1990-1991), Ամերիկեան Կարմիր խաչի կառուցած բնակելի թաղամասի (1990-2001), Երեւանի թիւ 13 միջնակարգ դպրոցը (1992, Միջազգային ճարտարապետական ակադեմիոյ մրցանակ), քաղաքային եւ գիւղական համայնքներու գլխաւոր հատակագիծեր (Ջերմուկ, Արզնի, Սեւան, Եղուարդ, Ծաղկաձոր, Նոյեմբերեան, Իջեւան, Դիլիջան, Բերդ եւ այլն), բազմագործոն կառոյց Երեւանի Հիւսիսային պողոտայի մէջ, «Անի» եւ «Մուշ-2» թաղամասերու նախագծերը, Սպիտակ քաղաքի «Վարպետաց թաղամաս»-ի նախագիծը (2010-2012), «Երազ» բնակելի թաղամասի գլխաւոր հատակագիծը եւ 18-հարկանի բազմագործոն բնակելի շէնքերու առաջին համալիրը (2008-2012)։

Ղալումեանի նախագիծերով կառուցուած են նաեւ.

Բնակելի շէնք Մամիկոնեանց 38 հասցէով (13-հարկանի)
Բնակելի շէնք Կիեւեան 14ա հասցէով (16-հարկանի)
Բնակելի շէնք Դաւիթաշէն 33/1 հասցէով (16-հարկանի)
Բնակելի շէնքեր Գիւմրիի «Անի» եւ «Մուշ-2» թաղամասերուն մէջ, Ախուրեան քաղաքին մէջ (4-հարկանի)
Բնակելի շէնք Մանանդեան 41/3 հասցէով (վերակառուցում)
«Միկա» մարզադաշտի արեւելեան ատենակալ ծածկը։

Հեղինակ է Արաբկիր եւ Շենգաւիթ համայնքներու գոտեվորման նախագիծերու, Տաթեւի վանական համալիրին հարող քաղաքաշինական գործունէութեան յատուկ կարգաւորման անպատակով տարածքային կազմակերպման նախագիծի (2013)։

2011-ին Երեւանի մէջ տեղադրուած է Ալեքսանդր Մանթաշեանի յուշարձանի ճարտարապետն է, քանդակագործ՝ Տիգրան Արզումանեան^[1]։
2013-ին մասնակցած է «Համազգային» պետական թատրոնի շէնքի նախագիծի բաց մրցոյթին եւ արժանացած է առաջին մրցանակի^[2]։

Պարգեւներ Եւ Մրցանակներ

ՀԼԿԵՄ մրցանակ (1981)
«Տարուայ լաւագոյն կառոյց» միջազգային ճարտարապետական վերաքննութեան արուեստագէտ (1995)
Միութենական եւ հանրապետական մրցոյթներու դափնեկիր
Գերմանիոյ փոխադրամիջոցային եւ շինարարութեան նախարարութեան մրցանակ՝ Ջերմուկ եւ Արզնի քաղաքներու գլխաւոր հատակագիծերու մշակման համար (2005)
Հայաստանի Հանրապետութեան վաստակաւոր ճարտարապետ (2010)^[3]։
ՀՀ վարչապետի յուշամետալ (2015)։

Պատկերասրահ

Խնկո-Ապոր անուան ազգային մանկական գրադարան
Հիւսիսային պողոտային վրայ շէնք
Հիւսիսային պողոտային վրայ շէնք
Անդրէյ Սախարովի յուշարձանը Երեւանի մէջ
Անդրէյ Սախարովի յուշարձան
«ՄԻԿԱ» մարզադաշտի արեւելեան ատենակալի ծածկը
Երկրորդ աշխարհամարտի ընթացքին զոհուածներու յուշարձան Արմաւիրի մարզի Նալպանտեան գիւղին մէջ, քանդակագործ՝ Նիկողայոս Նիկողոսեան, ճարտարապետ՝ Լեւոն Ղալումեան
Վկայագիր Ջերմուկ քաղաքի գլխաւոր հատակագծի համար
Վկայագիր Արզնի քաղաքի գլխաւոր հատակագծի համար