Գրիգոր Ճանկէօզեան

Գրիգոր Ճանկէօզեան;
Ծնած է	10 Յունիս
Ծննդավայր	Լիբանան
Ազգութիւն	Հայ
Աշխատավայր	երգիչ ու մենակատար (Պարիթօն)
Կայքէջ	krikorjangeozian.com

Գրիգոր Ճանկէօզեան՝ երգիչ ու մենակատար (Baritone Պարիթոն վառ ձայն): Գրիգոր Ճանկէօզեանի նշանաբանն է՝ «Միշտ բարձր ու անաղարտ պահել Հայ Երգը»

Կենսագրութիւն[Խմբագրել | Խմբագրել աղբիւրը]

Գրիգոր Ճանկէօզեան ծնած է Լիբանան: Ներկայիս կը բնակի Քանատա: 1971-1976 կը յաճախէ Լիբանանի Պետական երաժշտանոցը, ուսուցչուհի ունենալով տիկին Արփինէ Փեհլիվանեանը: Աւարտելէ ետք, կը մեկնի հայրենիք կատարելագործելու իր երաժշտական ասպարէզը Երեւանի «Կոմիտաս»-ի անուան երաժշտանոցէն ներս, ուսուցիչ ունենալով Արշաւիր Կարապետեանը: Ան կը վերադառնայ Լիբանան:

Բարեսիրական մենահամերգներ[Խմբագրել | Խմբագրել աղբիւրը]

Գրիգոր Ճանկէօզեան բազմաթիւ բարեսիրական մենահամերգներով ելոյթ ունեցած է Սփիւռքի զանազան գաղութներէ ներս, ինչպէս Լիբանան, Սուրիա, Յորդանան, Միացեալ Նահանգներ ու Քանատա: Յատկանշական են իր վերջին տարիներու յաջորդական համերգները նուիրուած «Հայաստան» Համահայկական Հիմնադրամին:

Որպէս հիւր երգիչ ու մենակատար, ան անխտիր, մասնակցութիւնը բերած է հայկական բոլոր միւթիւններու կազմակերպած զանազան բնոյթի ձեռնարկներուն:

Պարգեւատրում, Շքանշան եւ Ոսկէ մետալ[Խմբագրել | Խմբագրել աղբիւրը]

1978-ին կ'արժանանայ Համազգայինի կազմակերպած «Բարսեղ Կանաչեան» երգի մեծ մրցոյթի առաջին ոսկեայ մրցանակին: Ապա կը հրաւիրուի Հալէպ համերգի մը որու աւարտին կրկին կը ստանայ ոսկեայ մետալ մը Սուրիոյ մշակոյթի նախարարին ձեռամբ:

13 Օգոստոս, 2006-ին, առ ի գնահատանք իր կատարած երաժշտական երկար տարիներու ծառայութեան, թէ Լիբանանի եւ թէ Գանատայի մէջ, ան պարգեւատրուեցաւ Մեծի Տանն Կիլիկիոյ Սուրբ Աթոռի Գահակալ Ն.Ս.Օ.Տ.Տ. Արամ Ա. Կաթողիկոսի կողմէ, Կիլիկեան «Մեսրոպ Մաշտոց» շքանշանով, ձեռամբ՝ Քանատայի Հայոց Թեմի առաջնորդ՝ գերաշնորհ Տեր Խաժակ Սրբազան Արքեպիսկոպոս Յակոբեանի:

Նոյն տարին 2006-ի Հոկտեմբերին, Հայաստանի Անկախութեան տօնին առթիւ Ճանկէօզեան հրաւիրուելով Գանատայի մօտ Հայաստանի Հանրապետութեան Դեսպանատուն, դարձեալ կ'արժանանայ Հայաստանի Հանրապետութեան Մշակոյթի Նախարարութեան ոսկեայ շքանշանին, ձեռամբ դեսպանատան լիազօր հաւատարմատար՝ տիար Արման Յակոբեանի:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

== Արտաքին յղումներ ==