Կարմիր Խաչի եւ Կարմիր Մահիկի Միջազգային Շարժում

(Վերայղուած է Կարմիր Խաչ-էն)
Jump to navigation Jump to search
Կարմիր խաչի եւ կարմիր մահիկի միջազգային շարժում

Կարմիր խաչ (պաշտօնապէս՝ Կարմիր խաչի եւ կարմիր մահիկի միջազգային շարժում), տարբեր երկիրներու մէջ ՝ կամաւոր ընկերութիւններ, որոնք պատերազմի ժամանակ կը կազմակերպեն օգնութիւն ռազմագերիներուն, վիրաւոր եւ հիւանդ ռազմիկներուն, խաղաղ պայմաններու մէջ՝ բնական աղետներէն տուժածներուն եւ վարակիչ հիւանդութիւններով տառապողներուն։ Ատրպէյճանի, Թուրքմենստանի, Ուզբեկստանի, Տաճիկստանի, Աֆղանստանի, Թուրքիոյ եւ Պակաստանի մէջ՝ կը կոչուի «Կարմիր մահիկ», Իրանի մէջ՝ «Կարմիր առիւծի եւ արեւի ընկերութիւն»։

Պատմութիւն[Խմբագրել | Խմբագրել աղբիւրը]

1863 թ. Զուիցերիոյ մէջ, ստեղծուած է «Հիւանդ ու վիրաւոր մարտիկներու խնամատարութեան կոմիտէ»։ Յաջորդ տարին, սկսած են կազմակերպուիլ «Կարմիր խաչի» ազգային ընկերութիւններ, հետագային հիմնադրուած է միջազգային «Կարմիր խաչ», ստեղծուած անոր միջազգային կոմիտէն։ 1965-ի կանոնադրութեամբ միջազգային «Կարմիր խաչի» գերագոյն օրգանը կոնֆերանսն է, որ կը գումարուի չորս տարին մէկ, իսկ կոնֆերանսներու միջեւ ինկած ժամանակաշրջանին՝ մշտական յանձնաժողովը։ Հայաստանի «Կարմիր խաչի» ընկերութիւնը հիմնադրուած է 1921 թ.։ Քաղաքներուն ու մեծ բնակավայրերուն մէջ, կազմակերպած է մասնաճիւղեր, կապ հաստատած՝ հայկական գաղութներու հետ։ Հիմնած է տրոպիկական կայաններ, ամբուլատորիաներ, վեներական հիւանդներուն օգնող բուժկէտեր, շտապօգնութեան բուժակային ու բժշկական կէտեր։ Կազմակերպած է բժշկական ջոկատներ եւ ուղարկած շրջանները՝ բծաւոր տիֆի, տրախոմայի, վեներական հիւանդութիւններու դէմ պայքարելու։ Բացած է հիւանդանոցներ, ծննդատներ. երկրաշարժի ժամանակ կ'օգնէ տուժածներուն։

Խորհրդանշանի Այլ Տարբերակներ[Խմբագրել | Խմբագրել աղբիւրը]

Կարմիր խաչ
Կարմիր մահիկ
Կարմիր Դաւիթի աստղ - Իզրայէլ
Կարմիր առիւծ եւ արեւ - Պարսկաստան (չի գործեր)
Այս յօդուածի նախնական տարբերակը կամ նրա մասը վերցուած է Հայկական սովետական հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  CC-BY-SA-icon-80x15.png